សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រហូតមកដល់ចុហឆ្នាំ២០២៣នេះ ទីផ្សារខុនដូនៅក្នុងប្រទេសកម្ពុជាហាក់មិនទាន់មានសកម្មភាពកម្រើកឡើងវិញនៅឡើយ សូម្បីតែនៅតំបន់ផ្លូវ៦០ម៉ែត្រ ឬមហាវិថីសម្ដេចតេជោ ដែលជាតំបន់មានសក្ដានុពលលើទីផ្សារខុនដូ រហូតមកដល់ពេលនេះក៏នៅមិនទាន់មានភាពល្អប្រសើរនោះដែរ។
លោក ពីន សេរី ប្រធានផ្នែកទីផ្សារនៃក្រុមហ៊ុន អចលនទ្រព្យ ERA Cambodia បានមានប្រសាសន៍ឱ្យដឹងថា កាលពីមុនវិបត្តិកូវីដ-១៩ ពោលគឺនៅឆ្នាំ២០១៩ ទីផ្សារខុនដូទាំងតម្រូវការ និងការផ្គត់ផ្គង់មានសកម្មភាពឡើងខ្ពស់ ឬអាចនិយាយបានថាដល់ចំណុចកំពូល ហើយរហូតដល់ដើមឆ្នាំ២០២០ គ្រាដែលពិភពលោកចាប់ផ្ដើមទទួលរងផលប៉ះពាល់ពីវិបត្តិកូវីដ១៩ ក៏ទីផ្សារខុនដូនៅក្នុងប្រទេសកម្ពុជានៅតែបន្តមានភាពរលូនដដែល។ ប៉ុន្តែ ដល់ឆ្នាំ២០២១ និងឆ្នាំ២០២២ ទីផ្សារខុនដូនៅកម្ពុជាចាប់ផ្ដើមមានការប្រែប្រួល និងមានបញ្ហា ដោយតម្រូវការ និងការអភិវឌ្ឍចាប់ផ្ដើមធ្លាក់ចុះជាបន្តបន្ទាប់ ។
លោកបន្តថា ៖
«រហូតដល់ឆ្នាំ២០២៣នេះ ទីផ្សារខុនដូនៅតំបន់ផ្លូវ៦០ ក៏ដូចជាប្រទេសកម្ពុជាទាំងមូលនៅតែមិនទាន់មានភាពប្រសើរឡើងនៅឡើយទេ ប៉ុន្តែយ៉ាងណាក្ដីនៅអំឡុងខែវិច្ឆិកា និងខែធ្នូ ចុងឆ្នាំនេះ ឃើញមានភ្ញៀវចាប់ផ្ដើមស្វែងរកខុនដូនៅកម្ពុជាឡើងវិញបន្តិច ដូច្នេះនៅឆ្នាំ២០២៤ខាងមុខនេះ យើងរំពឹងថាទីផ្សារខុនដូអាចនឹងមានភាពប្រសើរឡើងវិញ»។
បើតាមកត់សម្គាល់របស់អ្នកជំនាញអចលនទ្រព្យនៅក្នុងប្រទេសកម្ពុជាបានបង្ហាញឱ្យឃើញថា ក្នុងរយៈពេលប៉ុន្មានឆ្នាំចុងក្រោយនេះ ការវិនិយោគលើគម្រោងខុនដូនៅក្នុងប្រទេសកម្ពុជាមានចំនួនតិចតួចនៅឡើយ ខណៈដែលគម្រោងមួយចំនួនធំបានផ្អាកដំណើរការសាងសង់ ។ យ៉ាងណាក៏ដោយ នៅក្នុងឆ្នាំ២០២៣ គម្រោងដែលផ្អាកការសាងសង់ខ្លះក៏ចាប់ផ្ដើមដំណើរការឡើងវិញ ដែលធ្វើឱ្យវិស័យសំណង់ហាក់មានកំណើនជាងឆ្នាំមុនៗ ។
តាមរបាយការណ៍របស់ក្រុមហ៊ុនអចលនទ្រព្យអន្តរជាតិ CBRE Cambodia បានបង្ហាញថា ក្នុងត្រីមាសទី៣នៃឆ្នាំ២០២៣ នេះ ការផ្គត់ផ្គង់ទីផ្សារខុនដូក្នុងរាជធានីភ្នំពេញមានចំនួនសរុប ៥ម៉ឺន ៣ពាន់យូនីត មានកំណើន ៤ភាគរយធៀបនឹងត្រីមាសទី២ក្នុងឆ្នាំដដែល ។
នៅក្នុងរបាយការណ៍ដដែលបានព្យាករណ៍ថា នៅដំណាច់ឆ្នាំ២០២៣ គម្រោងអភិវឌ្ឍន៍ខុនដូចំនួន៣បន្ថែមទៀតនឹងបញ្ចប់ ដែលនឹងមានចំនួន ៣ពាន់យូនីតបន្ថែមទៀតដាក់បញ្ចូលក្នុងទីផ្សារខុនដូនៅភ្នំពេញ ដែលធ្វើឱ្យចំនួនខុនដូក្នុងទីផ្សារកើនឡើងដល់ ៥ម៉ឺន ៦ពាន់យូនីត ។ ក្នុងចំណោមខុនដូដែលមាននៅក្នុងទីផ្សារនាពេលបច្ចុប្បន្ន ៦០ភាគរយ នៃចំនួនសរុបគឺជាប្រភេទខុនដូតម្លៃមធ្យម ៕
Account
Security
Favourite Content