សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទីផ្សារខុនដូនៅក្នុងប្រទេសកម្ពុជានាឆ្នាំ២០២២នេះ នៅតែបន្តទទួលរងផលប៉ះពាល់ពីចំហាយនៃវិបត្តិកូវីដ១៩ និងសង្គ្រាមរវាងអ៊ុយក្រែន-រុស្ស៊ី ដោយក្នុងរយៈពេល៣ខែចុងក្រោយនេះ (ត្រីមាសទី៣នៃឆ្នាំ២០២២) មិនមានគម្រោងខុនដូថ្មីបញ្ចប់ ឬដំណើរការលក់នៅលើទីផ្សារនោះឡើយ។
យោងតាមរបាយការណ៍របស់ក្រុមហ៊ុន CBRE Cambodia បានឱ្យដឹងថា ក្នុងត្រីមាសទី៣នៃឆ្នាំ២០២២នេះ មិនមានគម្រោងខុនដូដែលត្រូវបញ្ចប់ការសាងសង់ ឬដំណើរការលក់នៅលើទីផ្សារនោះទេ ដោយក្នុងនោះគម្រោងខុនដូសរុបចំនួន ៩០០យូនីត បានបន្តពន្យារពេល។ យ៉ាងណាក្ដី របាយការណ៍នេះបានបង្ហាញថា ក្នុងឆ្នាំ២០២២ ខុនដូនៅលើទីផ្សារនឹងកើនឡើងដល់ជិត៥ម៉ឺនយូនីត និងឆ្នាំ២០២៣ រំពឹងថានឹងកើនឡើងដល់ជិត៧ម៉ឺនយូនីត ដោយខុនដូប្រភេទតម្លៃមធ្យមមានបរិមាណច្រើនជាងគេក្នុងទីផ្សារ ខណៈគម្រោងខុនដូតម្លៃខ្ពស់មានតិចជាងគេ ។
នៅក្នុងរបាយការណ៍របស់ក្រុមហ៊ុនដដែលនេះបានឱ្យដឹងថា តម្លៃខុនដូតាមប្រភេទនីមួយៗមានការថមថយតិចតួចធៀបនឹងត្រីមាសទី២ក្នុងឆ្នាំ២០២២ ប៉ុន្តែបើធៀបនឹងជាមួយឆ្នាំ២០២០ និងឆ្នាំ២០២១ឃើញថា តម្លៃខុនដូក្នុងឆ្នាំនេះមានការថមថយគួរឱ្យកត់សម្គាល់ ដោយខុនដូតម្លៃសមរម្យក្នុងត្រីមាសទី៣ឆ្នាំ២០២២នេះមានការធ្លាក់ចុះប្រមាណ១,២ភាគរយ ធៀបនឹងត្រីមាសទី២ ខុនដូតម្លៃមធ្យមមានការធ្លាក់ចុះ ០,៨ភាគរយ និងខុនដូតម្លៃខ្ពស់មានការធ្លាក់ចុះ ១,២ភាគរយវិញធៀបនឹងត្រីមាសទី២ ។
អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានប្រាប់ AMS តាមទូរសព្ទឱ្យដឹងថា ក្នុងត្រីមាសទី៣នេះ ថ្វីត្បិតតែតម្លៃខុនដូបានធ្លាក់ចុះពិតមែន ប៉ុន្តែបើធៀបនឹងត្រីមាសទី២ មានកម្រិតតិចតួច មិនដូចកាលពីឆ្នាំ២០២០ និងឆ្នាំ ២០២១ដែលធ្លាក់ចុះខ្លាំងនោះទេ ។
អ្នកនាងបានបន្តថា ក្នុងត្រីមាសទី៣នេះគម្រោងអភិវឌ្ឍន៍ខុនដូថ្មីៗមិនមាននោះឡើយ ដោយសារតែទីផ្សារមានការប្រកួតប្រជែង និងកំពុងតូចចង្អៀតបន្តិច។ សម្រាប់គម្រោងដែលកំពុងដំណើរការសាងសង់នាពេលបច្ចុប្បន្ននេះភាគច្រើនគឺជាគម្រោងដែលសេសសល់ពីមុន ឬគម្រោងដែលផ្អាកដំណើរការកាលពីឆ្នាំកន្លងទៅ។ ដោយឡែក ចំពោះអ្នកលក់ខុនដូនៅក្នុងរាជធានីភ្នំពេញមួយចំនួនបានត្អូញត្អែរពិបាកក្នុងការលក់ ដោយសារតែអតិថិជនភាគច្រើនជាជនជាតិខ្មែរ លើកលែងតែអ្នកមានចំណូលចិត្តផ្នែកវិនិយោគក្នុងវិស័យនេះ ដែលឆក់យកឱកាសនេះទិញទុកវិនិយោគយកចំណេញនៅថ្ងៃខាងមុខដោយសារតែតម្លៃខុនដូពេលនេះមានការធ្លាក់ចុះ និងអាចទទួលបានភាគលាភច្រើនពីគម្រោង ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រសួងទេសចរណ៍ និងរដ្ឋបាលខេត្តព្រះសីហនុ រួមគ្នាផ្សព្វផ្សាយពីសក្ដានុពលទេសចរណ៍ក្នុងរដូវកាលបៃតង
Top News, ព្រឹត្តិការណ៍, សេដ្ឋកិច្ច
• 29/07/2026
ក្រសួងទេសចរណ៍ និងរដ្ឋបាលខេត្តព្រះសីហនុ បានរៀបចំវេទិកាធុរកិច្ចទេសចរណ៍ ក្រោមការផ្សព្វផ្សាយពីសក្ដានុពលវិស័យទេសចរណ៍ និងការវិនិយោគក្នុងខេត្តមួយនេះ
AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 28/07/2026
ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content