ក្រសួងសេដ្ឋកិច្ច និងហិរញ្ញវត្ថុបង្ហាញពីការអនុវត្តចំណូលនិងចំណាយក្នុងរយៈពេល ៥ ខែ ដើមឆ្នាំនេះ

ភ្នំពេញ ៖ ក្រសួងសេដ្ឋកិច្ច និងហិរញ្ញវត្ថុ បង្ហាញពីការអនុវត្តចំណូលរបស់រដ្ឋបាលថ្នាក់ជាតិ និងការអនុវត្តចំណាយរបស់រដ្ឋបាលថ្នាក់ជាតិ ដោយក្នុងរយៈពេល ៥ ខែ ដើមឆ្នាំ២០២៣ ការអនុវត្តចំណូលរបស់រដ្ឋបាលថ្នាក់ជាតិ សម្រេចបាន ៤១,១៥% នៃច្បាប់ហិរញ្ញវត្ថុប្រចាំឆ្នាំ ២០២៣ និងការអនុវត្តចំណាយរបស់រដ្ឋបាលថ្នាក់ជាតិ សម្រេចបាន ៣០,៨៨% នៃច្បាប់ហិរញ្ញវត្ថុប្រចាំ ឆ្នាំ២០២៣។ នេះបើយោងតាមរបាយការណ៍​ស្ថិតិ​ហិរញ្ញវត្ថុ​រដ្ឋាភិបាល​ថ្នាក់ជាតិ ប្រចាំខែ​ ឧសភា ឆ្នាំ ២០២៣ របស់ក្រសួងសេដ្ឋកិច្ច និងហិរញ្ញវត្ថុ ចេញផ្សាយកាលពីថ្មីៗនេះ។

ការអនុវត្តចំណូល ៖ ការអនុវត្តចំណូលរបស់រដ្ឋបាលថ្នាក់ជាតិក្នុងខែឧសភា ឆ្នាំ២០២៣ សម្រេចបាន ១ ៧៤៦ ពាន់លានរៀលស្មើនឹង ៦,៦៥% នៃច្បាប់ហិរញ្ញវត្ថុប្រចាំឆ្នាំ២០២៣ ក្នុងនោះ ចំណូលពន្ធ ១ ៦២៥ ពាន់លានរៀល, អំណោយ ១៧ ពាន់លានរៀល និងចំណូលផ្សេងៗ ១០៤ ពាន់លានរៀល។ បើធៀបនឹងខែឧសភា ឆ្នាំ២០២២ ការអនុវត្តចំណូល ថយចុះ ១០,៩៦% ក្នុងនោះ ចំណូលពន្ធ ថយចុះ ១,៨៨%, អំណោយ ថយចុះ ៩០, ៩៤%, និងចំណូលផ្សេងៗ ថយចុះ ១០,៤៨%។

ក្នុងរយៈពេល ៥ ខែ ដើមឆ្នាំ២០២៣ ការអនុវត្តចំណូលរបស់រដ្ឋបាលថ្នាក់ជាតិ សម្រេចបាន ៤១,១៥% នៃច្បាប់ហិរញ្ញវត្ថុប្រចាំឆ្នាំ ២០២៣ ស្មើនឹង ១០ ៨០០ ពាន់លានរៀល ថយចុះប្រមាណ ៥,៥៣% ធៀបនឹងរយៈពេលដូចគ្នាឆ្នាំ២០២២ ដែលការថយចុះនេះបណ្ដាលមកពី ការធ្លាក់ចុះចំណូលពន្ធ ០,៥៩% និងការធ្លាក់ចុះអំណោយ ៥,៥២%។ ទន្ទឹមនឹងនេះ មុខសញ្ញាចំណូលមួយចំនួនមានការប្រែប្រួលគួរឱ្យកត់សម្គាល់ រួមមាន ពន្ធលើប្រាក់ចំណូល (រូបវន្តបុគ្គល) កើនឡើង ១៣,១៥%, ចំណូលពីការផ្តល់ទំនិញនិងសេវា កើនឡើង ១១៣,៨៨%, ចំណូលពន្ធអាករ ពិសេស ធ្លាក់ចុះ ១៧,៧៦%, ចំណូលពន្ធពាណិជ្ជកម្មក្រៅប្រទេសធ្លាក់ចុះ ០,៣៥%,ចំណូលពីភាគលាភ ធ្លាក់ចុះ ៩០,៣៨%, និងចំណូលការប្រាក់ ធ្លាក់ចុះ ៣៩,៨៥% ។

ផ្អែកលើការអនុវត្ត ៥ខែ ដើមឆ្នាំ២០២៣ និងនិន្នាការនៃការអនុវត្តបណ្តាឆ្នាំកន្លងមក បើទោះបីជាការអនុវត្តចំណូល ៥ខែ ដើមឆ្នាំ២០២៣ សម្រេចបានត្រឹម ៤១,១៥% នៃច្បាប់ហិរញ្ញវត្ថុប្រចាំឆ្នាំ ពោលគឺទាបជាងការអនុវត្តកន្លងមកដែលជាមធ្យមក្នុងរយៈពេល ៥ឆ្នាំចុងក្រោយ សម្រេចបាន ៤៦,៦៨% នៃច្បាប់ហិរញ្ញវត្ថុប្រចាំឆ្នាំ តែការអនុវត្តចំណូលឆ្នាំ២០២៣ នឹងនៅតែសម្រេចបានតាមផែនការប្រចាំឆ្នាំដែលបានអនុម័ត។

ការអនុវត្តចំណាយសរុប (Expenditure) ៖ ក្នុងខែឧសភា ឆ្នាំ២០២៣ ការអនុវត្តចំណាយរបស់រដ្ឋបាលថ្នាក់ជាតិ សម្រេចបាន ១ ៦៣៣ ពាន់លានរៀល ស្មើនឹង ៤,៩៧% នៃច្បាប់ហិរញ្ញវត្ថុប្រចាំឆ្នាំ២០២៣ ក្នុងនោះ ចំណាយមូលធន ៧៥៩ ពាន់លានរៀល និងចំណាយចរន្ត ៨៧៤ ពាន់លានរៀល។ បើធៀបនឹងខែឧសភា ឆ្នាំ២០២២ ការអនុវត្តចំណាយរបស់ រដ្ឋបាលថ្នាក់ជាតិ មានកំណើន ១២,៦៩% ក្នុងនោះ ចំណាយមូលធន កើនឡើង ៤០,៥១% និងចំណាយចរន្ត កើនឡើង ៣,៧៤%។

ក្នុងរយៈពេល ៥ខែ ដើមឆ្នាំ២០២៣ ការអនុវត្តចំណាយរបស់រដ្ឋបាលថ្នាក់ជាតិ សម្រេចបាន ៣០,៨៨% នៃច្បាប់ហិរញ្ញវត្ថុប្រចាំ ឆ្នាំ២០២៣ ស្មើនឹង ១០ ១៥៨ ពាន់លានរៀល កើនឡើង ១៧,៣៧% បើធៀបទៅនឹងរយៈពេល ៥ឆ្នាំកន្លងមក ក្នុងនោះ ចំណាយមូលធន ធ្លាក់ចុះ ៩,៨៣% (ចំណាយដោយហិរញ្ញប្បទានក្នុងស្រុក កើនឡើង ៨៤,៥១% និងចំណាយដោយហិរញ្ញប្បទានក្រៅស្រុកកើនឡើង ៣៨,៨៧%) និង ចំណាយចរន្តកើនឡើង ២៨,៧០%។

ការកើនឡើងនៃការអនុវត្តចំណាយ ក្នុងរយៈពេល ៥ខែ ដើមឆ្នាំ២០២៣ ធៀបទៅនឹងរយៈពេលដូចគ្នា ៥ឆ្នាំកន្លងមកនេះ បណ្ដាលមកពីការកើនឡើងចំណាយបន្ទុកបុគ្គលិក ចំណាយទំនិញនិងសេវា ចំណាយអត្ថប្រយោជន៍ជំនួយសង្គម ជាពិសេសការឧបត្ថមទៅរដ្ឋបាលថ្នាក់ក្រោមជាតិ។ ជាមួយគ្នានេះ ក៍មានការរៀបចំព្រឹត្តិការណ៍សំខាន់ៗ ដូចជា ព្រឹត្តិការណ៍ស៊ីហ្គេម ប៉ារ៉ាហ្គេម ការរៀបចំការបោះឆ្នោតតំណាងរាស្ត្រ ជាដើមក្នុងឆ្នាំ ២០២៣ នេះ។

តុល្យភាពថវិការដ្ឋបាលថ្នាក់ជាតិ ៖ ក្នុងខែឧសភា ឆ្នាំ២០២៣ ការអនុវត្តចំណូល សម្រេចបាន ១ ៧៤៦ ពាន់លានរៀលស្មើនឹង ៦,៦៥% នៃច្បាប់ហិរញ្ញវត្ថុប្រចាំឆ្នាំ២០២៣ និងការអនុវត្តចំណាយ សម្រេចបាន ១ ៦៣៣ ពាន់លានរៀល ស្មើនឹង ៤, ៩៧% នៃច្បាប់ហិរញ្ញវត្ថុប្រចាំឆ្នាំ២០២៣។ ជាលទ្ធផល ក្នុងខែឧសភា ឆ្នាំ២០២៣ ការអនុវត្តថវិការដ្ឋសម្រេចបានអតិរេក ១១៣ ពាន់លានរៀល។ ក្នុងរយៈពេល ៥ខែ ដើមឆ្នាំ២០២៣ ការអនុវត្តចំណូល សម្រេចបាន ១០ ៨០០ ពាន់លានរៀល ស្មើនឹង ៤១,១៥% នៃច្បាប់ហិរញ្ញវត្ថុប្រចាំឆ្នាំ២០២៣ និងការអនុវត្តចំណាយ សម្រេចបាន ១០ ១៥៨ ពាន់លានរៀល ស្មើនឹង ៣០,៨៨% នៃច្បាប់ហិរញ្ញវត្ថុប្រចាំឆ្នាំ២០២៣។

ជាលទ្ធផល ការអនុវត្តថវិកាថ្នាក់ជាតិ ក្នុងរយៈពេល ៥ខែ នេះ សម្រេចបានអតិរេក ៦៤២ ពាន់លានរៀល។ ជាមួយគ្នានេះ ក្នុងរយៈពេល ៥ខែ ដើមឆ្នាំ២០២៣ ទ្រព្យសុទ្ធ (Net worth) របស់រដ្ឋបាលថ្នាក់ជាតិ សម្រេចបានសរុប ២ ៩៣៨ ពាន់លានរៀល (ថយចុះ ២៣,៧៦% បើធៀបនឹងរយៈពេលដូចគ្នាឆ្នាំ២០២២) ដោយសារការកើនឡើងទ្រព្យសកម្ម ប្រមាណ ៤ ៧៩៨ ពាន់លានរៀល និងការកើនឡើងបំណុល សរុប ១ ៨៦០ ពាន់លានរៀល៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​