សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បរិយាកាសទីផ្សារធ្វើអាជីវកម្មនៅកម្ពុជាមានភាពប្រកួតប្រជែង និងប្រកបដោយសក្តានុពលគួរជាទីចាបអារម្មណ៍ទាំងអ្នកវិនិយោគក្នុងស្រុក និង
មកពីក្រៅប្រទេស ប៉ុន្តែសម្រាប់សហគ្រិនដែលតែងតែមានភាពក្លាហាន និងការប្តេជ្ញាចិត្តចង់នាំយកកេរ្តិ៍ឈ្មោះនៃផលិតផលរបស់ខ្លួនចេញពីកម្ពុជាទៅកាន់ទីផ្សារ
អន្តរជាតិនោះគឺជារឿងដែលមិនងាយស្រួលនោះទេក្នុងគ្រាដែលពិភពលោកកំពុងមានការផ្លាស់ប្តូរខ្លាំង ទាំងទំនោរ និងអត្តចរិតនៃការធ្វើ
ធុរកិច្ចរវាងគ្នា ជាពិសេសប្រភេទអាជីវកម្មប្រកបដោយទំនួលខុសត្រូវ និងគិតគូរអំពីនិរន្តភាពបរិស្ថានសង្គម ផលប្រយោជន៍និយោជិត និងផលចំណេញ ដែលប្រភេទអាជីវកម្មបរិយាបន្ន ។
មិនដូចកាលពីអតីតកាលទៀតឡើយ ច្រកទ្វារសម្រាប់បំពេញក្តីស្រម៉ៃនៃក្រុមសហគ្រិនវ័យក្មេងកម្ពុជាស្របពេលដែលគោលនយោបាយរដ្ឋាភិបាលអាណត្តិថ្មីកំពុង
ផ្តោតសំខាន់ទៅលើការកែប្រែខ្លួនក្លាយទៅជារដ្ឋាភិបាលដែលពឹងផ្អែកលើសេដ្ឋកិច្ចឌីជីថល(ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១ – ២០៣៥) ដែលវានឹងផ្តល់ឱកាសមាសសម្រាប់ឲ្យកម្ពុជាបញ្ជ្រៀតខ្លួនបានកាន់តែច្រើនទៅកាន់ទីផ្សារពិភពលោកតាមរយៈប្រព័ន្ធបច្ចេកវិទ្យា និងការអនុវត្តគោលនយោបាយស្របគ្នាជាមួយនឹងពិភពលោកលើវិធីសាស្ត្រនៃការធ្វើពាណិជ្ជកម្មដែលប្រកបដោយនិរន្តភាព។
មួយក្នុងចំណោមឱកាសមាសសម្រាប់សហគ្រិនកម្ពុជាដើម្បីអាចដើរចេញទៅប្រកួតប្រជែងក្នុងទីផ្សារពិភពលោកបាននោះគឺជាការប្រែក្លាយខ្លួនទៅជាអាជីវកម្មបរិយាបន្នដែលបច្ចុប្បន្នស្ថិតនៅក្រោមកិច្ចខិតខំប្រឹងប្រែងដោយផ្ទាល់ពីសំណាក់ក្រសួងឧស្សាហកម្ម បច្ចេកវិទ្យា និងនវានុវត្ត (MISTI)។ បណ្តាអាជីវកកម្មបរិយាបន្នត្រូវបានលើកទឹកចិត្តយ៉ាងខ្លាំងពីសំណាក់រាជរដ្ឋាភិបាលទាំងផ្នែកហិរញ្ញវត្ថុ និងស្មារតី បូករួមទាំងរង្វាន់លើកទឹកចិត្តជាច្រើនផងដែរ ដើម្បីធ្វើយ៉ាងណាឲ្យពួកគេអាចក្លាយទៅជាអាជីវកម្មរីកចម្រើន និងប្រកបដោយនិរន្តភាព ហើយនឹងអាចងាកមកចូលរួមចំណែកវិញយ៉ាងសំខាន់ក្នុងការអភិវឌ្ឍប្រទេសជាតិប្រកបដោយចីរភាព។
សហគ្រិនកម្ពុជាគួរតែយល់ឲ្យច្បាស់ដែរថា អាជីវកម្មបរិយាបន្ននេះគឺជាស្តង់ដាអាជីវកម្មដែលទទួលស្គាល់ដោយតំបន់ និងអន្តរជាតិ ពីព្រោះថាក្នុងនិយមន័យដែលបានកំណត់វាមិនត្រឹមតែជាអង្គភាពរកប្រាក់ចំណេញសម្រាប់ខ្លួនឯងនោះទេ តែវាក៏ជាអង្គភាពអាជីវកម្មដែលបានគិតគូរ និងចូលរួមចំណែកជួយដល់សង្គមបានច្រើនជាងអាជីវកម្មផ្សេងៗ ហើយក៏ជាអង្គភាពអាជីវកម្មដែលបានគិតគូរដល់បរិស្ថានខ្លាំងជាងអាជីវកម្មទូទៅ។ បន្ថែមពីនោះ ក៏ជាអាជីវកម្មដែលមានបំពាក់មកជាមួយនឹងបច្ចេកវិទ្យាឌីជីថលដែលជាឧបករណ៍ដ៏ចាំបាច់ក្នុងការចូលរួមប្រកួតប្រជែងទីផ្សារសកល។
ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម បច្ចេកវិទ្យា និងនវានុវត្ត (MISTI) នៅក្នុងឱកាសនៃការបើកសម្ពោធកម្មវិធីនៃគម្រោងពន្លឿនការប្រើប្រាស់ឌីជីថលដល់សហគ្រាសធុនមីក្រូ តូច និងមធ្យម សម្រាប់សេដ្ឋកិច្ចឌីជីថល និងយុទ្ធនាការធុរកិច្ចបរិយាបន្ន កាលពីថ្មីៗកន្លងមកនេះបានគូសបញ្ជាក់យ៉ាងច្បាស់ថា ដើម្បីអាចក្លាយទៅជាអាជីវកម្មបរិយាបន្ន ឬធុរកិច្ចបរិយាបន្នបាន ពួកគេចាំបាច់ត្រូវតែជាអាជីវកម្មដែលអាចរកប្រាក់ចំណូលបាន៤១ភាគរយសម្រាប់ដំណើរការប្រតិបត្តិការ ហើយការចូលរួមចំណែកទៅក្នុងសង្គម និងទំនួលខុសត្រូវផ្នែកបរិស្ថានចំនួន៤៦ភាគរយ ហើយមួយចំណែកទៀត ១៣ភាគរយ គឺជាការបញ្ចូលនូវបច្ចេកវិទ្យានវានុវត្ត ឬបច្ចេកវិទ្យាឌីជីថល។
ឯកឧត្តមបានបញ្ជាក់ទៀតថា ស្របពេលដែលកម្ពុជាកំពុងស្ថិតក្នុងក្របខណ្ឌគោលនយោបាយធុរកិច្ចបរិយាបន្នដែលនាំមុខគេក្នុងតំបន់នោះ ការពង្រីកទីផ្សាររបស់សហគ្រិនកម្ពុជាទៅក្រៅប្រទេស
គឺជាពេលវេលាដ៏សមរម្យបំផុតដើម្បីអាចបង្កើតមោទនភាពផលិតផលក្នុងស្រុករបស់កម្ពុជាបន្ថែមទៀតទៅកាន់ពិភពលោកដោយគ្រាន់តែក្នុងនាមជាសហគ្រិនគួរចាប់ផ្តើមសិក្សាស្វែងយល់ និងពិគ្រោះយោបល់បន្ថែមអំពីកិច្ចដំណើរការនៃការរៀបចំ អនុវត្ត និងចុះឈ្មោះទៅជាធរុកិច្ចបិរយាបន្ន ដើម្បីអាចទទួលយកនូវអត្ថប្រយោជន៍យ៉ាងច្រើនដែលផ្តល់ជូនពីសំណាក់រាជរដ្ឋាភិបាល៕
Account
Security
Favourite Content