សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ នៅក្នុងឆមាសទី១ ឆ្នាំ២០២៥ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគសរុបចំនួន ៣៧៣គម្រោង ដែលមានទុនវិនិយោគសរុបប្រមាណ ៥,៨ពាន់លានដុល្លារអាម៉េរិក និងបង្កើតការងារប្រមាណ ២៥៥ពាន់កន្លែង បើធៀបនឹងឆមាសទី១ ឆ្នាំ២០២៤ មានការកើនឡើង៧៧%។ ក្នុងចំណោមគម្រោងវិនិយោគសរុប៣៧៣គម្រោង គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ចពិសេសមានចំនួន ២១៦គម្រោង និងគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ច ពិសេសមានចំនួន ១៥៧គម្រោង។ នេះបើតាមសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា ដែលបានចេញផ្សាយកាលពីថ្ងៃទី៧ ខែកក្កដា ឆ្នាំ២០២៥។
ដោយឡែក ចំណែកតែនៅក្នុងខែមិថុនា ឆ្នាំ២០២៥ គម្រោងវិនិយោគចំនួន៨៣គម្រោង ជាមួយទុនវិនិយោគសរុបប្រមាណ ១,៦ពាន់លានដុល្លារអាម៉េរិក បង្កើតការងារបានប្រមាណ៥២ពាន់កន្លែង ត្រូវបានអនុម័ត។
គួរកត់សម្គាល់ថា ក្នុងរយៈពេល៦ខែ ឆ្នាំ២០២៥កន្លងទៅនេះ ប្រភពទុនវិនិយោគចិននៅតែឈានមុខគេ ៥៦,២៣% ខណៈកម្ពុជាស្ថិតនៅលេខរៀងទី២ ក្នុងទុន ២៩,៧៦% សិង្ហបុរី ៧,៧២% វៀតណាម ៣,១% កោះ British Virgin ១,៤% អង់គ្លេស ០,៥៦% កោះ Cayman ០,៥១% សហរដ្ឋអាម៉េរិក ០,៣៧% កោះ Samoa ០,៣៤% កូរ៉េ ០,១៥%។ ចំណែកឯទុនវិនិយោគវិញ នៅក្នុងវិស័យឧស្សាហកម្មមានច្រើនជាងគេរហូតដល់ ៤,២ប៊ីលានដុល្លារ វិស័យហេដ្ឋារចនាសម្ព័ន្ធ និងផ្សេងៗ ១,៥ប៊ីលានដុល្លារ កសិកម្ម និងកសិឧស្សាហកម្ម ១៣០លានដុល្លារ និងវិស័យទេសចរណ៍ ២០លានដុល្លារ។
ចំពោះខេត្តដែលទទួលបានគម្រោងវិនិយោគច្រើនជាងគេ គឺខេត្តកំពង់ស្ពឺ ដែលមាន ២០គម្រោង បន្ទាប់មក ខេត្តស្វាយរៀង ១៧គម្រោង, កោះកុង ១០គម្រោង, តាកែវ ១០គម្រោង, ព្រះសីហនុ ៨គម្រោង ខេត្តកណ្តាល ៥គម្រោង រីឯរាជធានីភ្នំពេញចំនួន ៦គម្រោង ក្រៅពីនេះ កំពង់ចាម ទទួលបាន ២គម្រោង ខណៈបាត់ដំបង ប៉ៃលិន រតនគិរី មណ្ឌលគិរី ក្រចេះ ទទួលបាន ១គម្រោងរៀងៗខ្លួន៕
Account
Security
Favourite Content