សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រទេសចិន បានប្រកាសដាក់ចេញផែនការអភិវឌ្ឍន៍ថាមពលកកើតឡើងវិញរយៈពេល៥ឆ្នាំ (ឆ្នាំ២០២៦–២០៣០) ដោយកំណត់គោលដៅធំៗដើម្បីពន្លឿនវិស័យថាមពលបៃតង ពង្រឹងសន្តិសុខថាមពលជាតិ និងរុញច្រានការអភិវឌ្ឍបញ្ចេញកាបូនទាប។
កាសែតប៊ុលហ្គារី Novinata បានដកស្រង់របាយការណ៍ពិសេស និងចេញផ្សាយកាលពីថ្ងៃព្រហស្បតិ៍សប្ដាហ៍នេះថា ក្រោមយុទ្ធសាស្ត្រថ្មី ប្រទេសចិនមានគោលបំណងសម្រេចឱ្យបាននូវសមត្ថភាពដំឡើងថាមពលកកើតឡើងវិញសរុបឱ្យដល់ប្រមាណ ៣.៥ ប៊ីលានគីឡូវ៉ាត់ ត្រឹមឆ្នាំ២០៣០។ ចំណែកការផលិតអគ្គិសនីប្រចាំឆ្នាំចេញពីប្រភពស្អាត ត្រូវបានរំពឹងថា នឹងកើនឡើងដល់ប្រមាណ ៦ ទ្រីលានគីឡូវ៉ាត់ម៉ោង ក្នុងកំឡុងពេលដូចគ្នានេះ ដោយក្នុងនោះ សមត្ថភាពថាមពលខ្យល់ និងពន្លឺព្រះអាទិត្យរួមគ្នា នឹងដើរតួជាផ្នែកធំជាងគេនៃកំណើននេះ និងត្រូវបានគេព្យាករថាអាចកើនលើសពី ២.៨ ប៊ីលានគីឡូវ៉ាត់ ដែលក្លាយជាបច្ចេកវិទ្យាបៃតងដ៏ធំនៅលើពិភពលោក។
ក្រៅពីផែនការពង្រីកសមត្ថភាពផលិតថាមពលកកើតឡើងវិញនេះ ចិន ក៏បានផ្តោតសំខាន់ទៅលើអាទិភាពគន្លឹះមួយចំនួនទៀត រួមមាន ការអភិវឌ្ឍថាមពលខ្យល់នៅលើសមុទ្រឱ្យបានឆាប់រហ័ស, ការសាងសង់ប្រព័ន្ធរក្សាទុកថាមពលថ្មីៗ និងការពង្រីកកិច្ចសហប្រតិបត្តិការអន្តរជាតិលើវិស័យបច្ចេកវិទ្យាបៃតង ខណៈដែលប្រទេសចិនកំពុងឈានទៅរកប្រព័ន្ធថាមពលដែលមានចីរភាពជាងមុន៕
Account
Security
Favourite Content