សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពោធិ៍សាត់ ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា រាជរដ្ឋាភិបាលបានខិតខំដោះស្រាយបញ្ហាទាក់ទងជាមួយនឹងការរស់នៅរបស់ប្រជាពលរដ្ឋទូទាំងប្រទេស ដោយមិនគ្រាន់តែការដោះស្រាយបញ្ហាស្បៀងដែលជាដំណោះស្រាយរយៈពេលខ្លីប៉ុណ្ណោះទេ តែការផ្តល់ស្រូវពូជជូនកសិករ ក៏ជាកត្តាដែលត្រូវយកចិត្តទុកដាក់ដើម្បីស្ដារសេដ្ឋកិច្ចឡើងវិញ និងជាដំណោះស្រាយរយៈពេលវែង។
សម្តេចតេជោ ហ៊ុន សែន នៅព្រឹកថ្ងៃទី២៥ ខែតុលា ឆ្នាំ២០២២ ក្នុងពិធីចុះចែកស្រូវពូជដល់ពលរដ្ឋដែលរងគ្រោះដោយទឹកជំនន់ចំនួន ៥១៤៥គ្រួសារនៅខេត្តពោធិ៍សាត់បានមានប្រសាសន៍ថា ការចែកស្រូវពូជមិនបានបែងចែករវាងដីតូច ឬធំនោះទេ គឺចែក ១០០គីឡូក្រាមក្នុងមួយគ្រួសារស្មើៗគ្នា ហើយរំពឹងថា អ្នកដែលមានដីតូចនៅពេលសល់ស្រូវពូជអាចចែករំលែកទៅឱ្យអ្នកមានដីធំ។
ជាមួយគ្នានេះ សម្តេចតេជោ ក៏បានរំពឹងដែរថា ប្រជាកសិករនឹងប្រឹងប្រែងបង្កបង្កើនផលឡើងវិញបន្ទាប់ពីបានស្រូវពូជ ហើយការចែកជូនស្រូវពូជនេះ ដើម្បីមានលទ្ធភាពបង្កបង្កើនផល ហើយបើយោងទៅលើបញ្ហាទឹកដែលកំពុងស្រកយឺត បង្កលក្ខណៈឱ្យមានលទ្ធភាពបង្កបង្កើនផលតទៅទៀត ជាពិសេសគឺលើដំណាំស្រូវ។
សម្តេចតេជោ ហ៊ុន សែន បានគូសបញ្ជាក់ថា ៖
“យើងបានដឹងហើយថាការជួបប្រទះនៃបញ្ហាគ្រោះធម្មជាតិនេះគឺមិនមែនគ្រប់តែក្រុមគ្រួសារទាំងអស់នោះទេ។ អ្នកខ្លះអាចស្តារឡើងវិញបាន ប៉ុន្តែអ្នកដែលមិនមានលទ្ធភាពស្តារឡើងវិញ យើងអាចផ្តល់ពូជដំណាំក្នុងរយៈពេលខ្លី គេហៅថាដំណាំរួមផ្សំដើម្បីប្រជាពលរដ្ឋអាចប្រើប្រាស់ដីដែលពុំមានប្រភពទឹកគ្រប់គ្រាន់នោះបង្កើនផលក្នុងរយៈពេលខ្លីនេះគឺជាដំណោះស្រាយសម្រាប់បញ្ហាប្រឈម ដែលយើងបាននឹងកំពុងជួបប្រទះនៅទីនេះ”
សូមបញ្ជាក់ផងដែរថា ខេត្តពោធិ៍សាត់ក៏ជាខេត្តមួយដែលបានរងការជន់លិចដោយសារជំនន់ទឹកភ្លៀង និងទឹកហូរធ្លាក់មកពីតំបន់ផ្សេង បានបង្កឱ្យប៉ះពាល់ភូមិសាស្រ្ត ៧ក្រុង/ស្រុក ប៉ះពាល់ប្រជាពលរដ្ឋសរុបចំនួន ១៣ ៧៧៥គ្រួសារស្មើនឹង ចំនួន ៦ ៧០៩ខ្នងផ្ទះ។ ជម្លៀសប្រជាជនរយៈពេលខ្លីទៅកាន់ទីទួលសុវត្ថិភាពចំនួន១៧៤គ្រួសារ ហើយក្នុងនោះក៏មានការលង់ទឹកបាត់បង់ជីវិតចំនួន៤នាក់ដែរ ។
ក្រៅពីនេះ ទឹកជំនន់ក៏បានបង្កឱ្យប៉ះពាល់សាលារៀនចំនួន ២៥កន្លែង មណ្ឌលសុខភាពចំនួនពីរកន្លែង វត្ត និងវិហារសាសនាចំនួន ១៦កន្លែង ផ្លូវកៅស៊ូចំនួន ៣ ០៥០ម៉ែត្រ, ផ្លូវក្រួសក្រហមចំនួន ៩២ ១១៥ម៉ែត្រ, អណ្តូងទឹកចំនួន ៩៦កន្លែង, ស្រះទឹកចំនួន ៦៦កន្លែង, បង្គន់ចំនួន ២ ៣១១កន្លែង ។ នេះបើយោងតាមលោក ចេង ឡៃ អភិបាលស្តីទីនៃគណៈអភិបាលខេត្តពោធិ៍សាត់បានលើកឡើងនៅក្នុងរបាយការណ៍ ។
លោក ចេង ឡៃ បានឱ្យដឹងថា គ្រោះទឹកជំនន់នេះ បានបង្កឱ្យប៉ះពាល់ដំណាំស្រូវចំនួន ១៩ ៥៩៦ហិកតា, ខូចខាតស្រូវចំនួន ៩ ៣២១ហិកតា។ ក្នុងនោះផ្ទៃដីអាចស្តារឡើងវិញបានចំនួន ៦ ៦៦៨ហិកតា, ប៉ះពាល់ដំណាំកសិ-ឧស្សាហកម្មចំនួន ៣ ០៤៧ហិកតា និងដំណាំរួមផ្សំចំនួន ៣ ២០៩ហិកតា។
ទន្ទឹមនឹងការជន់លិចនេះ អាជ្ញាធរ និងកម្លាំងប្រដាប់អាវុធខេត្ត បានយកចិត្តទុកដាក់ខ្ពស់ក្នុងការជួយសង្គ្រោះប្រជាពលរដ្ឋ និងដោះស្រាយការលំបាកផ្សេងៗរបស់ប្រជាពលរដ្ឋក្នុងកំឡុងពេលទឹកលិចនេះ។ លោកអភិបាលស្តីទីខេត្ត ក៏បានឱ្យដឹងដែរថា គណៈកម្មាធិការគ្រប់គ្រងគ្រោះមហន្តរាយខេត្ត និងសាខាកាកបាទក្រហមកម្ពុជា បានឆ្លើយតបស្បៀងសង្គ្រោះបន្ទាន់ ដល់ប្រជាពលរដ្ឋរងគ្រោះដោយទឹកជំនន់ ចំនួន ១ ០៣២គ្រួសារ ក្នុងនោះស្រុកកណ្តៀងចំនួន ២០៥គ្រួសារ និងស្រុកក្រគរចំនួន ៨២៧គ្រួសារ។ បន្ថែមពីលើនោះកាលពីថ្ងៃទី១៧ ខែតុលា ឆ្នាំ២០២២កន្លងទៅ រដ្ឋបាលខេត្តពោធិ៍សាត់ក៏បានទទួលអង្ករចំនួន១០០ តោនជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន សម្រាប់ចែកជូនប្រជាពលរដ្ឋរងគ្រោះផងដែរ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីក្រសួងដែនដី ៖ លំនៅឋានមិនគ្រាន់តែជាលំនៅឋានទេ តែជាការកសាងជីវិតនៅក្នុងផ្ទះនោះសម្រាប់ប្រជាជនគ្រប់រូប
Top News, ព្រឹត្តិការណ៍, អចលនទ្រព្យ
• 28/10/2026
ភ្នំពេញ ៖ បន្ទាប់ពីការចុះបញ្ជីដីបង្ហើយ និងការបង្កើតបរិយាកាសគ្មានវិវាទរួចមក ក្រសួងរៀបចំដែនដី នគរូបនីយកម្ម និងសំណង់ បាននិងកំពុងផ្តោតការយកចិត្តទុកដាក់លើកិច្ចការលំនៅឋាន និងការងារសម្បទានដើម្បីសង្គម និងសេដ្ឋកិច្ច ដោយបានដាក់ចេញនូវគោលការណ៍ ចំនួន ៣ ជាផែនទីអនុវត្តការងារ រួមមាន៖ បុរីជនបទ ភូមិឋានក្សេមក្សាន្ត និងទ្រនំសុភមង្គល ដើម្បីបង្កលក្ខណៈឱ្យប្រជាជនខ្មែរគ្រប់រូបមានផ្ទះសម្បែងរស់នៅសមរម្យ ជាទ្រនំសុភមង្គល។
រុស្ស៊ី នឹងសង់ម៉ាស៊ីន រ៉េអាក់ទ័រ ៨ បន្ថែមទៀត នៅរោចក្រនុយក្លេអ៊ែររបស់អុីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 28/10/2026
បរទេស ៖ ក្រុមហ៊ុនរដ្ឋរបស់រុស្ស៊ី Rosatom ជំនាញខាងវិស័យថាមពលនុយក្លេអ៊ែរបានបង្ហាញផែនការថ្មីមួយត្រៀមសាងសង់ម៉ាស៊ីនរ៉េអាក់ទ័រចំនួន ៨ ទៀតនៅក្នុងរោងចក្រនុយក្លេអ៊ែរ Bushehr ប្រទេសអុីរ៉ង់ នេះបើយោងតាមការចេញផ្សាយរបស់កាសែតប៊ុលហ្ការី Novinata។ ប្រធានក្រុមហ៊ុនរដ្ឋរុស្ស៊ី លោក Alexei Likhachev បានប្រកាសពីកិច្ចព្រមព្រៀងដែលបានចុះហត្ថលេខាសម្រាប់បង្កើនសមត្ថភាពថាមពលនុយក្លេអ៊ែរផង ព្រមទាំងគម្រោងសង់រោងចក្រថាមពលនុយក្លេអ៊ែរខ្នាតតូចបន្ថែមទៀត។ តាមផែនការនេះ ក្រុមហ៊ុនរដ្ឋរុស្ស៊ី Rosatom
វិស័យកាហ្វេកម្ពុជាជំរុញការកែច្នៃ និងពង្រឹងគុណភាព ដើម្បីបង្កើនតម្លៃផលិតផល
ព្រឹត្តិការណ៍, អត្ថបទពាណិជ្ជកម្ម
• 28/10/2026
ភ្នំពេញ ៖ ការពង្រឹងគុណភាពកាហ្វេចាប់ពីការប្រមូលផលនៅចម្ការ រហូតដល់ដំណាក់កាលកែច្នៃ ត្រូវបានចាត់ទុកថាជាកត្តាសំខាន់ក្នុងការបង្កើតកាហ្វេពិសេស (Specialty Coffee) ដែលមានគុណភាព និងតម្លៃខ្ពស់ ដោយមានការជំរុញឱ្យអ្នកពាក់ព័ន្ធក្នុងខ្សែច្រវាក់តម្លៃកាហ្វេ សហការគ្នាដើម្បីឆ្លើយតបតម្រូវការទីផ្សារ។ ក្នុងថ្ងៃទី២ នៃកម្មវិធីសិក្សាឈ្វេងយល់អំពីវិស័យកាហ្វេ អ្នកចូលរួមបានចុះអនុវត្តផ្ទាល់នៅចម្ការ ដោយប្រមូលផលផ្លែកាហ្វេទុំក្រហម (Red Cherry) និងសិក្សាអំពីកម្រិតទុំដែលសមស្របសម្រាប់ផលិតកាហ្វេដែលមានគុណភាពខ្ពស់។ ការសិក្សានេះក៏បានផ្តោតលើបច្ចេកទេសជ្រើសរើសផ្លែកាហ្វេ ការប្រមូលផល
កងទ័ពអាកាសប៊ុលហ្គារីប្រារព្ធខួប ១១៤ ឆ្នាំនៃប្រតិបត្តិការយោធាតាមអាកាសលើកដំបូង
ព្រឹត្តិការណ៍, អាជីវកម្មថ្មី និងនវានុវត្ត
• 28/10/2026
រដ្ឋមន្ត្រីក្រសួងការពារជាតិប៊ុលហ្គារី លោក Dimitar Stoyanov និងអគ្គមេបញ្ជាការកងទ័ព លោក Emil Eftimov បានចូលរួមក្នុងពិធីគោរពវិញ្ញាណក្ខន្ធនៅមុខវិមានរំលឹកគុណដល់កងទ័ពអាកាស ក្នុងរាជធានីសូហ្វីយ៉ា (Sofia) កាលពីថ្ងៃទី១៦ ខែតុលា
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កម្ពុជា អរគុណអង្គការយូណេស្កូ ដែលជួយជ្រោមជ្រែងកម្ពុជា អាចចុះបញ្ជីជាសម្បត្តិបេតិកភណ្ឌពិភពលោកបាន
សម្ដេចតេជោ ហ៊ុន សែន អញ្ជើញពិធីសម្ពោធដាក់ឱ្យប្រើប្រាស់ជាផ្លូវការ “អគារសាលាយុត្ដិធម្ម” របស់ក្រសួងយុត្តិធម៌
Account
Security
Favourite Content