សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យហេដ្ឋារចនាសម្ព័ន្ធ ថាមពលស្អាត ទេសចរណ៍ កសិកម្ម និងបច្ចេកវិទ្យា គឺជាវិស័យដែលរាជរដ្ឋាភិបាលកម្ពុជាបានដាក់ក្នុងវិស័យអាទិភាព ទាក់ទាញ វិនិយោគិនបរទេសចូលមកបណ្ដាក់ទុនវិនិយោគបន្ថែមទៀត ។ នេះបើតាមការបញ្ជាក់របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាក្នុងជំនួបជាមួយអគ្គរាជទូតនៃប្រទេសអេមីរ៉ាតអារ៉ាប់រួមប្រចាំព្រះរាជាណាចក្រកម្ពុជានៅថ្ងៃទី១៣ ខែឧសភា ឆ្នាំ២០២៤ ។
សម្ដេចធិបតីបានមានប្រសាសន៍ថា ការវិនិយោគលើវិស័យហេដ្ឋារចនាសម្ព័ន្ធ ថាមពលស្អាត ទេសចរណ៍ កសិកម្ម បច្ចេកវិទ្យា និងហេដ្ឋារចនាសម្ព័ន្ធ គឺជាអាទិភាពរបស់រាជរដ្ឋាភិបាលកម្ពុជាក្នុងការសម្រេចបាននូវកំណើនការងារ សមធម៌ ប្រសិទ្ធភាព និងចីរភាព ដើម្បីអភិវឌ្ឍកម្ពុជាប្រកបដោយភាពធន និងបរិយាប័ន្ន។ ជាក់ស្ដែង ក្នុងវិស័យថាមពលស្អាត បច្ចុប្បន្ន ព្រះរាជាណាចក្រកម្ពុជា បានសម្រេចនូវការប្រើប្រាស់ថាមពលស្អាតចំនួន ៦២ភាគរយនៃការប្រើប្រាស់ថាមពលសរុប និងបានដាក់ចេញនូវទិសដៅជំរុញការប្រើប្រាស់ថាមពលស្អាតឱ្យបានដល់ ៧០ភាគរយ ត្រឹមឆ្នាំ២០៣០ ព្រមទាំងបានបញ្ឈប់ទាំងស្រុងនូវការបង្កើតរោងចក្រដំណើរការដោយថាមពលធ្យូងថ្ម ដោយជំនួសមកវិញនូវគម្រោងអភិវឌ្ឍថាមពលកកើតឡើងវិញ ។
ឯកឧត្តម Obaid Saeed Obaid Bintaresh Aldhaheri ឯគអគ្គរាជទូតនៃប្រទេសអេមីរ៉ាតអារ៉ាប់រួម ប្រចាំកម្ពុជាបានមានប្រសាសន៍ ក្នុងបេសកកម្មការទូតរបស់លោកនៅប្រទេសកម្ពុជា លោកនឹងបន្តព្រឹង និងពង្រីកការកិច្ចសហប្រតិបត្តិការបន្ថែមទៀតលើវិស័យជាច្រើន រួមមានពាណិជ្ជកម្ម វិនិយោគ ហេដ្ឋារចនាសម្ព័ន្ធ ដឹកជញ្ជូន កសិកម្ម ថាមពលនិងទេសចរណ៍ ។
រាជរដ្ឋាភិបាលនៃប្រទេសកម្ពុជា បានវិនិយោគលើវិស័យហេដ្ឋារចនាសម្ព័ន្ធ ជាច្រើន រួមមានផ្លូវ ស្ពាន ដោយចំណាយថវិកាអស់រាប់ពាន់លានដុល្លារអាមេរិក ជាក់ស្ដែងគ្រាន់តែស្ពានឆ្លងទន្លេ៣ខ្សែ រួមមានស្ពាន ឆ្លងទន្លេបាសាក់ព្រែកប្រា ចាក់អង្រែ ស្ពាន ឆ្លងទន្លេពីផ្លូវជាតិលេខ១ទៅល្វាម និងស្ពានឆ្លងទន្លេមេគង្គនៅខេត្តក្រចេះ ចំណាយថវិកាអស់ជិត៤០០លានដុល្លារអាមេរិកទៅហើយ ហើយក៏មានស្ពាន ថ្នល់ជាច្រើនទៀត ដែលកំពុងសាងសង់និងគ្រោងបើកការដ្ឋានសាងសង់ មានតម្លៃរាប់រយលានដុល្លារអាមេរិក ។ទាំងនេះ គ្រាន់តែជាគម្រោងដែលវិនិយោគដោយរដ្ឋប៉ុណ្ណោះ នៅមានគម្រោងវិនិយោគជាច្រើនទៀតដែលវិនិយោគដោយវិស័យឯកជន ដែលផ្ដោតលើវិស័យអាទិភាពរបស់រាជរដ្ឋាភិបាល ។
បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាចេញផ្សាយនៅពេលថ្មីៗនេះដែរ ក្នុងខែមេសាឆ្នាំ ២០២៤កន្លងទៅនេះ គម្រោងវិនិយោគចំនួន២២ដែលបានអនុម័តឱ្យដំណើរការវិនិយោគ គឺសុទ្ធតែគម្រោងក្នុងវិស័យឧស្សាហកម្ម ដែលមានទុនវិនិយោគជាង៣០០លានដុល្លារអាមេរិក។
របាយការណ៍របស់ក្រុមប្រឹក្សាអភិវឌ្ឍន៍កម្ពុជាកាលពីដើមឆ្នាំ ២០២៤ ក៨បានបង្ហាញផងដែរថា គម្រោងដែលស្ថិតក្នុងវិស័យអាទិភាពរបស់រដ្ឋាចំនួន៦គម្រោងធំ មានទុនវិនិយោគ រហូតដល់ជាង២,១ពាន់លានដុល្លារអាមេរិក ចាក់បញ្ចូលក្នុងសេដ្ឋកិច្ចដែលនឹងបម្រើឱ្យសេដ្ឋកិច្ចពាណិជ្ជកម្ម និងចំណូលរបស់ប្រជាពលរដ្ឋកម្ពុជាផងដែរ ៕
Account
Security
Favourite Content