គម្រោងអភិវឌ្ឍន៍ផ្លូវថ្មើរជើង (Walking Street) នៅតំបន់ទីលានតេជោ នឹងជួយជំរុញសេដ្ឋកិច្ចមូលដ្ឋាន និងសក្ដានុពលទេសចរណ៍

ក្រុងព្រះសីហនុ៖ រដ្ឋបាលខេត្តព្រះសីហនុ កំពុងជំរុញកិច្ចអភិវឌ្ឍន៍តំបន់ទីលានតេជោឱ្យក្លាយជាមជ្ឈ​មណ្ឌលទាក់ទាញទេសចរណ៍ដ៏រស់រវើកបំផុតមួយ តាមរយៈការរៀបចំឱ្យមានផ្លូវថ្មើរជើង (Walking Street) ប្រកបដោយស្តង់ដារ បម្រើដល់ការកម្សាន្ត បង្កើតឱកាសការងារ ជំរុញអាជីវកម្ម​ និងទាក់ទាញភ្ញៀវទេសចរជាតិ -អន្តរជាតិ។

យោងតាមរដ្ឋបាលខេត្តព្រះសីហនុ គម្រោងអភិវឌ្ឍន៍តំបន់ Walk Street នេះ មិនត្រឹមតែផ្តោតលើការរៀបចំបរិស្ថានប៉ុណ្ណោះទេ ប៉ុន្តែថែមទាំងរួមបញ្ចូលនូវសេវាកម្មចម្រុះសម្រាប់បម្រើដល់ការកម្សាន្តរបស់ភ្ញៀវទេសចរជាតិ និងអន្តរជាតិ រួមមាន​ ផ្លូវថ្មើរជើងស្តង់ដារ ការស្ថាបនាផ្លូវដើរដែលមានទទឹង ៣ម៉ែត្រ និងប្រវែងសរុបដល់ទៅ ១ ២២៥ ម៉ែត្រ។

តំបន់នោះនឹងតុបតែងលម្អរៀបការ៉ូឡាបន្ថែមដើម្បីបង្កើនភាពស្រស់ស្អាត និងផាសុកភាពសម្រាប់ការដើរកម្សាន្ត។ តំបន់នេះក៏មានការរៀបចំឱ្យមានហាងកាហ្វេទំនើប រទេះរុញលក់ចំណីអាហារ (Street Food) និងតូបលក់វត្ថុអនុស្សាវរីយ៍ ដែលឆ្លុះបញ្ចាំងពីអត្តសញ្ញាណខ្មែរ ខណៈដែលការតុបតែងលម្អ និងសុវត្ថិភាព គឺមានដាំដើមដូងបន្ថែមដើម្បីផ្តល់ជាម្លប់ និងសោភ័ណភាពតំបន់ឆ្នេរ រួមជាមួយការបំពាក់បង្គោលភ្លើងបំភ្លឺឱ្យបានគ្រប់គ្រាន់សម្រាប់សុវត្ថិភាពនាពេលរាត្រី។

រដ្ឋបាលខេត្តព្រះសីហនុ បានឱ្យដឹងទៀតថា៖ ការបង្កើត Walk Street នេះ គឺជាផ្នែកមួយនៃយុទ្ធសាស្ត្រជំរុញកំណើនសេដ្ឋកិច្ចក្នុងស្រុក និងផ្តល់ជម្រើសកម្សាន្តថ្មីៗសម្រាប់ភ្ញៀវទេសចរដែលមកសម្រាកលម្ហែកាយនៅខេត្តព្រះសីហនុ។ គម្រោងនេះ ត្រូវបានរំពឹងថា នឹងក្លាយជាសមិទ្ធផលថ្មីមួយទៀតឆ្លុះបញ្ចាំងពីកិច្ចអភិវឌ្ឍមិនឈប់ឈររបស់ខេត្តព្រះសីហនុ ក្រោមការដឹកនាំរបស់រដ្ឋបាលខេត្តដើម្បីប្រែក្លាយទីក្រុងជាប់មាត់សមុទ្រមួយនេះឱ្យទៅជាតំបន់ទេសចរណ៍ដ៏ល្អមួយ។

គម្រោងផ្លូវថ្មើរជើងនេះ មិនត្រឹមតែជាការកែលម្អហេដ្ឋារចនាសម្ព័ន្ធរូបវន្តប៉ុណ្ណោះទេ ប៉ុន្តែគឺជាយុទ្ធសាស្ត្រសេដ្ឋកិច្ចដ៏សំខាន់មួយក្នុងការលើកកម្ពស់មុខមាត់ខេត្តតំបន់ឆ្នេររបស់កម្ពុជា ឱ្យស្របតាមចក្ខុវិស័យនៃការអភិវឌ្ឍក្រុងព្រះសីហនុ ជាតំបន់សេដ្ឋកិច្ចពិសេសគំរូពហុបំណង។

ឯកឧត្តម ឡុង ឌីម៉ង់ អភិបាលរងខេត្តព្រះសីហនុ បានមានប្រសាសន៍ថា៖ Walk Street នេះទាក់ទងនឹងគម្រោងដែលរៀបចំផ្លូវថ្មើរជើងនៅក្នុងក្របខណ្ឌនៃការកែលម្អឲ្យកាន់តែមានសោភ័ណភាពនៅតាមតំបន់ឆ្នេរ ហើយរចនា (Design) ឡើងសម្រាប់ឲ្យមនុស្សដើរតាមឆ្នេរ តាំងពីទីតាំងអូរឈើទាលរហូតដល់កន្លែងទីលានតេជោ និងពីពយតាមូង រហូតទៅដល់របងរបស់សណ្ឋាគារសុខា។ ផ្លូវថ្មើរជើងនេះ មានប្រវែង ១,២៥០ ម៉ែត្រ ហើយមានការបាញ់ពណ៌នៅលើផ្លូវដើរជា ៣ ពណ៌ ដូចដែលបាន និងកំពុងរៀបធ្វើនៅអូរឈើទាលនោះដែរ។

ឯកឧត្តមបន្តថា៖

«Walk Street នៅកំពង់សោមនេះ មិនមែនដូច Walk Street នៅភ្នំពេញទេ។ Walk Street នៅភ្នំពេញ គឺគេបិទផ្លូវ ដើម្បីឲ្យមនុស្សដើរ នៅពេលថ្ងៃសៅរ៍-អាទិត្យ និងមានលក់ម្ហូបអាហារអ៊ីចឹងទៅ។ ដោយឡែក  Walk Street នៅខេត្តព្រះសីហនុ មិនមែនបានន័យថាបិទផ្លូវអ៊ីចឹងទេ។ គម្រោងហ្នឹង កំពុងតែកែឌីហ្សាញបន្តិចបន្តួចទៀត នឹងចាប់ផ្តើមធ្វើហើយ។ យើងកំពុងខិតខំធ្វើឲ្យបានទាន់ ពិធីបុណ្យសមុទ្រ ដែលនឹងគ្រោងនឹងធ្វើនៅចុងអំឡុងសប្តាហ៍ទី ៣ ខែធ្នូ ឆ្នាំ២០២៦ ខាងមុខនេះ»។

ឯកឧត្តមអភិបាលរង បានបន្ថែមថា៖ គម្រោងផ្លូវថ្មើរជើងនេះ នឹងកែលម្អសោភ័ណភាព ធ្វើឲ្យកាន់តែមានភាពស្អាត និងបង្កើនភាពសប្បាយរីករាយសម្រាប់ប្រជាពលរដ្ឋ និងអ្នកទេសចរ ជាពិសេស ជួយបង្កើនសេដ្ឋកិច្ចមូលដ្ឋាន។ អ្វីដែលសំខាន់ទៀតនោះ គឺការបង្កើតនូវផលិតផលទេសចរណ៍ និងសេវាកម្មទេសចរណ៍ល្អៗឲ្យបានច្រើន សម្បូរបែប ទាន់សម័យ អាចទាក់ទាញមនុស្សទៅលេង និងកម្សាន្ត ស្នាក់នៅខេត្តព្រះសីហនុកាន់តែច្រើនជាងពេលបច្ចុប្បន្ន។

លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា បានប្រាប់ AMS Economy ថា៖ «ប្រសិនបើខេត្តព្រះសីហនុ បង្កើតផ្លូវសម្រាប់ដើរ Walk Street ដូចជានៅរាជធានីភ្នំពេញដែរនោះ គឺពិតជាល្អខ្លាំងណាស់សម្រាប់វិស័យទេសចរណ៍ និងជួយទាក់ទាញភ្ញៀវទៅលេងបន្ថែមទៀត ។ នេះជាការល្អណាស់ ព្រោះភ្ញៀវទេសចរត្រូវការកន្លែងដើរលេង ដោយមិនចាំបាច់ប្រុងប្រយ័ត្នជាមួយយានយន្តចរាចរលើដងផ្លូវរួមនោះទេ ព្រោះថាប្រសិនបើឲ្យភ្ញៀវទេសចរគាត់ដើរលាយឡំជាមួយនឹងយានជំនិះ គឺគាត់ត្រូវដើរប្រុងប្រយ័ត្នខ្លាចគេប៉ះពារ។

លោកជំទាវប្រធានសមាគម បានលើកឡើងថា៖

«ទេសចរនៅពេលដែលពួកគាត់ទៅដល់ទីណា គឺតែងតែចង់ដកបទពិសោធន៍នូវជីវភាពប្រចាំថ្ងៃរបស់ប្រជាជននៅក្នុងស្រុក អ៊ីចឹងបើមានកន្លែង និងផ្លូវឱ្យភ្ញៀវដើរហើរដោយសេរីមិនបាច់ប្រុងប្រយ័ត្ននោះ ទេសចរនឹងអាចមើលឃើញនូវអ្វីដែលជាផលិតផលនៅក្នុងស្រុកបានច្រើន»។

ការបង្កើត Walk Street បានផ្តល់នូវឱកាសលក់ដូរផលិតផលក្នុងស្រុក បង្ហាញនូវទំនិញ សេវាកម្ម ដែលជាសិល្បៈប្រចាំតំបន់ វានឹងជួយទៅដល់សេវាករ អាជីវករ និងជួយទៅដល់អាជីវកម្មខ្នាតតូចរបស់ប្រជាពលរដ្ឋនៅក្នុងស្រុកបានច្រើន ជាពិសេសអាចទាក់ទាញនូវការចំណាយរបស់ភ្ញៀវបន្ថែមទៀត ។ម្យ៉ាងទៀត ផ្លូវថ្មើជើងនៅខេត្តព្រះសីហនុនេះ នឹងជួយទៅដល់សោភ័ណភាព និងលើកមុខមាត់ខេត្តផងដែរ។

លោកជំទាវបានបន្តថា៖

«ដោយសារស្ថិតនៅទីតាំងយុទ្ធសាស្ត្រជាប់នឹងឆ្នេរសមុទ្រ ផ្លូវថ្មើរជើងនេះ អាចអនុញ្ញាតឱ្យទេសចរគយគន់ទិដ្ឋភាពសមុទ្រដ៏ស្រស់ត្រកាលក្នុងពេលដើរកម្សាន្ត ដែលជាចំណុចទាក់ទាញដ៏ខ្លាំងសម្រាប់អ្នកចូលចិត្តថតរូប និងសម្រាកលំហែកាយ»។​

 យ៉ាងណាក៏ដោយ បើទោះបីជាមានការសិក្សាទីតាំងរួចរាល់ក្តី ប៉ុន្តែរដ្ឋបាលខេត្តនៅមិនទាន់អាចបញ្ជាក់ពីកាលបរិច្ឆេទចាប់ផ្តើមសាងសង់ និងប្រើរយៈពេលប៉ុន្មានខែ ទើបបញ្ចប់ទាំងស្រុងនៅឡើយនោះទេ។

គួរជម្រាបថា​ កម្ពុជា មានផ្លូវថ្មើរជើងចតុមុខនៅភ្នំពេញ ត្រូវបានដាក់ឱ្យដំណើរការសាកល្បងលើកដំបូងចាប់ពីថ្ងៃទី១ ខែកុម្ភៈ ឆ្នាំ២០២៥ ដែលរហូតមកទល់បច្ចុប្បន្ន គឺមានរយៈពេល១ឆ្នាំហើយ ស្ថិតនៅតីរវិថីព្រះស៊ីសុវត្ថិ ចាប់ពីផ្លូវលេខ៩៤ រហូតដល់ផ្លូវលេខ២៤០ ស្ថិតក្នុងខណ្ឌដូនពេញ។ ផ្លូវនេះ ដំណើរការចាប់ពីម៉ោង ៦ល្ងាច រហូតដល់ម៉ោង១១យប់ រៀងរាល់ចុងសប្តាហ៍ ដោយមិនអនុញ្ញាតឱ្យមានយានជំនិះគ្រប់ប្រភេទចរាចរឡើយ។ ផ្លូវទេសចរណ៍នេះ បានបង្កើតមុខរបរជូនប្រជាពលរដ្ឋបានប្រមាណជិត ១ ៤០០កន្លែង ក្នុងនោះ មានអ្នកលក់ដូរចម្រុះប្រមាណ១ ០០០នាក់ និងអ្នកលក់ដូរក្នុងស្តង់ ប្រមាណ៤០០ស្តង់ ផ្សេងទៀត។

មកទល់បច្ចុប្បន្ន ផ្លូវថ្មើរជើងចតុមុខ (Walk Street) ដំណើរការបានរយៈពេល៥៤សប្តាហ៍ហើយ។ តំបន់ទេសចរណ៍ដ៏មានសក្តានុពលប្រចាំរាជធានីភ្នំពេញមួយនេះ បានទាក់ទាញភ្ញៀវទេសចរជាតិ និងអន្តរជាតិ​ចន្លោះពី ៧ ទៅ​ ៨ម៉ឺននាក់រាល់ចុងសប្តាហ៍។ នេះជាការលើកឡើងរបស់ ឯកឧត្តម ឃួង ស្រេង អភិបាលរាជធានីភ្នំពេញ​៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

វឌ្ឍនភាព ៖ គម្រោងសង់​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) កាន់តែជិតរួចរាល់ កាន់តែធ្វើឱ្យតំបន់ជុំវិញ​នោះ​មានសក្ដានុពលខ្ពស់

ព្រឹត្តិការណ៍, អចលនទ្រព្យ

• 17/11/2026

គម្រោង​សាងសង់ស្ពានឆ្លង​កាត់ទន្លេបាសាក់​ ចាក់អង្រែក្រោម-ព្រែក​ប្រា​ សម្រេច​បានលទ្ធផល​ជាង​៨៧ហើយ គិតត្រឹមខែវិច្ឆិកា ២០២៦​នេះ

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី


Leave a Reply

Your email address will not be published.Required fields are marked *