សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ បានឱ្យដឹងថា នៅក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរកន្លងទៅនេះ រដ្ឋបាលខេត្ត មន្ទីរទេសចរណ៍ មន្ទីរវប្បធម៌ និងវិចិត្រសិល្បៈ អាជ្ញាធរ និងក្រុមហ៊ុនគ្រប់គ្រងអាកាសយានដ្ឋានអន្តរជាតិខេត្តព្រះសីហនុ បានរៀបចំបដិសណ្ឋារកិច្ច អមដោយរបាំឆៃយ៉ាំទទួលភ្ញៀវទេសចរចូលមកសម្រាកកម្សាន្តនៅខេត្តព្រះសីហនុតាមអាកាសយានដ្ឋានអន្តរជាតិខេត្តព្រះសីហនុ។
ការសម្តែងរបាំឆៃយ៉ាំ និងរបាំត្រុដិ នៅអាកាសយានដ្ឋានអន្តរជាតិនេះ គឺធ្វើឡើងបន្ទាប់ពីមានការណែនាំពីសម្តេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កាលពីពេលថ្មីៗនេះ។
តាមមន្ទីរទេសចរណ៍ខេត្តព្រះសីហនុ បានឲ្យដឹងទៀតថា ក្នុងនោះមានជើងហោះហើរដូចជា ៖១. ជើងយន្តហោះលេខ K6839 ចុះចត មកពីទីក្រុងហូជីមិញ ប្រទេសវៀតណាម ដែលមានភ្ញៀវទេសចរសរុបចំនួន ៤២នាក់ ក្នុងនោះមានសញ្ជាតិវៀតណាម ស្លូវ៉ាគី អូទ្រីស ចិន កូរ៉េ ខ្មែរ អាម៉េរិក ម៉ាឡេស៊ី និងអាយឡែន។២. ជើងយន្តហោះលេខ K6131 ចុះចត មកពីខេត្តសៀមរាប ដែលមានភ្ញៀវ សរុបចំនួន ៤០នាក់ ក្នុងនោះមានសញ្ជាតិខ្មែរ បារាំង អាម៉េរិក ចិន អៀកឡង់ ហ្វាំងឡង់ អ៊ីតាលី អូទ្រីស អង់គ្លេស ទួកគី និញប៉ូឡូញ។
គួរឱ្យដឹងថា៖ បុណ្យចូលឆ្នាំថ្មីប្រពៃណីជាតិក្នុងរយៈពេល៤ថ្ងៃ ចាប់ពីថ្ងៃទី១៣ ដល់ ថ្ងៃទី១៦ ខែមេសា កន្លងទៅនេះ ខេត្តព្រះសីហនុទទួលបានអ្នកទេសចរជិត៦៥ម៉ឺននាក់ក្នុងនោះទេសចរជាតិប្រមាណជិត៦៣ម៉ឺននាក់ និងទេសចរបរទេសជិត២ម៉ឺននាក់។
Account
Security
Favourite Content