សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ក្រុមហ៊ុនអាកាសចរណ៍ Vietnam Airline កាលពីថ្ងៃចុងសប្ដាហ៍កន្លងទៅនេះ បានបើកសម្ពោធជើងហោះហើរទី១របស់ខ្លួនដោយភ្ជាប់ពីរាជធានីភ្នំពេញនៃព្រះរាជាណាចក្រកម្ពុជា និងទីក្រុងហាណូយនៃសាធារណរដ្ឋសង្គមនិយមវៀតណាម។
ជើងហោះហើរដំបូងលេខ VN922 បានចេញដំណើរពីអាកាសយានដ្ឋានអន្តរជាតិភ្នំពេញ នៅម៉ោង០៨៖០០យប់ ថ្ងៃទី២៧ ខែតុលា ហើយបានចុះចតនៅអាកាសយានដ្ឋានអន្តរជាតិ Noi Bai នៅម៉ោង ៩៖៥៥យប់ថ្ងៃដដែល។ គួរឱ្យដឹងថា ពីមុនអ្នកដំណើរដែលចង់ហោះហើរពីហាណូយទៅភ្នំពេញ ត្រូវឆ្លងកាត់នៅទីក្រុងវៀងចន្ទន៍ ប្រទេសឡាវ តាមផ្លូវហោះហើរឆ្លងកាត់ឥណ្ឌូចិន។
ផ្លូវហោះហើរត្រង់ថ្មីនេះ មិនត្រឹមតែកាត់បន្ថយពេលវេលាធ្វើដំណើររវាងទីក្រុងទាំងពីរប៉ុណ្ណោះទេ ប៉ុន្តែក៏ជាផ្លូវអាកាសដ៏សំខាន់មួយដើម្បីជំរុញពាណិជ្ជកម្ម និងទេសចររវាងកម្ពុជា និងវៀតណាមផងដែរ។
យោងតាមផែនការ ក្រុមហ៊ុនអាកាសចរណ៍វៀតណាមនឹងដំណើរការផ្លូវនេះ៤ជើងក្នុងមួយសប្តាហ៍នៅថ្ងៃច័ន្ទ ពុធ សុក្រ និងថ្ងៃអាទិត្យ ដោយប្រើប្រាស់យន្តហោះទំនើប Airbus A321។ ផ្លូវថ្មីនេះ បង្កើនចំនួនផ្លូវសរុបរវាងប្រទេសវៀតណាម និងកម្ពុជារបស់ក្រុមហ៊ុនអាកាសចរណ៍វៀតណាមដល់ទៅ៥ផ្លូវ ក្នុងនោះមានផ្លូវផ្ទាល់ចំនួន ៤៖ ហាណូយ/ហូជីមិញ ទៅកាន់ទីក្រុងភ្នំពេញ។ ទីក្រុងហាណូយ/ហូជីមិញ ទៅខេត្តសៀមរាប និងជើងហោះហើរឆ្លងកាត់ឥណ្ឌូចិន។ ចំនួនជើងហោះហើរសរុបរវាងប្រទេសទាំងពីរឡើងដល់ ៨៦ ក្នុងមួយសប្តាហ៍។
ផ្លូវហោះហើររវាងប្រទេសកម្ពុជា និងវៀតណាម មានភាពទាក់ទាញយ៉ាងខ្លាំងសម្រាប់ភ្ញៀវទេសចរដែលចង់បញ្ចូលគ្នានូវការរុករកប្រទេសវៀតណាម ជាមួយនឹងទិសដៅផ្សេងទៀតនៅក្នុងតំបន់ ដូចជាមកពីប្រទេសជប៉ុន និងកូរ៉េ អូស្ត្រាលី អាមេរិក និងបណ្តាប្រទេសនៅអឺរ៉ុប។
លោក Dang Ngoc Hoa ប្រធានក្រុមប្រឹក្សាភិបាលនៃក្រុមហ៊ុនអាកាសចរណ៍វៀតណាម បានមានប្រសាសន៍ថា៖ ផ្លូវហោះហើរត្រង់រវាងរដ្ឋធានីទាំងពីរនឹងរួមចំណែកបង្កើនបណ្តាញតភ្ជាប់រវាងប្រទេសទាំងពីរ។ ក្រៅពីធ្វើជាស្ពានភូមិសាស្ត្រសម្រាប់អ្នកដំណើរ និងទំនិញ ផ្លូវហោះហើរត្រង់ក៏ជា «ឯកអគ្គរដ្ឋទូត» ដែលសកម្មជំរុញទំនាក់ទំនងរវាងភាគីទាំងពីរ ជួយពង្រឹងទំនាក់ទំនងមិត្តភាពរវាងវៀតណាម និងកម្ពុជា។
លោក Dang Ngoc Hoa បានបញ្ជាក់ថា ៖ ក្រុមហ៊ុនអាកាសចរណ៍ នឹងផ្តោតលើការលើកកម្ពស់តួនាទីរបស់ខ្លួនជា «ស្ពាន» ដើម្បីរួមចំណែកលើកកម្ពស់យ៉ាងទូលំទូលាយ សេដ្ឋកិច្ច-សង្គម-វប្បធម៌ ក៏ដូចជាទំនាក់ទំនងសហប្រតិបត្តិការជាអ្នកជិតខាងរវាងប្រទេសទាំងពីរ។
ឯកឧត្តម ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល (SSCA) នៃកម្ពុជា បានមានប្រសាសន៍ថា ការបើកផ្លូវហោះហើរនេះ នឹងរួមចំណែកសម្រួលដល់ការធ្វើដំណើរតាមផ្លូវអាកាសរវាងប្រទេសទាំងពីរ តាមរយៈការផ្តល់ជម្រើសកាន់តែប្រសើរឡើងសម្រាប់អ្នកដំណើរតាមផ្លូវអាកាសក៏ដូចជាជំរុញវិស័យសេដ្ឋកិច្ច៕
Account
Security
Favourite Content