សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រដ្ឋធានីក្រុងប៉េកាំង កាលពីថ្ងៃពុធសប្ដាហ៍នេះ តាមរយៈក្រសួងកិច្ចការងារឧស្សាហកម្ម និងព័ត៌មានវិទ្យានៃប្រទេសចិន MIIT បានប្រកាសពីកិច្ចដំណើរការធ្វើតេស្តសាកល្បងជំហ៊ានបន្ទាប់ទៅលើបណ្តាញអ៊ីនធឺណេត 6G បន្ទាប់ពីទទួលបានជោគជ័យក្នុងការសាកល្បងលើកដំបូង។
យោងតាមការចេញផ្សាយរបស់ Novinata បានបញ្ជាក់ថា កិច្ចដំណើរការសាកល្បងដ៏សំខាន់ជាលើកទី២នាពេលនេះត្រូវបានធ្វើឡើងបន្ទាប់ពីការធ្វើតេស្តសាកល្បងដំបូងត្រូវបានបញ្ចប់ទៅដោយជោគជ័យដោយក្នុងនោះក្រុមការងារបង្កើតបានបច្ចេកវិទ្យាថ្មីផ្សេងទៀតដើម្បីគាំទ្របណ្តាញអ៊ីនធឺណេត 6G សរុបប្រមាណ ៣០០ ។
អនុរដ្ឋមន្ត្រី MIIT លោក Zhang Yunming បានលើកឡើងថា ក្រសួងប្តេជ្ញាយ៉ាងខ្លាំងក្លាក្នុងការជំរុញរួមបញ្ចូលគ្នាយ៉ាងស៊ីជម្រៅទៅលើភាពប្រឌិតផ្នែកវិទ្យាសាស្ត្រ បច្ចេកវិទ្យា និងការច្នៃប្រឌិតទៅលើវិស័យឧស្សាហកម្ម ដោយសង្កត់ធ្ងន់ជាពិសេសលើការលើកកម្ពស់តួនាទីនៃបញ្ញាសិប្បនិម្មិតនៅក្នុងសេដ្ឋកិច្ចបែបឧស្សាហកម្ម។
ដោយឡែក អ្នកនាំពាក្យក្រសួងកិច្ចការងារឧស្សាហកម្ម និងព័ត៌មានវិទ្យានៃប្រទេសចិន MIIT លោក Xie Cong ដែលជាប្រធាននាយកដ្ឋានអភិវឌ្ឍន៍ព័ត៌មាន និងទំនាក់ទំនងបាននិយាយថា ប្រទេសចិនបានសាងសង់ហេដ្ឋារចនាសម្ព័ន្ធព័ត៌មានវិទ្យាដ៏ធំបំផុតរបស់ពិភពលោក ជាមួយនឹងស្ថានីយ៍ផ្គត់ផ្គង់សេវា 5G ប្រមាណជា ៤,៨៤លានកន្លែង ហើយអ្នកប្រើប្រាស់ 5G មានជាង ១,២ពាន់លាននាក់រួចមកហើយ។
សម្រាប់តែអ្នកប្រើប្រាស់ 5G ជាមូលដ្ឋាននៅក្នុងប្រទេសចិនមានលើសពី១,២ពាន់លាននាក់ ស្មើនឹង ៦៥,៩ភាគរយ នៃអ្នកប្រើប្រាស់ទូរស័ព្ទចល័តទាំងអស់នៅក្នុងប្រទេស។ ដោយឡែក ពេលនេះ ក្រុមអ្នកជំនាញប្រទេសចិនបានបញ្ចប់ដំណាក់កាលដំបូងនៃការស្រាវជ្រាវ និងការអភិវឌ្ឍន៍ 6G តាមរយៈការសាកល្បងបច្ចេកទេស ដោយបង្កើតបានជាមុខងារបច្ចេកវិទ្យាថ្មី និងសម្រាបគាំទ្រដល់បច្ចេកវិទ្យា 6G រហូតដល់ជាង៣០០មុខងារទៀត ខណៈដែលនៅដំណាក់កាលទី២នៃការសាកល្បងបច្ចេកទេស 6G ត្រូវបានចាប់ផ្តើមរួចមកហើយ។
គួរឲ្យដឹងដែរថា ចិន បានបង្ហាញមហិច្ឆតារបស់ខ្លួនក្នុងការពន្លឿនកិច្ចអភិវឌ្ឍន៍បណ្តាញ 6G បន្ថែមទៀត ស្របពេលដែលការពង្រឹងគោលដៅឆ្ពោះទៅមុខ និងការលើកកម្ពស់ប្រព័ន្ធអេកូឡូស៊ីឧស្សាហកម្មរបស់ខ្លួនកំពុងមានភាពមមាញឹក និងកំពុងទទួលបានលទ្ធផលវិជ្ជមានជាបណ្តើរៗ៕
Account
Security
Favourite Content