ផលិតផលសក្តានុពលរបស់កម្ពុជាទទួលការចាប់អារម្មណ៍ ក្នុងពិព័រណ៍ទំនិញនាំចូលអន្តរជាតិចិនលើកទី៦ 

ភ្នំពេញ ៖ ផលិតផលសក្តានុពលជាច្រើនរបស់កម្ពុជា ដែលដាក់តាំងបង្ហាញក្នុងពិព័រណ៍នាំចូលអន្តរជាតិ-ចិនលើកទី៦ (The 6th China International Import Expo)  (CIIE) នៅទីក្រុងសៀងហៃ ប្រទេសចិន បានបិទបញ្ចប់ទៅប្រកបដោយជោគជ័យ  និងទទួលបានលទ្ធផលយ៉ាងល្អប្រសើរ ដោយផលិតផលសក្តានុពលរបស់កម្ពុជាជាច្រើនមុខទទួលបានការចាប់អារម្មរណ៍យ៉ាងខ្លាំងពីសំណាក់អ្នកទស្សនាជនជាតិចិន និងភ្ញៀវអន្តរជាតិ។

ក្នុងកម្មវិធីពិព័រណ៍នាំចូលអន្តរជាតិ-ចិន លើកទី៦ ដែលប្រព្រឹត្តទៅនៅទីក្រុងសៀងហៃ សាធារណរដ្ឋប្រជាមានិត​ចិន មានរយៈពេល៦ថ្ងៃកាលពីសប្ដាហ៍កន្លងទៅនេះ ក្រសួងពាណិជ្ជកម្មកម្ពុជាបានសាងសង់ពន្លាជាតិ មានទំហំ ១៣៦ម៉ែត្រការ៉េ និងមានប្រទេស អង្គការអន្តរជាតិធំៗចំនួន ៦៩ បានសាងសង់ពន្លាជាតិរបស់ខ្លួននៅក្នុងព្រឹត្តិការណ៍ពិព័រ​ណ៍នេះ។

ពន្លាជាតិកម្ពុជាដែលបានរៀបចំនៅក្នុងពិព័រណ៍នាំចូលអន្តរជាតិ-ចិនលើកទី៦ បានដាក់តាំងបង្ហាញផលិតផលកម្ពុជា ដែលមានសក្តានុពលជាច្រើនប្រភេទដូចជា ៖ អង្ករ គ្រាប់ស្វាយចន្ទី ម្រេច ទឹកឃ្មុំ កាហ្វេ ស្ករត្នោត ភេសជ្ជៈ វត្ថុអនុស្សាវរីយ៍ និងវីដេអូ ដើម្បីផ្សព្វផ្សាយលើកកម្ពស់ពីបរិយាកាសវិនិយោគ សេដ្ឋកិច្ច ពាណិជ្ជកម្ម ទេស​ចរណ៍ និងវប្បធម៌កម្ពុជា។  

យោងតាមក្រសួងពាណិជ្ជកម្ម ក្នុងអំឡុងពេលពិព័រណ៍រយៈពេលប្រាំមួយថ្ងៃនេះ ពន្លាកម្ពុជាទទួលបានភ្ញៀវចូលទស្សនាសរុបចំនួន៣,២៩៨០នាក់  ដែលមានចំណាប់អារម្មណ៍លើពាណិជ្ជកម្មអង្ករ ស្វាយចន្ទី និងម្រេច វិស័យ​ទេសចរណ៍ និងគម្រោងវិនិយោគអចលនទ្រព្យនៅកម្ពុជា។

សូមបញ្ជាក់ថា ព្រឹត្តិការណ៍ពិព័រណ៍ទំនិញនាំចូលអន្តរជាតិ-ចិនលើកទី៦ ឆ្នាំ២០២៣នេះ មានក្រុមហ៊ុន/សហគ្រាសជាង ៣៤០០ មកពីបណ្តាប្រទេសក្នុងតំបន់ និងពិភពលោកចំនួន ១៥៤ បានចូលរួម ដោយមានដាក់តាំងបង្ហាញបច្ចេកវិទ្យា AI ឧស្សាហកម្មយានយន្ត ប្រេងឥន្ធនៈ ការកែច្នៃម្ហូបអាហារ ផលិតផលកសិកម្ម ឧបករណ៍បច្ចេកទេស ទំនិញប្រើប្រាស់ ឧបករណ៍វេជ្ជសាស្ត្រនិងឱសថ និងសេវាកម្មពាណិជ្ជកម្មជាដើម ដែលមានច្រើនពាន់ប្រភេទ។ ចំណុចសំខាន់នៃពិព័រណ៍ឆ្នាំនេះ គឺពន្លាជាតិរបស់ប្រទេសចូលរួមនីមួយៗ ត្រូវបានធ្វើឡើងតាមបច្ចេកវិទ្យាថ្មីទំនើប ដោយមានប្រទេស និងអង្គការអន្តរជាតិធំៗចំនួន ៦៩ បានសាងសង់ពន្លាជាតិរបស់ខ្លួន។

ដោយឡែក នៅខេត្តក្វាងទុង តំណាងក្រសួងពាណិជ្ជកម្ម លោកជំទាវ ខា ឡេង  រដ្ឋលេខាធិការក្រសួងពាណិជ្ជកម្ម កាលពីថ្ងៃទី៧-៩ ខែវិច្ឆិកា ឆ្នាំ២០២៣ បានអញ្ជើញចូលរួម និងថ្លែងសុន្ទរកថាក្នុងសន្និសីទ «កិច្ចសហប្រតិបត្តិការផ្នែកឧស្សាហកម្មនៃភាពជាដៃគូសេដ្ឋកិច្ចគ្រប់ជ្រុងជ្រោយ អាសិប RCEP ប្រចាំប្រទេសចិន» ដែលសហការរៀបចំដោយក្រុមប្រឹក្សាពាណិជ្ជកម្ម ចិន-អាស៊ាន ។

ក្នុងកិច្ចប្រជុំលើកទី៤ នៃគណៈកម្មការសហប្រតិបត្តិការផ្នែកឧស្សាហកម្មអាសិប (RCEP) ដឹកនាំដោយ លោក ស៊ី នីងនីង (Xu Ningning) ថ្នាក់ដឹកនាំ នៃគណៈកម្មការសហប្រតិបត្តិការផ្នែកឧស្សាហកម្មអាសិប ដែលមានការអញ្ជើញចូលរួមពីថ្នាក់ដឹកនាំមកពី ៦ ប្រទេស ក្នុងតំបន់ និងពិភពលោក។

សន្និសីទនេះរៀបចំឡើងក្នុងគោលបំណងដើម្បីផ្សព្វផ្សាយអំពីបរិយាកាសវិនិយោគ ពង្រីកកិច្ចសហប្រតិបត្តិការផ្នែកសេដ្ឋកិច្ច និងជំនួញរវាងព្រះរាជាណាចក្រកម្ពុជា និងបណ្តាប្រទេសដែលជាសមាជិកអាសិប ដោយលោកជំទាវរដ្ឋលេខាធិការ ក៏បានធ្វើជាសក្ខីភាពនៃពិធីចុះអនុស្សរណៈយោគយល់លើកិច្ចសហប្រតិបត្តិការផ្នែកឧស្សាហកម្ម អាសិប និងការចុះកិច្ចព្រមព្រៀងកិច្ចសហប្រតិបត្តិការសេដ្ឋកិច្ច និងពាណិជ្ជកម្ម រវាងសហគ្រាសក្នុងតំបន់យុនហ្វូ និងបណ្តាប្រទេសដែលជាសមាជិកអាសិបផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងពាណិជ្ជកម្មក្រើនរំលឹកដល់សាធារណជនឱ្យមានការប្រុងប្រយ័ត្នចំពោះផ្លែទុរេនជ្រលក់សារធាតុគីមី

ព្រឹត្តិការណ៍, សេដ្ឋកិច្ច

• 25/06/2024

ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងអំពីករណីនាំចូលផ្លែទុរេនពីប្រទេសជិតខាង មកដាក់លក់លើទីផ្សារកម្ពុជា ដោយមានប្រើសារធាតុគីមី

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 24/06/2024

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាល

ប្រជាកសិករយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួស

ជំនួញ, ព្រឹត្តិការណ៍

• 24/06/2024

អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

សារៈសំខាន់នៃកិច្ចសន្យាឥណទានដែលអ្នកប្រើប្រាស់កម្ចីផ្លូវការគួរស្វែងយល់

ព្រឹត្តិការណ៍, ហិរញ្ញវត្ថុ

• 24/06/2024

កិច្ចសន្យាឥណទាន គឺសំដៅទៅលើកិច្ចសន្យាខ្ចីប្រាក់រវាងអតិថិជន និងស្ថាប័នផ្ដល់កម្ចីផ្លូវការដែល រូមមាន ធនាគារ និងមីក្រូហិរញ្ញវត្ថុ...

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ព្រឹត្តិការណ៍, អចលនទ្រព្យ

• 24/06/2024

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ចិនព្រមានថា ការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្មរវាងភាគីទាំងពីរ

ព្រឹត្តិការណ៍, សេដ្ឋកិច្ច

• 24/06/2024

អ្នកនាំពាក្យក្រសួងពាណិជ្ជកម្មចិនលើកឡើងថា ភាគីអឺរ៉ុបបន្តបង្កើនការប៉ះទង្គិចពាណិជ្ជកម្ម ហើយអាចបង្កឱ្យមានសង្គ្រាមពាណិជ្ជកម្ម ហើយទំនួល​ខុស​ត្រូវ​គឺ​ស្ថិត​នៅ​លើ​ភាគី​អឺរ៉ុប​ទាំង​ស្រុង

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា