សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងឆ្នាំ២០២៤ កន្លងទៅនេះ គម្រោងអគារពាណិជ្ជកម្មចំនួន៥ ត្រូវបានបញ្ចប់ការសាងសង់ជាស្ថាពរ និងបានដាក់បញ្ចូលក្នុងទីផ្សារ ដែលធ្វើឱ្យការផ្គត់ផ្គង់លើផ្នែកអគារពាណិជ្ជកម្មនៅក្នុងរាជធានីភ្នំពេញកាន់តែមានចំនួនច្រើនឡើង ។
តាមរបាយការណ៍របស់ក្រុមហ៊ុន CBRE Cambodia បានបង្ហាញឱ្យឃើញថា អគារចំនួន៥ ដែលបានបញ្ចប់ក្នុងឆ្នាំ២០២៤កន្លងទៅរួមមាន ទី១.អគារ The Peak ស្ថិតនៅក្នុងខណ្ឌចំការមន បានចាប់ផ្ដើមសាងសង់នៅក្នុងអំឡុងឆ្នាំ២០១៦ , ទី២. អគារ Booyoung Town Mall ស្ថិតនៅក្នុងខណ្ឌសែនសុខ តាមបណ្ដោយផ្លូវសហព័ន្ធរុស្ស៊ី , ទី៣ គម្រោង Maline Office Park ស្ថិតនៅក្នុងទឹកដីខណ្ឌចំការមន ទី៤. គម្រោង VerSailles Spuare ស្ថិតនៅក្នុងទឹកដីខណ្ឌមានជ័យ និង ទី៥ គម្រោង Norea Center ដែលស្ថិតនៅក្នុងទឹកដីខណ្ឌច្បារអំពៅ ។
គម្រោងអគារពាណិជ្ជកម្មទាំង៥នេះ រួមបញ្ចូលមានខុនដូ ការិយាល័យ សណ្ឋាគារ ផ្សារទំនើប ដែលនឹងត្រូវដាក់បញ្ចូលក្នុងទីផ្សារបន្ថែម ធ្វើឱ្យការផ្គត់ផ្គង់នូវទីផ្សារអចលនទ្រព្យទាំងនេះមានកំណើនឡើងបន្ថែមទៀតធៀបនឹងឆ្នាំមុនៗ ។
យោងតាមរបាយការណ៍របស់ CBRE Cambodia ក៏បានបង្ហាញផងដែរពាក់ព័ន្ធនឹងការកាន់កាប់ការិយាល័យក្នុងឆ្នាំ២០២៤ ដោយការិយាល័យជួលតែ៦៥ភាគរយប៉ុណ្ណោះ មានអ្នកកាន់កាប់ ឬកំពុងជួល ។ បើធៀបជាមួយនឹងឆ្នាំ២០២៣ មានការថមថយបន្តិច ប៉ុន្តែបើគិតតាំងពីឆ្នាំ២០១៩ រហូតដល់ឆ្នាំ ២០២៤ មានការថយចុះខ្លាំង ។ នៅឆ្នាំ២០១៩ កាន់ការកាន់ការិយាល័យមានរហូតដល់ជិត៩០ភាគរយនៃការផ្គត់ផ្គង់ ហើយចាប់ពីឆ្នាំ២០២០មក ការជួលការិយាល័យចាប់ផ្ដើមធ្លាក់ចុះ និងបានងើបឡើងបន្តិចនៅឆ្នាំ២០២១ ។
ចំណែកការកាន់កាប់ទីតាំងលក់រាយនៅក្នុងរាជធានីភ្នំពេញ ក៏ឃើញថាមានធ្លាក់ចុះផង ជាក់ស្ដែងឆ្នាំ ២០១៩ការកាន់កាប់ទីតាំងលក់រាយ មានរហូតដល់៩០ភាគរយ និងបានធ្លាក់ចុះមកនៅត្រឹម៨០ភាគរយនៅឆ្នាំ ២០២០ និងបន្តធ្លាក់មកនៅត្រឹមជាង៦២ភាគរយនៅក្នុងឆ្នាំ ២០២៤កន្លងទៅនេះ ។ដោយឡែកសម្រាប់ទីតាំងផ្សារទំនើបប្រមាណ៧១,៦ភាគរយ ។
សម្រាប់ទីផ្សារខុនដូ ក្នុងឆ្នាំ ២០២៤នេះ បានកើនឡើងដល់ ៧ម៉ឺន២ពាន់យូនីត និងរំពឹងថា នឹងកើនឡើង៧ម៉ឺន៨ពាន់យូនីតនៅក្នុងឆ្នាំ ២០២៥ និងប្រមាណជិត៨ម៉ឺនយូនីត នៅក្នុងឆ្នាំ ២០២៦ ។ ការអភិវឌ្ឍខុនដូនៅក្នុងរាជធានីភ្នំពេញ ក៏ត្រូវបានមើលឃើញថាភាគច្រើនផ្ដោតលើខុនដូតម្លៃមធ្យម និងតម្លៃសមរម្យខណៈការផ្គត់ផ្គង់ការខុនដូតម្លៃខ្ពស់នៅមានចំនួនតិចតួចនៅឡើយ ។
អ្នកជំនាញ និងអ្នកអភិវឌ្ឍន៍អចលនទ្រព្យនៅកម្ពុជាជាច្រើនបានបង្ហាញពីសុទិដ្ឋិនិយមខ្ពស់ចំពោះវិស័យអចលនទ្រព្យកម្ពុជា ជាមួយនឹងការរំពឹងទុកថា ក្នុងរយៈពេល ២ ឬ ៣ ឆ្នាំខាងមុខ វិស័យនេះ នឹងងើបឡើងវិញ ។
អ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលនៃក្រុមហ៊ុន Worldbridge បានព្យាករណ៍ថា ក្រោយការលើកឡើងកាន់អំណាចរបស់ប្រធានាធិបតីអាមេរិក លោក ដូណាល់ត្រាំ កម្ពុជានឹងអាចទទួលបានផលប្រយោជន៍ ក្នុងនោះសង្គ្រាមពាណិជ្ជកម្មរវាងអាមេរិក និងចិន នឹងធ្វើឱ្យមានការផ្លាស់ប្តូរទីតាំងផលិតពីប្រទេសចិនទៅប្រទេសក្នុងតំបន់អាស៊ាន ហើយកម្ពុជាក៏ជាប្រទេសដែលមានអាទិភាពមួយក្នុងការទទួលបានការផ្លាស់ប្តូរទីតាំងផលិតពីប្រទេសចិនដែរ ៕
Account
Security
Favourite Content