សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមហ៊ុនអភិវឌ្ឍផ្សារទំនើបលំដាប់កំពូលរបស់ជប៉ុន Aeon នឹងផ្តល់ជូននូវសេវាកម្មភស្តុភារ (ពាក់ព័ន្ធនឹងវិស័យដឹកជញ្ជូន) អន្តរជាតិនៅក្នុងប្រទេសកម្ពុជា ដោយសារតែមើលឃើញពីការកើនឡើងនៃដោះដូរពាណិជ្ជកម្ម និងពាណិជ្ជកម្មអេឡិចត្រូនិកឆ្លងព្រំដែនក្នុងតំបន់អាស៊ីអាគ្នេយ៍។ នេះបើយោងតាមការចេញផ្សាយរបស់សារព័ត៌មានជប៉ុន Nikkei Asia កាលពីចុងសប្តាហ៍កន្លងមកនេះ។
ក្រុមហ៊ុនបុត្រសម្ព័ន្ធ Aeon Mall គ្រោងនឹងសាងសង់មជ្ឈមណ្ឌលដឹកជញ្ជូនទំហំប្រហែល ៣០ ០០០ ម៉ែត្រការ៉េ នៅក្នុងតំបន់សេដ្ឋកិច្ចពិសេសក្បែរកំពង់ផែក្រុងព្រះសីហនុ។ មជ្ឈមមណ្ឌលមួយនេះនឹងចាប់ផ្តើមអាជីវកម្មនៅឆ្នាំ២០២៣ ដោយផ្តល់ជូននូវការផ្ទុកទំនិញនាំចូល ការជួយលើនីតិវិធីគយ និងការគាំទ្រសម្រាប់ការលក់រាយតាអនឡាញឆ្លងព្រំដែន។
ប្រទេសកម្ពុជា ដែលជាផ្នែកមួយនៃភាពជាដៃគូសេដ្ឋកិច្ចគ្រប់ជុងជ្រោយក្នុងតំបន់ (RCEP) ដែលជាប្លុកពាណិជ្ជកម្មដ៏ធំបំផុតរបស់ពិភពលោក មានគម្រោងអភិវឌ្ឍផ្នែកមួយនៃតំបន់សេដ្ឋកិច្ចពិសេស ទៅជាកំពង់ផែពាណិជ្ជកម្មសេរី ដោយមានការគាំទ្រពីរដ្ឋាភិបាលជប៉ុន និងទីភ្នាក់ងារសហប្រតិបត្តិការអន្តរជាតិជប៉ុន (JICA)។
មជ្ឈមណ្ឌលនេះនឹងមានលក្ខណៈជាពិសេស ដូចឃ្លាំងស្តុកទំនិញដំបូងរបស់កម្ពុជា ដែលអនុញ្ញាតឱ្យអ្នកនាំចូលរក្សាទុកផលិតផលពីបរទេសដោយមិនចាំបាច់បង់ពន្ធ មុនពេលពួកគេឆ្លងកាត់នីតិវិធីគយ។ ក្រុមហ៊ុននានាអាចទុកទំនិញក្នុងបរិមាណច្រើននៅទីនោះ ក្នុងរយៈពេលជាក់លាក់មួយ ដោយអាចយកទំនិញចេញបន្តិចម្តងៗតាមតម្រូវការ និងបង់ពន្ធដែលអាចអនុវត្តបាននៅពេលនោះ។
តម្រូវការសម្រាប់មជ្ឈមណ្ឌលសេវាកម្មភស្តុភារនេះកំពុងកើនឡើងនៅទូទាំងពិភពលោក ដែលជាមធ្យោបាយមួយដើម្បីបង្កើនប្រសិទ្ធភាពសង្វាក់ផ្គត់ផ្គង់ និងគ្រប់គ្រងការចំណាយ ខណៈដែលអង្គភាពក្នុងស្រុកនៃផ្សារទំនើប Aeon Mall នឹងបង្កើតក្រុមហ៊ុនថ្មីមួយសម្រាប់ការបណ្តាក់ទុននេះនៅឆមាសទីមួយនៃឆ្នាំ២០២២ នេះ។
ផ្សារទំនើប AEON Mall ដែលដំណើរការមជ្ឈមណ្ឌលផ្សារទំនើបចំនួនពីរក្នុងប្រទេសកម្ពុជា កំពុងស្វែងអ្នកជួលផ្សារទំនើបដើម្បីប្រើប្រាស់ឃ្លាំងស្តុកទំនិញ ដើម្បីរក្សាទុកទំនិញនាំចូលពីប្រទេសជប៉ុន អឺរ៉ុប សហរដ្ឋអាមេរិក និងប្រទេសផ្សេងៗទៀត។ ក្រុមហ៊ុនក៏នឹងធ្វើទីផ្សារសេវាកម្មរបស់ខ្លួនទៅកាន់អ្នកលក់រាយក្នុងស្រុក និងក្រុមហ៊ុនពាណិជ្ជកម្មអេឡិចត្រូនិក រួមជាមួយនឹងក្រុមហ៊ុនផលិតផលិតផលប្រើប្រាស់របស់ជប៉ុន ដែលកំពុងស្វែងរកការលក់នៅក្នុងប្រទេសកម្ពុជា ហើយរំពឹងថា ក្រុមហ៊ុនផលិតឧបករណ៍អេឡិចត្រូនិក និងរថយន្តនឹងរក្សាទុកគ្រឿងបង្គុំរបស់ខ្លួននៅក្នុងមជ្ឈមណ្ឌលនេះ។
ធុរកិច្ចនៅក្រៅប្រទេសគឺជាចំណុចសំខាន់នៃយុទ្ធសាស្ត្រកំណើនសម្រាប់ក្រុមហ៊ុន Aeon ដែលជាក្រុមលក់រាយដ៏ធំបំផុតរបស់ប្រទេសជប៉ុន។ ផែនការរយៈពេលមធ្យមរបស់ខ្លួនរហូតដល់ឆ្នាំ ២០២៥ ក្រុមហ៊ុនកំណត់គោលដៅជាង ១០០ ពាន់លានយ៉េន (៨៦០ លានដុល្លារ) នៅក្នុងប្រាក់ចំណេញប្រតិបត្តិការនៅអាស៊ីក្រៅប្រទេសជប៉ុន ច្រើនជាងពីរដង ធៀបនឹងឆ្នាំ ២០១៩។
លើសពីផែនការរបស់ខ្លួនក្នុងការបន្ថែមមជ្ឈមណ្ឌលផ្សារទំនើបនៅអាស៊ីអាគ្នេយ៍ ក្រុមហ៊ុនកំពុងប្រញាប់ប្រញាល់ដើម្បីធ្វើពិពិធកម្មប្រតិបត្តិការនៅទីនោះ ដោយសម្លឹងមើលវិស័យនានា រួមទាំងផ្សារទំនើប និងហិរញ្ញវត្ថុអ្នកប្រើប្រាស់។
ការបណ្តាក់ទុនលើមជ្ឍមណ្ឌលភស្តុភារអន្តរជាតិគឺជាផ្នែកមួយនៃផែនការរបស់ក្រុមហ៊ុន Aeon ក្នុងការទាញយកប្រភពប្រាក់ចំណេញថ្មី។ ក្រុមហ៊ុនរំពឹងថានឹងបង្កើតប្រាក់ចំណេញប់ពីអាជីវកម្ម នៅពេលដែលខ្លួនប្រមូលធាតុចូលបានកាន់តែច្រើន និងបង្កើតមូលដ្ឋានអតិថិជន។
ការនាំចូលរបស់កម្ពុជាបានកើនឡើងដល់ ១៩.១៣ ពាន់លានដុល្លារក្នុងឆ្នាំ២០២០ ធៀបនឹងឆ្នាំ២០១០ មានទំហំទឹកប្រាក់ប្រមាណត្រឹមតែ ៦.៧៩ ពាន់លានដុល្លារ។ ទំហំពាណិជ្ជកម្មនេះរំពឹងថានឹងបន្តកើនឡើង ដោយសារមានតែមានការគាំទ្រដោយកិច្ចព្រមព្រៀងពាណិជ្ជកម្ម RCEP ដែលបានចូលជាធរមាននៅថ្ងៃទី ១ ខែមករា កន្លងមកនេះ។
ទីផ្សារពាណិជ្ជកម្មអេឡិចត្រូនិកអន្តរជាតិក្នុងតំបន់ក៏រំពឹងទុកថានឹងកើនឡើងផងដែរ។ Sea ដែលជាក្រុមហ៊ុន e-commerce ដ៏ធំបំផុតរបស់អាស៊ីអាគ្នេយ៍ និង Alibaba Group Holdings បានធ្វើឱ្យប្រទេសកម្ពុជាក្លាយជាទីតាំងវិនិយោគកាន់តែមានភាពទាក់ទាញផងដែរក្នុងប៉ុន្មានឆ្នាំថ្មីៗនេះ ហើយក្រុមហ៊ុនវិនិយោគជប៉ុនធំៗកំពុងផ្តល់សេវាកម្មនៅទីនេះ។ នៅពេលដែលផ្សារទំនើប Aeon Mall បង្កើតអាជីវកម្មភស្តុភារអន្តរជាតិនៅក្នុងប្រទេសកម្ពុជារួចឬាល ក្រុមហ៊ុននឹងបន្តស្វែងរកការពង្រីកអាជីវកម្មរបស់ទៅកាន់ប្រទេសមួយ ចំនួនដូចជាប្រទេសឥណ្ឌូនេស៊ី និងម៉ាឡេស៊ីជាដើម៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមការងារគម្រោង ICCAP ប្រជុំបើកដំណើរការគម្រោងជំនួយបច្ចេកទេសសម្រាប់គ្រឹះស្ថាន ខេមា
ព្រឹត្តិការណ៍, អត្ថបទពាណិជ្ជកម្ម
• 06/10/2026
ក្រុមការងារក្នុងគម្រោងបរិយាបន្នហិរញ្ញប្បទានអាកាសធាតុសម្រាប់សហគមន៍ងាយរងគ្រោះនៅតំបន់អាស៊ីប៉ាស៊ីហ្វិក (ICCAP) ជួបប្រជុំបើកដំណើរការគម្រោងជំនួយបច្ចេកទេសសម្រាប់គ្រឹះស្ថាន ខេមា មីក្រូហិរញ្ញវត្ថុ លីមីតធីត នៅថ្ងៃទី២២ ខែកញ្ញា ឆ្នាំ២០២៦ នៅការិយាល័យកណ្ដាលរបស់ គ្រឹះស្ថាន ខេមា
ឥណ្ឌាបារម្ភ ពាណិជ្ជកម្មអាម៉េរិក-ចិនធូរស្រាល អាចធ្វើឱ្យខ្លួនខាតឱកាសសេដ្ឋកិច្ច និងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 05/10/2026
ឥណ្ឌាកំពុងបារម្ភថា ការធូរស្រាលនៃភាពតានតឹងពាណិជ្ជកម្មរវាងអាម៉េរិក និងចិន អាចធ្វើឱ្យខ្លួនខាតបង់ផលប្រយោជន៍សេដ្ឋកិច្ច និងខកខានឱកាសវិនិយោគសំខាន់ៗ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កម្ពុជា- ជប៉ុន ដាក់ឱ្យដំណើរការជាផ្លូវការនូវ «ក្រុមសហបង្កើតធុរកិច្ចកម្ពុជា-ជប៉ុន» ដើម្បីជំរុញការវិនិយោគ
រយៈពេលជាង ១៤ឆ្នាំ ក្រុមហ៊ុនជប៉ុនដ៏ធំមួយបានដាក់ទុនវិនិយោគនៅកម្ពុជាសរុបជាង ៧២០លានុដល្លារអាម៉េរិក
Account
Security
Favourite Content