សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កម្ពុជាទទួលបានភ្ញៀវទេសចរជាតិប្រមាណ ២៩០ ០០០នាក់ និងភ្ញៀវទេសចរបរទេសប្រមាណ ៥៥ ៨០០នាក់ក្នុងរយៈពេល១សប្ដាហ៍ ចាប់ពីថ្ងៃទី១៩ ដល់ ថ្ងៃទី២៥ ខែសីហា ឆ្នាំ២០២៤ ។ នេះបើតាមក្រសួងទេសចរណ៍ផ្សព្វផ្សាយកាលពីថ្ងៃទី៣០ ខែសីហា ឆ្នាំ២០២៤នេះ។
ក្នុងរយៈពេលមួយសប្តាហ៍ដូចគ្នានេះដែរ សម្រាប់បណ្ណចូលទស្សនាតំបន់រមណីយដ្ឋានអង្គរដែលបានលក់ជូនភ្ញៀវទេសចរបរទេសសរុបចំនួន ១៣ ៩១៥បណ្ណ ថយចុះ១៧,៩% និងទទួលបានចំណូលសរុប ៦៥០ ៨៩០ដុល្លារ ថយចុះ១៨,៩%។
ក្រសួងទេសចរណ៍បានឱ្យដឹងផងដែរថា ចំពោះជើងហោះហើរអន្តរជាតិចូលមកកាន់ប្រទេសកម្ពុជាមានចំនួន៤៥២ ជើង ដោយក្នុងនោះ អាកាសយានដ្ឋានអន្តរជាតិភ្នំពេញមានចំនួន ៣៣៨ ជើងហោះហើរ អាកាសយានដ្ឋានអន្តរជាតិសៀមរាបអង្គរមានចំនួន ១០២ ជើងហោះហើរ និងអាកាសយានដ្ឋានអន្តរជាតិព្រះសីហនុមានចំនួន១២ ជើងហោះហើរផងដែរ។
គួរកត់សម្គាល់ថា ក្នុងរយៈពេល ៧ខែ ឆ្នាំ២០២៤ គិតចាប់ពីខែមករា ដល់ខែកក្កដា កម្ពុជាទទួលបានភ្ញៀវទេសចរអន្តរជាតិប្រមាណ ៣,៧៤លាននាក់ កើនឡើង ២៣,២% ធៀបរយៈពេលដូចគ្នាឆ្នាំ ២០២៣ ស្មើនឹង ៩៧,៤% នៃឆ្នាំ ២០១៩ ដែលជាឆ្នាំមុនពេលការរាតត្បាតនៃជំងឺកូវីដ១៩។ នេះបើយោងតាមទិន្នន័យរបស់ក្រសួងទេសចរណ៍។
ទិន្នន័យក្រសួងបានបញ្ជាក់ថា ភ្ញៀវទេសចបរទេសរមកទស្សនាប្រទេសកម្ពុជា ភាគច្រើនចូលមកតាមផ្លូវគោក និងទឹក ដែលមានរហូតដល់ ២,៣៩លាននាក់ ស្មើនឹង ៦៤% នៃចំនួនភ្ញៀវសរុប ខណៈទេសចរបរទេសមកតាមផ្លូវអាកាស មានប្រមាណត្រឹមតែ ១,៣៤លាននាក់ ស្មើនឹង ៣៦%នៃចំនួនភ្ញៀវសរុប។
ភ្ញៀវទេសចបរទេសចូលមកទស្សនាប្រទេសកម្ពុជាច្រើនជាងគេចន្លោះពីខែមករា ដល់ខែកក្កដាឆ្នាំនេះ គឺទេសចរថៃ បាននាំមុខគេឈរនៅកំពូលតារាង មានប្រមាណ ១,១៤លាននាក់ កើនឡើង ១១,៦% តាមពីក្រោយដោយទេសចរវៀតណាម ជាង ៧៥ម៉ឺននាក់ កើនឡើង ៣៧,៤% បន្ទាប់មកទេសចរចិនឈរលំដាប់លេខ៣ មានជាង ៤៦ម៉ឺននាក់ កើនឡើង ៤៥,៧% ខណៈទេសចរឡាវ ស្ថិតចំណាត់ថ្នាក់លេខ ៥ មានជាង ២២ម៉ឺននាក់ កើនឡើង ២៩,៣% និងលេខរៀងទី ៥ គឺទេសចរមកពីសហរដ្ឋអាមេរិក មានជិត ១៣ម៉ឺននាក់ កើនឡើង ១៧%។
ទិន្នន័យរបស់ក្រសួងបានបង្ហាញទៀតថា ចំនួនភ្ញៀវទេសចអន្តរជាតិទៅទស្សនារមណីយដ្ឋានអង្គរដែលជាគោលដៅទេសចរណ៍ធំបំផុតរបស់កម្ពុជា ក្នុងរយៈពេល ៧ខែឆ្នាំនេះ មានប្រមាណជាង ៥៨ម៉ឺននាក់ (ភ្ញៀវទិញប័ណ្ណ) កើនឡើង ៣៣% និងរកចំណូលបានប្រមាណជាង ២៧លានដុល្លារអាម៉េរិក កើនឡើង ៣៣,៧% បើធៀបនឹងរយៈពេលដូចគ្នាកាលពីឆ្នាំមុន៕
Account
Security
Favourite Content