សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មន្ត្រីជាន់ខ្ពស់ក្រសួងកិសកម្ម រុក្ខាប្រមាញ់ និងនេសាទ បានអះអាងថា កម្ពុជា ជាប់លេខរៀងទី៩នៅលើពិភពលោកក្នុងនាមជាប្រទេសសំខាន់មួយក្នុងការចូលរួមធានាសន្តិសុខស្បៀងពិភពលោកតាមរយៈការផលិតស្រូវបានជាង ១២លានតោនក្នុងមួយឆ្នាំ ។
ឯកឧត្តម យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និង នេសាទ បានមានប្រសាសន៍ថា៖ ជាមោទនភាពជាតិមួយសម្រាប់កម្ពុជាក្នុងនាមជាប្រទេសផលិតស្បៀងសម្រាប់ផ្គត់ផ្គង់នៅលើពិភពលោក។ ក្នុងរយៈពេលជាង ១០ ឆ្នាំចុងក្រោយនេះ ផលិតកម្មស្រូវបានកើនឡើងខ្លាំង តាមរយៈការបង្កើនទិន្នផល និងកំណើនផ្ទៃដីដាំដុះបាន ពីរទៅ ៣ដង។
ឯកឧត្តម យ៉ង សាំងកុមារ បានបញ្ជាក់ផងដែរដា៖
«នៅឆ្នាំ១៩៧៩ កម្ពុជាផលិតស្រូវបាន ៥៦៥ ០០០ តោន ឬជាងកន្លះលានតោន ហើយបានកើនឡើងដល់ ២,៥ លានតោននៅឆ្នាំ ៩៩០។ ដោយឡែក នៅឆ្នាំ២០២០ ផលិតកម្មស្រូវបានកើនលើស១០ លានតោន គឺស្មើនឹង ១០,៨៨លានតោន»។
ឯកឧត្តមបានបន្តថា ៖ ជាទូទៅ កម្ពុជានៅមានសក្តានុពលបង្កើនផលិតកម្មស្រូវបានច្រើនថែមទៀតតាមរយៈការបង្កើនទិន្នផលស្រូវវស្សា និងបង្កើនផ្ទៃដីដាំដុះបាន ២ ដង។ ប៉ុន្តែជាគោលដៅយុទ្ធសាស្រ្ត គឺផ្តោតលើការកាត់បន្ថយថ្លៃដើម បង្កើនការផលិតស្រូវដែលមានគុណភាពខ្ពស់ និងបង្កើនកិច្ចសហការគ្នារវាងកសិករតាមគោលការណ៍សហគមន៍កសិកម្មទំនើបដើម្បីផ្តល់ឱកាសឲ្យកសិករបង្កើនប្រាក់ចំណេញពីការធ្វើស្រែ។
គួរកត់សម្គាល់ថា ក្នុងរយៈពេល៤ខែ ដើមឆ្នាំ២០២៤កន្លងទៅនេះ កម្ពុជាបាននាំចេញស្រូវចំនួន ២,៤១៩,៣១៧តោន(ស្រូវសើម) ដែលគិតជាទឹកប្រាក់ប៉ាន់ប្រមាណ ជាង ៦៩៣.៣៩ លានដុល្លារសហរដ្ឋអាមេរិក ដោយក្នុងនោះ ៧២% បាននាំចេញដោយឆ្លងកាត់ការស្នើសុំការបញ្ជាក់ឯកសារនាំចេញពីអាជ្ញាធរមានសមត្ថកិច្ច៕
Account
Security
Favourite Content