ឯកឧត្តម ហេង សុខគង់ ៖ ចង់ដើរបានវែងឆ្ងាយ ម្ចាស់អាជីវកម្មគួរប្រែក្លាយខ្លួនទៅជាអាជីវកម្មបរិយាបន្ន

ភ្នំពេញ ៖ អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ចដែលបង្កើតដំណោះស្រាយជា ប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ ប្រជាជនក្រីក្រ និងប្រជាជនមានចំណូលទាប (BoP និង B40)។

បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់ គួរសម និងបង្កើន នូវស្តង់ដារ ជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ។

បើតាមការបញ្ជាក់របស់ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានឱ្យដឹងថា អាជីវកម្មបរិយាបន្ននឹង ផ្ដល់នូវភាពឈ្នះ-ឈ្នះ-ឈ្នះ ដែលឈ្នះទី១ សម្រាប់ រដ្ឋាភិបាល, ឈ្នះទី២សម្រាប់សហគ្រិនខ្លួនឯង និងឈ្នះ ទី៣ សម្រាប់ប្រជាពលរដ្ឋក្រីក្រ។

មានន័យថា អាជីវកម្មដែលរាប់ចូលជាអាជីវកម្មបរិយាបន្ន ត្រូវមានចំណូលថេរមួយដែលអាចទ្រទ្រង់ខ្លួនបាន ទន្ទឹមនឹងនោះក៏ត្រូវមានចំណែកជួយដល់សង្គម (ជាពិសេសដល់ប្រជាជនដែលមានជីវភាពក្រីក្រ) និងចុងក្រោយ គឺអាជីវកម្មនោះត្រូវមានភាពច្នៃប្រតិដ្ឋគ្រប់គ្រាន់ដើម្បីបន្តវិវត្តខ្លួនជាប្រចាំ។

ជាឧទាហរណ៍ សម្រាប់ក្រុមហ៊ុនមួយដែលបានចូលទៅក្នុងអាជីវកម្មបរិយាបន្ន ពួកគេមិនត្រឹមតែបន្ថែមគំនិត សម្រាប់កិច្ចការសង្គមខ្លួនឯងនោះទេ អ្វីដែលសំខាន់ជាងគេគឺគំនិតនវានុវត្តន៍ បច្ចេកវិទ្យា ហើយនិងបានប្រទាក់ក្រឡាដោយផ្ទាល់ជាមួយប្រជាពលរដ្ឋនៅក្នុងសហគមន៍របស់ពួកគេដើម្បីធានានូវសង្វាក់ផ្គត់ផ្គង់។ កាលណាក្រុមហ៊ុននោះមានខ្សែសង្វាក់ផលិតកម្មរឹងមុំាហើយ នឹងធ្វើឱ្យគេមានភាពធន់ទៅគ្រប់បរិយាកាស នៃការវិវត្តរបស់សង្គម។ ជាក់ស្ដែង ដូចជាវិបត្តិកូវីដ១៩ ប្រសិនបើអាជីវកម្មនោះមានសង្វាក់ផ្គត់ផ្គង់វត្ថុធាតុ ដើមក្នុងស្រុកច្បាស់លាស់ ទោះជាប្រឈមនឹងការបិទប្រទេស ក៏អាជីវកម្មនោះនៅតែអាចដំណើរការបាន។

ឯកឧត្តមបន្តឱ្យដឹងទៀតថា អាជីវកម្មមួយដែលបានប្រែខ្លួនទៅជាអាជីវកម្មបរិយាបន្ន នឹងមានភាពរឹងមុំា មានភាពធន់នឹងការវិវត្តរបស់សង្គម ទទួលបានទំនាក់ទំនងបន្ថែម ជាពិសេសក៏ទទួលបានការគាំទ្រ និងបណ្ដាក់ទុនពីដៃគូផងដែរ។

ឯកឧត្តមបញ្ជាក់ថា ៖

“ទៅមុខទៀត អាជីវកម្មបរិយាបន្ននឹងកាន់តែមានសារៈសំខាន់ឡើងថែមទៀត ដោយសារពិភពលោក គេកំពុង ផ្ដោតលើការធ្វើអាជីវកម្មមួយដែលជួយទៅដល់សេចក្ដីថ្លៃថ្នូររបស់ប្រជាពលរដ្ឋ។ ទៅមុខបន្តិចទៀត នៅតាម បណ្ដារោងចក្រ យើងនឹងមានការតាមដានសង្វាក់នៃការផ្គត់ផ្គង់ដែលមាននិរន្ដរភាព។ បន្ថែមពីនេះ ទៅទៀត នឹងមានការតាមដានទាំងវត្ថុធាតុដើមដែលផ្គត់ផ្គង់ផងដែរ ដើម្បីធានាថា តើវាបានប៉ះ ពាល់ដល់បរិស្ថាន ឬអត់?”

ស្របទៅនឹងបរិបថសង្គមបច្ចុប្បន្ននេះ អាជីវកម្មតម្រូវឱ្យមានភាពបត់បែនខ្ពស់ ជាពិសេសចេះទាញ ប្រយោជន៍ពីបច្ចេកវិទ្យា ដើម្បីរុញអាជីវកម្មឱ្យមានភាពរីកចម្រើនទៅមុខ ជាពិសេសប្រភេទអាជីវកម្មមីក្រូ តូច និងមធ្យមតែម្ដង។

បើតាមការបញ្ជាក់របស់ឯកឧត្តម ហេង សុខគង់ បច្ចុប្បន្នកម្ពុជាមានសហគ្រាសធុនមីក្រូ តូច និងមធ្យម ប្រមាណ ៧៥ម៉ឺន សហគ្រាស ហើយបច្ចុប្បន្ននេះផងដែរ ក្រសួងកំពុងតែជំរុញបណ្ដាសហគ្រាសនៅមិនទាន់បាន ចុះបញ្ជីឱ្យចុះឈ្មោះ ចូលទៅក្នុងប្រព័ន្ធពេញលេញ។

ក្រសួងផ្ទាល់ក៏កំពុងធ្វើសកម្មភាពនានាដើម្បីជំរុញសហគ្រាសធនមីក្រូ តូច និងមធ្យមឆ្ពោះទៅរក អាជីវកម្មបែបវិទ្យាសាស្ត្រ បច្ចេកវិទ្យា និងនាវានុវត្តន៍។ ជាក់ស្ដែង នាឆ្នាំ ២០២៤នេះ ក្រសួងផ្ដោតទៅលើការភ្ចាប់សហគ្រាសធនមីក្រូ តូច និងមធ្យម ដែលផ្គត់ផ្គង់ទៅនឹងសហគ្រាសធនមីក្រូ តូច និងមធ្យម ដែលសកម្មភាពទាំងនេះ គឺដើម្បីធានានូវខ្សែសង្វាក់ផ្គត់ផ្គង់ដល់សហគ្រាសធុនមីក្រូ តូច និងមធ្យម ដើម្បីឈានទៅបង្កើតភាពធន់ឱ្យអាជីវកម្មណាមួយ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

តម្លៃប្រេងឡើងថ្លៃ បង្កឱ្យមានការព្រួយបារម្ភលើការផ្គត់ផ្គង់ប្រេងនៅមជ្ឈិមបូព៌ា

ព្រឹត្តិការណ៍, សេដ្ឋកិច្ច

• 19/04/2024

តម្លៃប្រេងឆៅម៉ាក Brent ឡើងថ្លៃ ៨៨,៥ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃដល់ ៨៣,៤៨ ដុល្លារក្នុងមួយបារ៉ែល

ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 19/04/2024

អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។

កម្ពុជានាំចេញគ្រាប់ស្វាយចន្ទីឆៅទៅវៀតណាមជាង៤២ម៉ឺនតោន គិតជាទឹកប្រាក់ជាង៥៤០លានដុល្លារក្នុងត្រីមាសទី១ ឆ្នាំ២០២៤

ព្រឹត្តិការណ៍, សេដ្ឋកិច្ច

• 19/04/2024

កម្ពុជានាំចេញគ្រាប់ស្វាយចន្ទីឆៅទៅប្រទេសវៀតណាមបានជាង៤២ម៉ឺនតោន ហើយគិតជាទឹកប្រាក់បានជាង​៥៤០ លានដុល្លារអាម៉េរិកក្នុងរយៈពេល ៣ខែ ឆ្នាំ២០២៤ ។

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

ជំនួញ, ព្រឹត្តិការណ៍

• 19/04/2024

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 19/04/2024

e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល

សមិទ្ធផល​ទេសចរណ៍ថ្មី​ៗក្នុងទឹក​ដី​ខេត្តកំពត នឹង​ជំរុញ​ទីផ្សារ​ដីធ្លី​ក្នុងខេត្តមួយនេះ​មានសម្ទុះ​មួយកម្រិត​​ទៀត​

ព្រឹត្តិការណ៍, អចលនទ្រព្យ

• 19/04/2024

ការ​បង្កើត​សមិទ្ធផល​ថ្មីៗក្នុងទឹកដី​តំបន់ទេសចរណ៍ មិនត្រឹមតែជួយទាក់ទាញទេសចរ​ប៉ុណ្ណោះទេ តែវា​នឹងទាក់ទាញ​វិនិយោគិន​ចូលទៅតំបន់នោះ​ថែមទៀត​ផងដែរ

ក្នុងត្រីមាសទី១ កម្ពុជាសម្រេចទំហំពាណិជ្ជកម្មជាមួយប្រទេសអាសិបបានជាង ៨៣៦៤លានដុល្លារ​

ព្រឹត្តិការណ៍, សេដ្ឋកិច្ច

• 19/04/2024

ក្នុងត្រីមាសទី១ ឆ្នាំ២០២៤ ទំហំពាណិជ្ជកម្មកម្ពុជាជាមួយបណ្តាប្រទេសដៃគូចំនួន១៤ នៃកិច្ចព្រមព្រៀងសេដ្ឋកិច្ចគ្រប់ជ្រុងជ្រោយតំបន់អាសិប (RECP) សម្រេចបាន៨៣៦៤លានដុល្លារ​

ការប្រើប្រាស់កម្ចីជាមួយគោលដៅច្បាស់លាស់នឹងជួយលើកកម្ពស់ជីវភាពក្រុមគ្រួសារ

ព្រឹត្តិការណ៍, ហិរញ្ញវត្ថុ

• 19/04/2024

ការប្រើប្រាស់កម្ចីពីគ្រឹះស្ថានហិរញ្ញវត្ថុ ដែលមានគោលដៅច្បាស់លាស់ អាចជួយពង្រីកអាជីវកម្ម និងលើកកម្ពស់ជីវភាពក្រុមគ្រួសារប្រជាពលរដ្ឋឱ្យកាន់តែប្រសើរឡើង

Angkor Wildlife & Aquarium អភិរក្សសត្វកម្រ និងផ្តល់ការងារជូនប្រជាពលរដ្ឋ

ព្រឹត្តិការណ៍, សេដ្ឋកិច្ច

• 19/04/2024

ឧទ្យានកម្សាន្ត Angkor Wildlife & Aquarium ក្នុងខេត្តសៀមរាប បានជួយថែរក្សា និង អភិរក្សសត្វទឹកសាប ទឹកប្រៃ និងសត្វព្រៃ ដែលសុទ្ធតែជាប្រភេទសត្វកម្រ