សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖យោងតាមសហព័ន្ធស្រូវអង្ករ (CRF) បានបញ្ជាក់ថា នៅរដូវច្រូតកាត់នេះមានសហគ្រាសស្រូវអង្ករធំៗចំនួន ៤៧ ក្នុងចំណោម៥១ រោងម៉ាស៊ីន នៅខេត្តចំនួន ១២ គ្រោងទិញស្រូវប្រមាណជិត ២លានតោនសម្រាប់នាំចេញ និងប្រើប្រាស់ក្នុងស្រុក ។ នេះបើតាមការឱ្យដឹងពី ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។
ឯកឧត្តមបណ្ឌិត យ៉ង សាំងកុមារ បានឱ្យដឹងថា ក្រៅពីសហគ្រាសស្រូវអង្ករធំៗខាងលើ ក៏មានរោងម៉ាស៊ីនតូចៗជាច្រើនទៀតដែលនៅរដូវច្រូតកាត់នេះ នឹងប្រមូលទិញស្រូវចំនួនប្រមាណជិត ២លានតោន សម្រាប់ផ្គត់ផ្គង់ក្នុងស្រុកផងដែរ ដោយក្នុងនោះ ស្រូវផ្ការំដួលចំនួន ៥៤៧ 000 តោន- ស្រូវសែនក្រអូបចំនួន ៤៩៦,000 តោន និងស្រូវអង្ករសទូទៅចំនួន ៨៧៤ 000 តោន។ លើសពីនេះទៀតក៏មានអ្នកប្រមូលទិញស្រូវសម្រាប់នាំចេញ ទៅប្រទេសជិតខាងផងដែរ ដោយជាមធ្យមប្រមាណ ២០ ០០០ តោនក្នុងមួយថ្ងៃ ។
ឯកឧត្តមបណ្ឌិត យ៉ង សាំងកុមារ បានគូសបញ្ជាក់ថា ជាទូទៅ ដើម្បីអាចទទួលបានតម្លៃល្អ កសិករត្រូវយកចិត្តទុកដាក់លើគុណភាព និងការសហការគ្នាក្នុងការសម្របសម្រួលការច្រូត និងប្រមូលផ្តុំគ្នាលក់ក្នុងបរិមាណសមស្របមួយដែលងាយស្រួលដល់ការដឹកជញ្ជូន។ ជាមួយគ្នានេះ ឯកឧត្តមបណ្ឌិត ក៏បានរំលេចពីមន្រ្តីកសិកម្មឃុំទាំង ២៥០នាក់ ដែលកំពុងមានភាពសកម្មក្នុងការជួយសម្របសម្រួលកសិករលើការងារទីផ្សារ ហើយរាជរដ្ឋាភិបាលក៏កំពុងជ្រើសរើសមន្រ្តីកសិកម្មឃុំបន្ថែមចំនួន ១០០០ នាក់ទៀតដើម្បីបញ្ជូនទៅធ្វើការបម្រើកសិករនៅគ្រប់ឃុំ ជាពិសេសឃុំដែលមានផលិតកម្មស្រូវ។
គួរកត់សម្គាល់ថា ជាទូទៅតម្លៃស្រូវនៅរក្សាស្ថិរភាពបានល្អ ដោយគិតមកដល់ថ្ងៃទី១៩ ខែវិច្ឆិកា ឆ្នាំ២០២៤ រោងម៉ាស៊ីន ខ្មែហ៊្វូត គ្រុប (Khmer Food Group) ទិញស្រូវផ្ការំដួលល្អក្នុងតម្លៃរហូតដល់ ១ ៤១០ រៀលក្នុងមួយគីឡូក្រាម (តម្លៃដឹកដល់រោងម៉ាស៊ីន) នៅភូមិព្រៃទទឹង ឃុំព្រៈនិព្វាន ស្រុកគងពិសី ខេត្តកំពង់ស្ពឺ។
សូមជម្រាបថាកាលពីថ្មីៗនេះ អង្ករក្រអូបប្រណិតកម្ពុជា ដែលបានឈ្នះពានរង្វាន់អង្ករល្អប្រណិតផ្តាច់គេលើពិភពលោកនោះគឺបានមកពីការខិតខំធ្វើការងារបានយ៉ាងល្អក្នុងការដាំដុះរបស់ប្រជាកសិករកម្ពុជា ហើយក៏សូមអរគុណដល់រោងម៉ាស៊ីនកិនស្រូវ ដែលបានខិតខំសម្រិតសម្រាំង និងកិនកែច្នៃអង្ករបានយ៉ាងល្អ រហូតទទួលបានជ័យជំនះជូនប្រទេសជាតិ។
គួរបញ្ជាក់ថា យោងតាមសេចក្តីប្រកាសព័ត៌មាន របស់សហព័ន្ធស្រូវអង្ករកម្ពុជាបានឱ្យដឹងថា ក្នុងរយៈពេល១០ខែ ឆ្នាំ២០២៤ កម្ពុជាបាននាំចេញអង្ករប្រមាណ ៥,០៧ ម៉ឺនតោន ទៅកាន់ទីផ្សារអន្តរជាតិ ដោយទទួលបានទឹកប្រាក់ប្រមាណ៣,៧៦ពាន់លានដុល្លារសហរដ្ឋអាមេរិក៕
Account
Security
Favourite Content