សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Kitco បានរាយការណ៍ថា ទីផ្សារមាសកំពុងមើលឃើញប្រាក់ចំណេញ ខណៈដែលអ្នកវិនិយោគមាសជាច្រើនមិនអើពើនឹងភាពរឹងមាំនៅក្នុងទីផ្សារការងាររបស់សហរដ្ឋអាមេរិក។
កាលពីថ្ងៃព្រហស្បតិ៍ ក្រសួងការងារសហរដ្ឋអាមេរិកបង្ហាញថា ភាពគ្មានការងារធ្វើប្រចាំសប្តាហ៍បានធ្លាក់ចុះពី ១៩២ ០០០ ទៅ ១៩០ ០០០។ ទិន្នន័យទីផ្សារការងារចុងក្រោយបង្អស់នេះមានភាពប្រសើរជាងការរំពឹងទុករបស់សេដ្ឋវិទូ ដែលរំពឹងថានឹងកើនឡើង ១៩៦ ០០០ ។ ស្របពេលជាមួយគ្នានេះដែរ ទីផ្សារមាសមិនឃើញមានប្រតិកម្មច្រើនចំពោះទិន្នន័យសេដ្ឋកិច្ចនោះទេ ដោយសារតម្លៃមាសបានចុះ ០,៤៥ ភាគរយ ឬ ១ ៨៣៧ ដុល្លារក្នុងមួយអោន។
យោងតាមអ្នកវិភាគមួយចំនួន ទិន្នន័យដែលបង្ហាញពីការធ្លាក់ចុះនៃអត្រាគ្មានការងារធ្វើ គឺបានបន្តបន្ធូរបន្ថយការព្រួយបារម្ភនៃសេដ្ឋកិច្ចអាមេរិកដែលកំពុងឆ្ពោះទៅរកវិបត្តិសេដ្ឋកិច្ច។ ទោះជាយ៉ាងណាក៏ដោយ ទិន្នន័យនេះក៏មិនរំពឹងថាធនាគារកណ្តាល Federal Reserve នឹងបន្ធូរបន្ថយអត្រាការប្រាក់នៅក្នុងឆមាសទីមួយនៃឆ្នាំនេះនោះទេ។ ម្យ៉ាងវិញទៀត ធនាគារកណ្តាលសហរដ្ឋអាមេរិកនៅតែប្តេជ្ញាចិត្តចំពោះទស្សនៈរបស់ខ្លួនថា ខ្លួននៅតែយកចិត្តទុកដាក់ទីផ្សារការងារដែលនៅមានភាពទន់ខ្សោយ ដើម្បីកែសម្រួលគោលជំហរគោលនយោបាយរូបិយវត្ថុដ៏ខ្លាំងក្លារបស់ខ្លួន។ ប្រសិនបើមានការផ្លាស់ប្តូរយ៉ាងរឹងមាំនៅក្នុងទីផ្សារ នោះពួកវិនិយោគិននឹងចាប់ផ្តើមរំពឹងថា ធនាគារកណ្តាលនឹងបន្តដំឡើងអត្រាការប្រាក់ដើម្បីរក្សាជំហររបស់ពួកគេឲ្យបានយូរជាងការរំពឹងទុក។ អ្នកសេដ្ឋកិច្ចមួយចំនួនកំពុងគិតថា អត្រាការប្រាក់របស់ Fed អាចឡើងដល់ ៦ ភាគរយនៅឆ្នាំនេះ។ មិនត្រឹមតែប៉ុណ្ណោះ ទីផ្សារមាសអាចប្រឈមនឹងការលំបាក នៅពេលដែលការផ្លាស់ប្តូរទាំងនេះជំរុញឱ្យមានការតំឡើងការប្រាស់កើនឡើងខ្ពស់។ កាលពីខែមុន ទីផ្សារមាសបានដំណើរការដ៏អាក្រក់បំផុតរបស់ខ្លួនចាប់តាំងពីពាក់កណ្តាលឆ្នាំ២០២១ ដោយសារការកើនឡើងអត្រាការប្រាក់៕
Account
Security
Favourite Content