សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ លោកអ្នកប្រហែលជាអាចជួបការលំបាកក្នុងការរៀបចំប្រាក់សម្រាប់ចាយវាយប្រចាំថ្ងៃ ដោយសារតែអ្នកមិនមានការកំណត់ទៅលើការចំណាយឱ្យបានច្បាស់លាស់ គួបផ្សំទៅនឹងការមិនបានត្រៀមជាមុនទៅលើការចំណាយដែលអាចកើតមានដោយមិនបានរំពឹងទុក។ ដូច្នេះ វាជាការល្អ គួរតែមានការរៀបចំកញ្ចប់ថវិកាមួយឱ្យបានត្រឹមត្រូវដែលអាចជួយអ្នកក្នុងការបែងចែកការចាយវាយឱ្យមានប្រសិទ្ធភាពជាងមុន។
ផេក លុយខ្ញុំ – My Money បានណែនាំជំហានងាយៗចំនួន ៣ ដែលអាចជួយអ្នកឱ្យគិតគូរបានបន្ថែមក្នុងការរៀបចំកញ្ចប់ថវិកាត្រឹមត្រូវ ៖
១.តាមដានការចំណាយជាប្រចាំ ៖ ជាទូទៅ មនុស្សម្នាក់ៗតែងតែចំណាយប្រាក់ក្នុងការចាយវាយប្រចាំថ្ងៃរបស់ខ្លួន ក៏ប៉ុន្តែពួកគេភាគច្រើនមិនដែលកត់ចំណាំថាបានចាយទៅលើអ្វីខ្លះ, កន្លែងណាខ្លះ, អ្វីមានប្រយោជន៍ និងអ្វីអត់ប្រយោជន៍នោះឡើយ។ ក្នុងនោះដែរ ពួកគេរមែងអង្គុយរកនឹកថាតើលុយរបស់ពួកគេបាត់ទៅណាអស់នៅពេលក្រោយ។ ដូច្នេះ ប្រសិនបើអ្នកនៅក្នុងស្ថានភាពបែបនេះដូចគ្នាអ្នកអាចនឹងប្រើប្រាស់វិធីសាស្ត្រ ២ ដើម្បីដោះស្រាយបញ្ហានេះបានគឺ មានសៀវភៅកំនត់ត្រាចំណាយប្រចាំថ្ងៃ ឬកម្មវិធីកត់ត្រាក្នុងទូរស័ព្ទ។ ការធ្វើបែបនេះអាចជួយឱ្យអ្នកអាចកត់ត្រានូវរាល់ការចំណាយទាំងអស់ មិនថាតិចក្តី ច្រើនក្តី ហើយបូកសរុបជាប្រចាំ និងមើលឡើងវិញថាចំណាយមួយណាជាចំណាយមិនចាំបាច់ដែលអាចនឹងត្រូវកាត់បន្ថយការចាយវាយបាន។
២.ដឹងអំពីខ្ទង់ចំណាយ ៖ ខ្ទង់ចំណាយ គឺជាចំណាយដែលត្រូវចាយវាយប្រចាំខែ ដែលជៀសមិនបាន ដូចជា សាំងឡានម៉ូតូ, ម្ហូបអាហារ, ថ្លៃទឹកភ្លើង, ខោអាវ និងសម្ភារៈប្រើប្រាស់ប្រចាំថ្ងៃជាដើម។ បន្ទាប់ពីគិតគូររួចរាល់ហើយ អ្នកនឹងអាចដឹងពីលុយដែលនៅសល់ទាំងឡាយ ហើយអ្នកនឹងបន្តគិតថានឹងប្រើលុយនោះក្នុងគោលបំណងអ្វីតទៅទៀត។
៣.ដកប្រាក់ត្រូវទុកបម្រុងជាមុន៖ អ្នកអាចបូកសរុបចំណាយទាំងនោះ ហើយដកប្រាក់មួយចំណែកនោះដើម្បីបម្រុងទុកជាស្រេច ជៀសវាងការចាយវាយហួសកម្រិតធ្វើអោយពិបាកគិតគូរអំពីលុយទាំងនោះនាពេលក្រោយ។ ប្រាក់ដែលដកបម្រុងអាចយកមកប្រើប្រាស់ពេលមានហានិភ័យណាមួយដែលអ្នកមិនអាចដឹងមុន៕
Account
Security
Favourite Content