សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពង្រីកសាខាឱ្យបានច្រើន បង្កើនការផ្គត់ផ្គង់ផលិតផល ឬសេវាកម្មឱ្យកាន់តែទូលំទូលាយ ជាក្តីស្រមៃធំមួយក្នុងចំណោមក្តីស្រមៃសំខាន់ៗជាច្រើនរបស់សហគ្រិនគ្រប់រូប។ ក្នុងចំណោមទីតាំងសំខាន់ៗទាំងអស់ក្នុងរាជធានីភ្នំពេញ ផ្សារបោះដុំឃ្លាំងរំសេវថ្មីសែនសុខ បានក្លាយជាតំបន់ដ៏មានសក្តានុពលសម្រាប់សហគ្រិនទាំងផ្នែកផលិតផល និងសេវាកម្មដើម្បីពង្រីកខ្លួន។
លោក សោម កែវម៉ាលីដា នាយកប្រតិបត្តិផ្សារបោះដុំឃ្លាំងរំសេវថ្មីសែនសុខបានមានប្រសាសន៍ថា ផ្សារបោះដុំឃ្លាំងរំសេវថ្មីសែនសុខ ត្រូវបានវិនិយោគឡើងដោយគិតគូរខ្ពស់ពីចរន្តសេដ្ឋកិច្ច និងទំនួលខុសត្រូវសង្គម។ ហេតុនេះហើយទើប ក្រុមអ្នកវិនិយោគផ្សារបានផ្តល់លក្ខខណ្ឌអំណោយផលល្អៗជាច្រើនដើម្បីជួយទាំងអាជីវករថ្មីដែលចង់សម្រេចក្តីស្រមៃបង្កើតអាជីវកម្ម និងសហគ្រិនចាស់ដែលមានទីផ្សារល្អហើយពង្រីកខ្លួនឱ្យកាន់តែប្រសើរ។ លោកថា ដើម្បីជួយដល់អាជីវករទាំងអស់ឱ្យផ្គត់ផ្គង់ផលិតផលរបស់ខ្លួនទៅកាន់តំបន់ជុំវិញបានកាន់តែប្រសើរ ផ្សារបានអភិវឌ្ឍកម្មវិធីអាជីវកម្មអេឡិចត្រូនិក (E-Commerce App) ដែលអនុញ្ញាតឱ្យអ្នកទិញអាចបញ្ជារទិញទំនិញពីផ្សារតាមរយៈអនឡាញ ហើយថែមទាំងដឹកជញ្ជូនដល់ទីតាំងដោយឥតគិតថ្លៃថែមទៀតផង។ បន្ថែមពីលើនេះ ផ្សារក៏បានរៀបចំគម្រោងផ្សព្វផ្សាយយ៉ាងទូលំទូលាយជាមួយប្រព័ន្ធផ្សព្វផ្សាយធំៗដើម្បីឱ្យអតិថិជនទាំងអស់បានឃើញពីសក្តានុពលរបស់ផ្សារ និងអាជីវកម្មនានាដែលកំពុងដំណើរក្នុងផ្សារថែមទៀតផង។
លោក សោម កែវម៉ាលីដា បានមានប្រសាសន៍ថា៖
“បន្ថែមពីលើការផ្សព្វផ្សាយ និងរៀបចំប្រព័ន្ធអេឡិចត្រូនិក អ្នកវិនិយោគក៏គិតគូរផងដែរពីការពង្រីកទុនរកស៊ីរបស់អាជីវករ។ ហេតុនេះ ផ្សារបោះដុំឃ្លាំងរំសេវថ្មីសែនសុខ បានចុះអនុស្សរណៈយោគយល់គ្នា (MOU) ជាមួយធនាគារហ្វីលីព ដើម្បីផ្តល់ភាពងាយស្រួលដល់អាជីវករ ដោយពួកគាត់អាចខ្ចីទុនបង្វិល ឬពង្រីខ្លួនបាន”
បន្ថែមពីលើនេះ អ្នកវិនិយោគខាងលើបានបញ្ជាក់ផងដែរថា លក្ខខណ្ឌអំណោយផលសំខាន់មួយទៀតដែលផ្សារផ្តល់ជូនសម្រាប់អាជីវករ ជាពិសេសផ្នែកម្ហូបអាហារវិញម្តង គឺផ្សារព្យាយាមទទួលអ្នកលក់តាមប្រភេទផ្សេងៗគ្នា និងមិនឱ្យជាន់គ្នានោះទេ។ ការធ្វើបែបនេះ ដើម្បីធានាថាអាជីវករគ្រប់ប្រភេទទាំងអស់អាចលក់បាន និងជួយគ្នាបានកាន់តែប្រសើរ។ កាលណាមុខទំនិញខុសៗគ្នា អ្នកលក់នឹងស្រួលលក់ព្រោះមុខទំនិញរបស់គាត់មានតម្រូវការខ្ពស់សម្រាប់អតិថិជន ទាំងនៅខាងក្រៅផ្សារ និងក្នុងចំណោមអាជីវករដូចគ្នា។ លើសពីនេះទៅទៀត ផ្សារបោះដុំឃ្លាំងរំសេវថ្មីសែនសុខ ជាទីតាំងបណ្តុំទៅដោយអាជីវកម្មជាច្រើនប្រភេទដែលអាចផ្គត់ផ្គង់គ្រប់តម្រូវការអាជីវកម្មទាំងអស់។ ហេតុនេះ អាជីវករនានាដែលបើកទីតាំងនៅទីនេះ មិនលំបាកស្វែងរកគ្រឿងផ្សំនោះទេ ពួកគាត់អាចទាក់ទងទៅអាជីវករក្នុងផ្សារដូចគ្នាដើម្បីផ្គត់ផ្គង់ឱ្យគាត់បានយ៉ាងងាយ។
អ្នកគ្រប់គ្រងផ្សារខាងលើក៏បានបញ្ជាក់ផងដែរថា ក្រៅពីលក្ខខណ្ឌល្អប្រសើរផ្នែកដំណើរការអាជីវកម្ម ទីតាំងផ្សារបោះដុំឃ្លាំងរំសេវថ្មីសែនសុខ ក៏ជាតំបន់ដែលមានតម្រូវការទីផ្សារខ្ពស់ផងដែរ ដោយសារតែទីតាំងនេះបណ្តុំទៅដោយគម្រោងលំនៅដ្ឋាន រោងចក្រសហគ្រាស អគារពាណិជ្ជកម្ម ក្រុមហ៊ុន ស្ថាប័នរដ្ឋនានា និងអ្នកឆ្លងកាត់ប្រមាណ១លាននាក់ជារៀងរាល់ថ្ងៃ។ សម្រាប់ម្ចាស់អាជីវកម្មដែលមានបំណងបង្កើតអាជីវកម្ម ឬពង្រីកអាជីវកម្មរបស់ខ្លួន ផ្សារបោះដុំឃ្លាំងរំសេវថ្មីសែនសុខ អាចជាជម្រើសល្អបំផុតសម្រាប់ការកសាង និងអភិវឌ្ឍអាជីវកម្មឆ្ពោះទៅរកអនាគតដ៏ប្រសើរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ចិន អំពាវនាវឱ្យអាម៉េរិកឈប់គំរាមកំហែងលើក្រុមហ៊ុន AI របស់ខ្លួន និងយកបញ្ហាបច្ចេកវិទ្យាមកធ្វើជាឧបករណ៍នយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
ថ្នាក់ដឹកនាំកំពូលចិន បានអំពាវនាវឱ្យអាម៉េរិកបញ្ឈប់ការគំរាមកំហែងមកលើក្រុមហ៊ុន AI របស់ខ្លួន ហើយកុំយកបញ្ហាបច្ចេកវិទ្យាមកធ្វើជាឧបករណ៍នយោបាយ
AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 28/07/2026
ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ
ស្ថាប័នចំនួន ៣ រួមដៃគ្នារៀបចំវគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល ដើម្បីកាត់បន្ថយចំណាយថ្លៃដើម
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
សហព័ន្ធអភិវឌ្ឍន៍ស្វាយកម្ពុជា (CMDF) បានរៀបចំ «វគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល» រយៈពេល ៣ថ្ងៃ នៅសាលាស្រុកត្រពាំងប្រាសាទ ស្ថិតក្នុងភូមិទួលតាសេក ខេត្តឧត្តរមានជ័យ ដល់យុវជនក្នុងមូលដ្ឋាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content