សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ប្រធានាធិបតីសហរដ្ឋអាម៉េរិក Donald Trump បានសម្រេចដាក់សម្ពាធលើប្រទេសណាដែលធ្វើអាជីវកម្មជាមួយអ៊ីរ៉ង់ ដោយត្រូវប្រឈមមុខនឹងការដំឡើងពន្ធ ២៥% លើអាជីវកម្មណាមួយដែលកំពុងធ្វើជាមួយអាម៉េរិក នេះបើយោងតាមសេចក្ដីរាយការណ៍ពី CNA។
កាលពីថ្ងៃចន្ទ សប្ដាហ៍នេះ លោក Trump បានអះអាងនៅលើ Truth Social ថា ការដាក់ពន្ធថ្មីលើការនាំចូលពីដៃគូពាណិជ្ជកម្មរបស់អ៊ីរ៉ង់នឹងមានប្រសិទ្ធភាពភ្លាមៗ ហើយនេះគឺការសម្រេចចុងក្រោយ ។ យ៉ាងណាមិញ មិនទាន់មានការបញ្ជាក់លម្អិតបន្ថែមអំពីការប្រកាសពន្ធនេះទេ។ សម្ពាធទាំងនេះគឺធ្វើឡើងដើម្បីឱ្យអ៊ីរ៉ង់នៅដាច់ឆ្ងាយពីគេ។ ដោយឡែិក ក្នុងរយៈពេលប៉ុន្មានសប្តាហ៍ចុងក្រោយនេះ ពលរដ្ឋដែលជាអ្នកតវ៉ាបានស្លាប់ជាបន្តបន្ទាប់សរុបជិត ៦៥០នាក់ ខណៈដែលលោក Trump បានគំរាមចាត់វិធានការយោធាប្រឆាំងនឹងអ៊ីរ៉ង់ ប្រសិនបើការសម្លាប់មនុស្សនៅតែបន្ត និងបរាជ័យផ្នែកចរចាការទូត។ ទន្ទឹមនឹងនេះ ប្រធានាធិបតី Trump ក៏បានលើកទឹកចិត្តចំពោះការធ្វើបាតុកម្មប្រឆាំងនឹងរបបអ៊ីរ៉ង់ និងត្រៀមខ្លួនរួចជាស្រេចក្នុងការជួយដល់ក្រុមបាតុករ។
ជាមួយគ្នានេះ ស្របពេលដែលអ៊ីរ៉ង់កំពុងប្រឈមមុខនឹងបាតុកម្មដ៏កាចសាហាវប្រឆាំងនឹងមេដឹកនាំ Ayatollah Ali Khamenei ដោយសារបញ្ហាសេដ្ឋកិច្ចកាន់តែធ្ងន់ធ្ងរក្នុងប្រទេស ឥទ្ធិពលនេះអាចនឹងរីករាលដាលនៅក្នុងតំបន់មជ្ឈិមបូព៌ា។ អង្គការសិទ្ធិមនុស្ស Iran Human Rights (IHR) ដែលមានមូលដ្ឋាននៅប្រទេសណ័រវេស បានព្រមានថា មនុស្សសរុបចំនួន ៦៤៨ នាក់ត្រូវបានសម្លាប់ក្នុងអំឡុងការធ្វើបាតុកម្ម រួមមាន អនីតិជន ៩ នាក់ និងអ្នករងរបួសជាង ៦ ០០០ នាក់។ មិនត្រឹមតែប៉ុណ្ណោះ ការបិទអ៊ីនធឺណេតនៅក្នុងប្រទេសអ៊ីរ៉ង់បានធ្វើមានផលលំបាកខ្លាំងក្នុងការប្រមូលរបាយការណ៍ ហើយសង្ស័យថាមានមនុស្សប្រហែល ១ ម៉ឺននាក់ត្រូវបានចាប់ខ្លួន។
នាយក អង្គការសិទ្ធិមនុស្ស IHR លោក Mahmood Amiry-Moghaddam បានលើកឡើងថា សហគមន៍អន្តរជាតិមានកាតព្វកិច្ចការពារក្រុមបាតុករស៊ីវិល ដើម្បីទប់ស្កាត់ប្រឆាំងនឹងការសម្លាប់រង្គាលនៅសាធារណៈរដ្ឋអ៊ីស្លាម។ លើសពីនេះ សហភាពអឺរ៉ុបបានសម្តែងការគាំទ្រចំពោះក្រុមបាតុករ និងកំពុងពិនិត្យមើលលើការដាក់ទណ្ឌកម្មបន្ថែមលើអ៊ីរ៉ង់ ជុំវិញការគាបសង្កត់លើបាតុករ៕
Account
Security
Favourite Content