សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាមួយនឹងដំណើរការអភិវឌ្ឍឥតឈប់ឈររបស់កម្ពុជា នៅក្នុងពេលដ៏ខ្លីឆាប់ៗខាងមុខនេះ កម្ពុជានឹងចាកចេញពីប្រទេសអភិវឌ្ឍតិចតួចមានចំណូលមធ្យមកម្រិតទាបទៅជាប្រទេសដែលមានចំណូលមធ្យមកម្រិតខ្ពស់ ដែលចំណូលនេះនឹងពាក់ព័ន្ធទៅនឹងអត្រាការប្រាក់នៃកម្ចីដែលកម្ពុជាខ្ចីពីបណ្តាប្រទេសជាដៃគូអភិវឌ្ឍ និងស្ថាប័នអន្តរជាតិដែលជាម្ចាស់ជំនួយកម្ចី។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍នៅព្រឹកថ្ងៃទី២៧ ខែកុម្ភៈ ឆ្នាំ២០២៣ ក្នុងឱកាសអញ្ជើញជាអធិបតីពិធីប្រគល់សញ្ញាបត្រដល់និស្សិតបច្ចេកវិទ្យា និង គរុនិស្សិតបច្ចេកទេស ជ័យលាភីនៃវិទ្យាស្ថានជាតិបណ្តុះបណ្តាលបច្ចេកទេស (NTTI) ថា ក្រោយពេលដែលកម្ពុជាបានចាកចេញពីដែលមានការអភិវឌ្ឍតិចតួចទៅជាប្រទេសដែលមានចំណូលមធ្យមកម្រិតខ្ពស់ រាល់ប្រាក់កម្ចីពីបណ្តាប្រទេសជាដៃគូអភិវឌ្ឍន៍ ក៏ដូចជាស្ថាប័នអន្តរជាតិដែលផ្តល់កម្ចីនឹងគិតអត្រាការប្រាក់លក្ខណៈទីផ្សរពាណិជ្ជកម្ម។
ជាមួយគ្នានេះ សម្ដេចតេជោ ក៏បានទទូចដល់គ្រប់ម្ចាស់ផ្តល់ប្រាក់កម្ចីដែលជាដៃគូអភិវឌ្ឍន៍របស់កម្ពុជាមេត្តាបន្តនូវលក្ខខណ្ឌផ្តល់កម្ចីក្នុងអត្រាការប្រាក់ជាជំនួយសប្បទាន ដើម្បីទុលលទ្ធភាពដល់កម្ពុជាក្នុងការជំរុញ និងបង្កើនកិច្ចអភិវឌ្ឍប្រទេស ក៏ដូចជាកម្រិតជីវភាពប្រជាជនឱ្យកាន់តែល្អជាងពេលបច្ចុប្បន្ននេះ៕
Account
Security
Favourite Content