រដ្ឋមន្រ្តីកសិកម្ម ជំរុញឱ្យមានការសិក្សាពីសក្ដានុពលមុនធ្វើការវិនិយោគវិស័យកសិ-ឧស្សាហកម្មកម្ពុជា

ភ្នំពេញ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឌិត ទីណា បានណែនាំដល់ពាណិជ្ជករចិន ដែលមានបំណងវិនិយោគនៅកម្ពុជា ​ត្រូវសិក្សា​នូវ​ស​ក្តា​​នុពលនៃវិស័យកសិ-ឧស្សាហកម្មកម្ពុជា ខ្សែច្រវាក់នៃការផ្គត់ផ្គង់ និងខ្សែច្រវាក់តម្លៃឱ្យបានច្បាស់លាស់ ដើម្បីជំរុញទីផ្សា​រតម្រង់ទិសការវិនិយោគឱ្យត្រូវទិសដៅ មានប្រសិទ្ធភាព និងនិរន្តរភាព។

អនុសាសន៍របស់រដ្ឋមន្ត្រីក្រសួងកសិកម្មបានលើកឡើង ​ក្នុងពេលដែលឯកឧត្តមទទួលការជួបសម្តែងការគួរសម និងពិភាក្សាកា​រងារជាមួយពាណិជ្ជករចិនរបស់ក្រុមហ៊ុន Danong Development Group លើការងារវិនិយោគកសិ-ឧស្សាហកម្មនៅកម្ពុជាកាលពីពេលថ្មីៗនេះ ​ដែលគោលបំណងសំខាន់នៃកិច្ចប្រជុំគឺដើម្បីជំរុញការបង្កើតកសិដ្ឋានបណ្តុះគ្រាប់ពូជ ការដាំស្មៅចំណីសត្វ ការចិញ្ចឹមសត្វគោ និងជ្រូក ការសាងសង់ឃ្លាំងស្តុកចំណី និងកំពង់ផែដឹកជញ្ជូន សម្រាប់ការនាំចេញទៅប្រទេសចិន ព្រមទាំងហេដ្ឋារចនាសម្ព័ន្ធនានាបន្ថែមទៀត។

កិច្ចពិភាក្សារបស់ឯកឧត្តម ឌិត ទីណា បានធ្វើឡើងស្របពេលដែលប្រទេសចិនបានផ្តល់លទ្ធភាពឱ្យកម្ពុជាបាននាំចេញផលិតផលកសិកម្ម ឆ្ពោះទៅកាន់ទីផ្សារប្រទេសចិន រួមមាន៖ អង្ករ ដំឡូងមីក្រៀម គ្រាប់ស្វាយចន្ទី ចេក ផ្លែស្វាយ ពោតក្រហម ផ្លែមៀនប៉ៃលិន (តាង៉ែន) ត្រីប្រា ម្រេច និងផលិតផលជលផលពីធម្មជាតិចំនួន ១១ប្រភេទ​មាន៖​ កំពឹសទឹកសាប,​ ត្រីប្រាធំ, ត្រីប្រាខ្ចៅ,​ ខ្យងទឹកសាបពីរប្រភេទ, អន្ទង់ទឹកសាប, បង្កងកណ្តូបពីរប្រភេទ, បង្គាខ្លឹង,​ បង្គាស,​ និងបង្គាប៉ារ៉ា ហើយថ្មីៗនេះ ក៏ទទួលបានការអនុញ្ញាតឱ្យនាំផលិតផលជលផលចិញ្ចឹមចំនួន៤មុខទៀត គឺបង្កងប៉ាក អន្ទង់ ត្រីដំរី និងខ្យង។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បាន​យល់​ឃើញ​ថា វិស័យកសិកម្ម គឺជាវិស័យដ៏មានសក្តានុ​ពល ហើយវិនិយោគិនចិននៅតែឈានមុខគេក្នុងការវិយោគលើវិស័យនេះនៅកម្ពុជា ហើយភាពល្អប្រសើរ​នៃ​ទំនាក់ទំនង​រដ្ឋាភិបាល​កម្ពុជា​-​ចិន បាន​លើកទឹកចិត្ត​ភ្ញៀវ​ទេសចរ​ចិន ឱ្យមក​ដើរ​កម្សាន្ត​នៅ​កម្ពុជា​កាន់​តែច្រើន​ និងអ្នក​វិ​និ​យោគ ចាប់​អារម្មណ៍ ​ចូលមក​បណ្តាក់​ទុន ការវិនិយោគលើវិស័យក​សិក​ម្ម ដែលមួយរយៈពេលចុងក្រោយនេះ មានសម្ទុះគួរចាប់អារម្មណ៍ ។

អ្នកឧកញ៉ា លឹម ហេង បានបញ្ជាក់ថា កំណើន​វិនិយោគិន​ចិន​ ក៏ដោយសារកម្ពុជា មានកិច្ចព្រមព្រៀង RCEP និង​កិច្ចព្រមព្រៀ​ង​ពា​ណិ​ជ្ជ​កម្មទ្វេភាគី​កម្ពុជា​-​ចិន ​និងកិច្ចព្រមព្រៀង​ពាណិជ្ជកម្ម កម្ពុជា​-​កូរ៉េ​ និងបណ្តាប្រទេសមួយចំនួន រួមទាំងមានច្បាប់​វិនិយោគ​ថ្មី​មាន​ការលើក​ទឹកចិត្ត និង​ផ្តល់​ភាពអនុគ្រោះ​ច្រើន​ និង​ការនាំ​ទំនិញ​ពី​កម្ពុជា​ទៅ​ទីផ្សារ​អន្តរជាតិ​ធំៗ​សុទ្ធតែ​ទទួលបាន​ប្រ​ព័​ន្ធ​​​​​អនុគ្រោះ​ពន្ធ​នាំចូល​ដូចជា GSP ពី​អាមេរិក​, EBA ពី​សហគមន៍​អឺរ៉ុប​ និង​ពី​ចក្រភព​អង់គ្លេស​ជាដើម។​

ដោយឡែក ក្រុមហ៊ុនចិន ក៏បានបានបង្ហាញពីចំណាប់អារម្មណ៍ក្នុងការវិនិយោគលើវិស័យកសិកម្ម ជាពិសេសលើការដាំដុះដំឡូងមី និងពោត និងការបង្កាត់ពូជដំណាំចំណីសត្វនៅខេត្តកំពង់ធំ ដែលវាយតម្លៃចំពោះធនធានកសិកម្មរបស់ខេត្តកំពង់ធំ ជាពិសេសគឺគ្រាប់ស្វាយចន្ទី ដែលឆ្ងាញ់ជាងគេលើពិភពលោក និងមានគុណភាពខ្ពស់បំផុត។ គណៈប្រតិភូបានប្តេជ្ញាពង្រីកទីផ្សារសម្រាប់គ្រាប់ស្វាយចន្ទីកម្ពុជាជាចម្បងនៅក្នុងទ្វីបអឺរ៉ុប និងពិភពអារ៉ាប់ ដែលគម្រោង​វិនិយោគ​ត្រូវ​បាន​ពិភាក្សា​រវាង​លោក ងួន រតនៈ អភិបាល​ខេត្ត​កំពង់ធំ និង​គណៈប្រតិភូ​មក​ពី​ក្រុមហ៊ុន​ចិន កាលពី​ថ្ងៃ​ទី​៩ ខែ​សីហាឆ្នាំ២០២៣។

លោក​អភិបាលខេត្ត​បានឱ្យដឹងថា ​រដ្ឋបាល​ខេត្ត​និង​ក្រុមហ៊ុន​ចិន​ ដោយលោកបន្ថែមថា ក្រុមហ៊ុន​បាន​បញ្ចប់​ការសិក្សា​លើ​ផែនការ​វិនិយោគ​នេះ​រួចរាល់​ ហើយ​បាន​គូសបញ្ជាក់​ពី​សក្ដានុពល​កសិកម្ម​របស់​ខេត្ត​ ដែលមាន​ប្រភព​ទឹក​គ្រប់គ្រាន់​សម្រាប់​ដំណាំ​កសិកម្ម ដោយសង្ឃឹមថាផែនការវិនិយោគនេះនឹងបង្កើតការងារសមរម្យជូនប្រជាពលរដ្ឋក្នុងមូលដ្ឋាន កាត់បន្ថយចំណាកស្រុកពលកម្ម និងជំរុញសេដ្ឋកិច្ចខេត្ត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម

យល់ដឹងពីគំនិតអាជីវកម្មមួយចំនួននៅក្រៅប្រទេសដែលមានភាពរឹងម៉ាំទៅនឹងវិបត្តិសេដ្ឋកិច្ច

ព្រឹត្តិការណ៍, អាជីវកម្មថ្មី និងនវានុវត្ត

• 23/07/2024

នៅក្នុងអំឡុងពេលវិបត្តិសកល មានក្រុមហ៊ុនខ្លះខាតបង់ធ្លាក់ចំណូល និងខ្លះទៀតឈានទៅដល់បិទទ្វារក៏មាន ប៉ុន្តែមានអាជីវកម្មខ្លះនៅតែអាចដំណើរការល្អ និងទាញបានប្រាក់ចំណេញ

វិវាទដីធ្លីជិត ១ម៉ឺន ៤ពាន់ ករណីបានត្រូវដោះស្រាយ

ព្រឹត្តិការណ៍, អចលនទ្រព្យ

• 23/07/2024

ពីឆ្នាំ២០២៣គិតមកដល់ពេលបច្ចុប្បន្ន ក្រសួងដែនដីបានដោះស្រាយវិវាទដីធ្លីសម្រេចជាង១៣០០០ករណី ស្មើនឹងជិត៩០​ភាគ​រយនៃជម្លោះ

ក្រសួងដែនដី រៀបចំកិច្ច​ប្រជុំជាមួយ​វិស័យ​ឯកជន​ក្នុងវិស័យ​សំណង់ និង​អច​លនទ្រព្យ​ ដើម្បី​រកបញ្ហា​ និ​ងដំណោះស្រាយ

ព្រឹត្តិការណ៍, អចលនទ្រព្យ

• 23/07/2024

ក្នុងគោលដៅជំរុញការ​អភិវឌ្ឍ​វិស័យ​សំណង់ ​និងអចលនទ្រព្យ ក្នុងប្រទេស​កម្ពុជា​បន្ថែម ក្រសួង​រៀបចំដែន ​និងវិស័យឯកជន ​បានជួ​បពិភាក្សារកដំណោះស្រាយរួមគ្នា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ប្រព័ន្ធធនាគារនៅកម្ពុជាបន្តរក្សាបានភាពធន់ និងរឹងមាំ

ព្រឹត្តិការណ៍, ហិរញ្ញវត្ថុ

• 23/07/2024

ប្រព័ន្ធធនាគារនៅកម្ពុជាបន្តរក្សាបានភាពធន់ និងភាពរឹងមាំ ខណៈសេដ្ឋកិច្ចពិភពលោកនៅមិនទាន់ប្រាកដប្រជា

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល