សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា ក្រុមប្រទេស G7 មានបំណងកំណត់តម្លៃប្រេងរុស្ស៊ីក្នុងខែកុម្ភៈខាងមុខនេះ និងកំណត់គោលដៅលើការជួញដូរផលិតផលណាដែលលក់បញ្ចុះតម្លៃ។
ការរឹតបន្តឹងបន្ថែមនេះអាចនឹងចូលជាធរមាននៅថ្ងៃទី៥ ខែកុម្ភៈខាងមុខនេះ ដែលកើតឡើងបន្តពីការព្រមព្រៀងគ្នាលើកមុនលើផលិតផលប្រេង ដូចជាប្រេងម៉ាស៊ូត ប្រេងកាត និងប្រេងឥន្ធនៈជាដើម។ ទន្ទឹមនឹងនេះដែរ ឥណ្ឌាក៏អាចចូលរួមជាមួយនឹងការកំណត់តម្លៃប្រេងរបស់រុស្ស៊ីផងដែរ ប្រសិនបើតម្លៃប្រេងឆៅឡើងលើសពី ៦០ ដុល្លារក្នុងមួយបារ៉ែល។
កាលពីចុងឆ្នាំ២០២២ កន្លងទៅនេះ សហភាពអឺរ៉ុប បណ្តាប្រទេស G7 និងអូស្ត្រាលីបានណែនាំអំពីការកំណត់តម្លៃលើការនាំចេញប្រេងរបស់រុស្ស៊ី ដោយហាមឃាត់ក្រុមហ៊ុនលោកខាងលិចមិនឱ្យផ្តល់ការធានារ៉ាប់រង និងសេវាកម្មផ្សេងទៀតដល់កប៉ាល់ដឹកជញ្ជូនប្រេងរុស្ស៊ី លុះត្រាតែទំនិញត្រូវបានទិញក្នុងតម្លៃកំណត់ ឬទាបជាងតម្លៃដែលបានកំណត់។
ក្នុងរយៈពេលបីខែជាប់ៗគ្នាគិតត្រឹមខែធ្នូ ការផ្គត់ផ្គង់ប្រេងទៅកាន់ប្រទេសឥណ្ឌាមានការកើនឡើងខ្លាំង ហើយនៅតែជាប្រទេសនាំចូលកំពូលរបស់រុស្ស៊ី ព្រមទាំងមិនត្រូវបានរងឥទ្ធិពលទណ្ឌកម្មរបស់លោកខាងលិចទៀតផង។ ប្រទេសនេះកំពុងទិញប្រេងឆៅបញ្ចុះតម្លៃពីរុស្ស៊ីជាមួយនឹងតម្លៃចន្លោះពី ៥៣ ទៅ ៥៦ ដុល្លារក្នុងមួយបារ៉ែល។
យោងតាមទិន្នន័យតាមដានលំហូរប្រេងពីភ្នាក់ងារថាមពល Vortex បានឱ្យដឹងថា កាលពីខែធ្នូកន្លងទៅនេះ ប្រទេសរុស្ស៊ីបានផ្គត់ផ្គង់ប្រេង ១,១៧ លានបារ៉ែលក្នុងមួយថ្ងៃៗដល់ទីក្រុងញូវដែលី។
យោងទៅតាមប្រភពដដែលបាននិយាយថា ការកំណត់តម្លៃលើផលិតផលចម្រាញ់រួច គឺមានភាពស្មុគស្មាញជាងការកំណត់តម្លៃប្រេងឆៅទៅទៀត ដោយសារតម្លៃផលិតផលប្រេងភាគច្រើនគឺអាស្រ័យលើកន្លែងលក់ជាជាងកន្លែងផលិត។ ទោះជាយ៉ាងណាក្តី ឥណ្ឌាកំពុងពិចារណាលើជម្រើសរវាងអឺរ៉ុប និង រុស្ស៊ី។ ឥណ្ឌាអាចនឹងងកាត់បន្ថយការនាំចូលប្រេងពីរុស្ស៊ី ប្រសិនបើសហភាពអឺរ៉ុបដាក់កំហិតបន្ថែមលើប្រទេសណាដែលទិញប្រេងឆៅពីប្រទេសដែលមានទណ្ឌកម្ម ឬប្រសិនបើតម្លៃកំណត់ត្រូវបានអនុវត្ត ៦០ ដុល្លារក្នុងមួយបារ៉ែល៕
Account
Security
Favourite Content