សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោងវិនិយោគក្នុងវិស័យអចលនទ្រព្យចំនួន ១១៨ នៅក្នុងខេត្តព្រះសីហនុ ត្រូវបានរាជរដ្ឋាភិបាលសម្រេចផ្ដល់ការលើកទឹកចិត្តឱ្យដំណើរការវិនិយោគ គិតចាប់ពីរាជរដ្ឋាភិបាលបានដាក់ចេញនូវគោលនយោបាយលើកទឹកចិត្តពិសេសសម្រាប់ការវិនិយោគក្នុងខេត្តព្រះសីហនុ ។ នេះបើតាមរបាយការណ៍របស់ក្រុមការងារជំរុញការវិនិយោគខេត្តព្រះសីហនុ ។
ជាការកត់សម្គាល់ ក្នុងរយៈពេលប្រមាណជាង១ឆ្នាំកន្លងមកនេះ ពោលគឺចាប់តាំងពីរាជរដ្ឋាភិបាលបានដាក់ចេញនូវគោលការលើកទឹកចិត្តដល់វិនិយោគិនដែលបណ្ដាក់ទុនវិនិយោគនៅខេត្តព្រះសីហនុឃើញថា ទាំងវិនិយោគិនក្នុងស្រុក និងវិនិយោគិនបរទេសបានសម្លឹង និងស្វែងរកការវិនិយោគនៅក្នុងខេត្តជាប់សមុទ្រមួយនេះកាន់តែច្រើនស្របនឹងផែនការរបស់រាជរដ្ឋាភិបាលក៏បានជំរុញការវិនិយោគក្នុងខេត្តព្រះសីហនុដោយបានលើកទឹកចិត្តដល់វិនិយោគ ដូចជា ការលើកលែងផ្នែកពន្ធផ្សេងៗជាដើម។
បើតាមផែនអភិវឌ្ឍន៍ខេត្តព្រះសីហនុរបស់រាជរដ្ឋាភិបាល ក្នុងរយៈពេល១៥ឆ្នាំខាងមុខ ក្រុមការងារជំរុញការវិនិយោគខេត្តព្រះសីហនុ នឹងព្យាយាមទាក់ទាញទុនវិនិយោគមកចាក់បញ្ចូលក្នុងខេត្តមួយនេះឱ្យបានរហូតដល់ ២០ពាន់លានដុល្លារអាម៉េរិក ដើម្បីជំរុញកំណើនសេដ្ឋកិច្ចខេត្ត ក៏ដូចជាប្រទេសកម្ពុជា និងដើម្បីបង្កើនប្រាក់ចំណូលជាមធ្យមរបស់ពលរដ្ឋឱ្យបានកាន់តែច្រើនថែមមួយកម្រិតទៀត ។
បើតាមឯកឧត្តម ម៉ាង ស៊ីណេត អភិបាលខេត្តព្រះសីហនុបានថ្លែងថា វិនិយោគិនទាំងក្នុង និងក្រៅប្រទេសបានចូលមកបណ្ដក់ទុនវិនិយោគលើវិស័យជាច្រើន ដែលបានបង្កើតឱកាសការងារបន្ថែមដល់ពលរដ្ឋជាមួយនឹងប្រាក់ចំណូលសមរម្យ។
អ្នកជំនាញអចលនទ្រព្យប្រចាំខេត្តព្រះសីហនុមួយរូប លោក វណ្ណ ធី បានឱ្យដឹងថា ចាប់តាំងពីរាជរដ្ឋាភិបាលបានដាក់ចេញនូវគោលនយោបាយលើកទឹកចិត្តពិសេសសម្រាប់ការវិនិយោគនៅក្នុងខេត្តព្រះសីហនុកាលពីដើមឆ្នាំ២០២៤ សង្កេតឃើញថា ខេត្តព្រះសីហនុ ហាក់ទទួលបានការវិនិយោគច្រើន ក្នុងនោះវិស័យអចលនទ្រព្យក៏មានច្រើន ដែលធ្វើឱ្យការទិញលក់ដីធ្លី និងតម្លៃដីធ្លីចាប់ផ្ដើមល្អប្រសើរបន្តិចវិញបន្ទាប់ពីវិស័យនេះបានរងផលប៉ះពាល់ដោយសារកូវីដ១៩ និងសង្គ្រាមរុស្ស៊ី – អ៊ុយក្រែន ។
លោកបន្តថា គម្រោងអគារជាប់គាំងនាពេលកន្លងមក ក៏បានចាប់ផ្ដើមដំណើរការឡើងវិញ ការវិនិយោគគម្រោងថ្មីក៏មានជាបន្តបន្ទាប់ ហើយក៏មានគម្រោងជាច្រើនទៀតកំពុងស្វែងរកទីតាំងដើម្បីដំណើរការវិនិយោគរបស់ខ្លួនផងដែរ ។
គួរបញ្ជាក់ថា គម្រោងធំៗក្នុងវិស័យអចលនទ្រព្យនៅខេត្តព្រះសីហនុ ដែលកំពុងដំណើរការនាពេលបច្ចុប្បន្ននេះរួមមានគម្រោង Bay Of Light ស្ថិតនៅឆ្នេររាមនៃខេត្តព្រះសីហនុ ដោយគម្រោងនេះគ្រោងចាយទុនរាប់ពាន់លានដុល្លារអាម៉េរិក, គម្រោងអគារពហុមុខងាររបស់ Peninsular ស្ថិតនៅក្នុងក្រុងព្រះសីហនុ គ្រោងចាយទុនប្រមាណជិត១ពាន់លានដុល្លារ និងមានគម្រោងជាច្រើនទៀត ដែលរំពឹងថាមិនយូរទៀតទេ ខេត្តនេះនឹងកាន់តែទាក់ទាញទេសចរ និងការវិនិយោគបានកាន់តែច្រើន៕
Account
Security
Favourite Content