សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី The Economic Times បានរាយការណ៍ថា សន្ទស្សន៍ប្រាក់ដុល្លារបានធ្លាក់ចុះដែលធ្វើឱ្យមាសកាន់តែមានតម្លៃសមរម្យសម្រាប់អ្នកវិនិយោគដែលកាន់រូបិយប័ណ្ណផ្សេងទៀត បន្ទាប់ពីទិន្នន័យអាមេរិកបានបង្ហាញថា សកម្មភាពអាជីវកម្ម បានកើនឡើងខ្ពស់ជាងការរំពឹងទុកនៅក្នុងខែមេសានេះ។
ស្របពេលជាមួយគ្នានេះ តម្លៃជួញដូរមាសនៅលើទីផ្សារបានធ្លាក់ចុះ ១ ភាគរយ និងបានរក្សាគោលជំហររបស់ខ្លួននៅតម្លៃ $ ១ ៩៨៣,៦៨ ដុល្លារក្នុងមួយអោន ចំណែកតម្លៃជួញដូរមាសតាមការដឹកជញ្ជូនមានតម្លៃ ១ ៩៩៣,៣០ ដុល្លារក្នុងមួយអោនបន្ទាប់ពីឡើងថ្លៃជាង ២ ០០០ដុល្លារកាលពីថ្ងៃសុក្រចុងសប្ដាហ៍កន្លងទៅនេះ។
កាលពីថ្ងៃសុក្រចុងសប្ដាហ៍កន្លងទៅនេះ តម្លៃមាសបានឡើងថ្លៃជាង ២០០០ដុល្លារក្នុងមួយអោន ដោយសារសកម្មភាពអាជីវកម្មនៅសហរដ្ឋអាមេរិក និងតំបន់ចាយប្រាក់អឺរ៉ូមានការប្រមូលផ្តុំគ្នាក្នុងខែមេសានេះ ខណៈដែលធនាគារកណ្តាលអាមេរិកបានបង្ហាញសញ្ញាថាពួកគេជិតដល់កម្រិតកំពូលនៃវដ្តក្នុងការឡើងអត្រាការប្រាក់បន្ថែមទៀត។ នៅក្នុងថ្ងៃសុក្រដដែលនោះ ទេសាភិបាលធនាគារកណ្តាលអាមេរិក លោកស្រី Lisa Cook បាននិយាយដែរថា ទស្សនវិស័យសម្រាប់ដំណាក់កាលបន្ទាប់នៃគោលនយោបាយរូបិយវត្ថុរបស់ធនាគារកណ្តាលមានការរីកចម្រើនតិចជាងមុន បន្ទាប់ពីមានការចាត់វិធានការយ៉ាងខ្លាំងក្លាកាលពីឆ្នាំមុនដើម្បីបន្ថយសម្ពាធអតិផរណា។
គួរឲ្យបញ្ជាក់ផងដែរថា មាសត្រូវបានគេចាត់ទុកថាជាលោហៈមានតម្លៃសម្រាប់ការពារអតិផរណា ប៉ុន្តែអត្រាការប្រាក់ខ្ពស់ពេកអាចនឹងបន្ថយតម្លៃរបស់វា។ កាលពីសប្តាហ៍មុនកន្លងទៅនេះ ការឡើងតម្លៃមាសក្នុងស្រុកបានរក្សាតម្រូវការមាសជាក់ស្តែងនៅទូទាំងទ្វីបអាស៊ី ដោយបង្ខំឱ្យអ្នកវិនិយោគមាសនៅឥណ្ឌាផ្តល់ការបញ្ចុះតម្លៃក្នុងរយៈពេល ៦ សប្តាហ៍ជាប់ៗគ្នា។ ស្របពេលនេះផងដែរ តម្លៃជួញដូរប្រាក់នៅលើទីផ្សារបានកើនឡើង ០,២ ភាគរយ ឬ ២៥,០៨ ដុល្លារក្នុងមួយអោន ខណៈផ្លាទីនធ្លាក់ចុះ ១,៧ ភាគរយ ឬ ១ ១០៥,៥៥ ដុល្លារក្នុងមួយអោន៕
Account
Security
Favourite Content