សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្រកួន ជាប្រភេទដំណាំម្យ៉ាងដែលប្រជាកសិករ ក៏ដូចជាប្រជាជនមូលដ្ឋានចូលចិត្តដាំ ដោយសារតែវាងាយស្រួលដាំ ងាយថែទាំ និងឆាប់បានផល ជាពិសេស ជាប្រភេទបន្លែដែលអាចច្នៃជាម្ហូបអាហារដ៏មានប្រយោជន៍សម្រាប់សុខភាព ថែមទាំងមានទីផ្សារគួរសមផងដែរ។
អ្នកស្រី ង៉ែត សុភា ជាអ្នកប្រមុខរបរដោយការដាំដំណាំត្រកួនម្នាក់មានទីលំនៅស្ថិតក្នុងភូមិព្រៃដក់ពរ ឃុំត្រពាំងធំខាងជើង ស្រុកត្រាំកក់ ខេត្តតាកែវ បានមានប្រសាសន៍ថា ដំណាំត្រកួននេះគាត់បានដាំច្រើនឆ្នាំមកហើយ ដោយសារតែវាងាយស្រួលដាំ មិនបាច់ថែទាំច្រើន ហើយអាចទទួលបានផលជាបន្តបន្ទាប់ និងរកបានចំណូលទាំងខួបប្រាំង ខួបវស្សា។
អ្នកស្រីបញ្ជាក់ថា ៖
“ខ្ញុំដាំត្រកួនជិត ១០ឆ្នាំហើយ ដូចជាមិនពិបាកអ្វីច្រើនទេ និយាយរួមទៅដាំបានខួបប្រាំងខួបវស្សា ឱ្យតែយើងស្រោចទឹកគ្រប់គ្រាន់ ដោយយើងអាចលើករងដាំបានទាំងនៅជុំវិញផ្ទះ ដាំនៅក្នុងស្រែបន្ថែមទៀតក៏បាន ដោយដាំម្ដងខ្ញុំអាចលក់បាន ២០-៣០ម៉ឺនដែរ”
អ្នកស្រីប្រាប់ឱ្យដឹងថា ៖
“ជាធម្មតា ដាំម្ដងយើងប្រើគ្រាប់ពូជចន្លោះពី ៧-១០កញ្ចប់ បើដាំក្នុងស្រែទៀតអាចដល់២០កញ្ចប់ ដែល១កញ្ចប់ស្មើនឹង ១គីឡូក្រាម មានតម្លៃ ១២ ០០០រៀល ហើយក្នុង១រងយើងត្រូវបាចគ្រាប់អស់ ២គីឡូក្រាម។ ជាលទ្ធផល បើត្រកួនយើងល្អ អាចទទួលបានទិន្នផលដល់ទៅជាង១០០ដុំក្នុងមួយរង និងអាចលក់បានចន្លោះពី ៧០០-១ ០០០រៀល ក្នុង១ដុំ”
អ្នកស្រីបន្តថា ៖
“ចំណែករយៈពេលដាំ ត្រកួនយើងដាំតែជាង២០ថ្ងៃបានដកហើយ តែភ្លៀងខ្លាំងត្រកួនមិនសូវល្អទេអាចដល់ ១ខែទើបដកបាន ហើយចន្លោះពេលដែលងាយស្រួលលក់ដ៏ដូចជាទីផ្សារត្រកួនល្អគឺនៅរដូវប្រាំងចន្លោះខែកុម្ភៈ និងខែមីនា ដែលបងប្អូនយើងដាំច្រើនគ្នា តែនៅតែលក់បានគ្រាន់បើ”
ដោយឡែក ទាក់ទងទៅនឹងការរៀបចំដី ត្រូវបានអ្នកស្រីបញ្ជាក់ថា ហាក់មិនមានអ្វីពិបាកនោះទេ ហើយសម្រាប់ដីដែលធ្លាប់ដាំសោះ គ្រាន់តែធ្វើការភ្ជួររាស់ ប្រែដី និងលើកជារងសម្រាប់ដាំ បន្ទាប់មកដាក់ជីអាចម៍គោ ហើយបាចគ្រាប់ត្រកួនបានតែម្ដង។ ក្រៅពីនេះ គ្រាន់តែថែទាំដោយការស្រោចទឹកឱ្យបានគ្រប់គ្រាន់ជាការស្រេច លុះពេលប្រមូលផលម្ដងហើយ អាចប្រែ និងហាលដីរយៈពេល២ថ្ងៃ គឺអាចធ្វើការដាំដុះសាជាថ្មីបាន។
គួរបញ្ជាក់ផងដែរថា ត្រកួនដែលជាបន្លែងាយស្រួលដាំដុះ និងងាយស្រួលលក់ អាចយកមកចម្អិនបានជាមុខម្ហូបច្រើនមុខ ហើយក៏អាចទទួលទានឆៅក៏បាន។ ត្រកួនបានផ្ដល់ថាមពល និងជាតិសរសៃ រីឯវីតាមីន និងសារធាតុរ៉ែផ្សេងទៀតក៏មានច្រើនដែរ ដូចជា វីតាមីន A វីតាមីន C វីតាមីន B1 វីតាមីន B2 វីតាមីន B3 កាល់ស្យូម ផូស្វ័រនិងជាតិដែក។ មិនតែប៉ុណ្ណោះត្រកួន ក៏មានជាតិកាល់ស្យូម និងសារធាតុ Beta-carotene ដែលអាចជួយចិញ្ចឹមកែវភ្នែកបានយ៉ាងល្អ ជាពិសេសការបរិភោគត្រកួនឆៅ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សេដ្ឋកិច្ចក្រៅប្រព័ន្ធ ៖ ឈប់ធ្វើការរោងចក្រ មកបង្កើតអាជីវកម្មខ្នាតតូច ធ្វើនំសាំងវុិចលក់តាមចិញ្ចើមផ្លូវ អាចរកចំណូលផ្គត់ផ្គង់គ្រួសារបានរស់សមរម្យ
ងាយៗ ធ្វើអាជីវកម្មដោយការចិញ្ចឹមសត្វកណ្ដូប ងាយថែទាំ ចំណាយពេលតិច និងមានតម្រូវការទីផ្សារខ្ពស់
Account
Security
Favourite Content