សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សន្ទុះនៃការអភិវឌ្ឍនៅក្នុងប្រទេសកម្ពុជានាពេលបច្ចុប្បន្ននេះ ភាគច្រើនអ្នកវិនិយោគបានសំដៅទៅលើតែតំបន់ទីក្រុង ឬទីប្រជុំជនដោយក្នុងនោះរាជធានីភ្នំពេញមានភាពទាក់ទាញ និងអភិវឌ្ឍន៍ច្រើនជាងគេ ។ ប្រការនេះ អ្នកជំនាញនៃវិស័យអចលនទ្រព្យបានបង្ហាញពីចេតនាចង់ឱ្យមានការអភិវឌ្ឍនៅតាមមូលដ្ឋានឱ្យបានកាន់តែច្រើនដើម្បីជួយជំរុញឱ្យមានភាពស្មើគ្នារវាងទីក្រុង និងទីជនបទ ។
លោក ព្រាប កុល ប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យ Century 21 Zillion Holding បានឱ្យដឹថា ការអភិវឌ្ឍអចលនទ្រព្យរួមមានសំណង់ និងដីធ្លីនៅកម្ពុជា ភាគច្រើនគេតែងផ្ដោតទៅលើតែតំបន់ទីប្រជុំជន និងទីក្រុង ហើយតំបន់ជនបទ មិនទាន់មានការចាប់អារម្មណ៍ និងអភិវឌ្ឍន៍ច្រើននៅឡើយទេ។ លោកថា សម្រាប់តែក្រុមហ៊ុនរបស់លោកបានបង្កើតផែនការសកម្មភាពក្នុងការជំរុញឱ្យតំបន់ទីក្រុង និងទីជនបទកាន់តែខិតជិតគ្នា ហើយប្រជាជនមានកម្រិតជីវភាពល្អប្រហាក់ប្រហែលគ្នា។
លោកបន្តថា ការអភិវឌ្ឍនៅមូលដ្ឋាន នឹងធ្វើឱ្យប្រជាជនដែលធ្លាប់តែប្រមូលផ្ដុំគ្នានៅទីក្រុងងាកត្រលប់ទៅកាន់ទីជនបទវិញ ហើយរួមគ្នាក្នុងការអភិវឌ្ឍន៍នៅតាមមូលដ្ឋានកាន់តែច្រើនឡើងៗ ជាពិសេស បញ្ញាវ័ន្តដែលរៀនចប់ពីសាលានឹងអាចត្រលប់ទៅកាន់ស្រុកកំណើតចូលរួមក្នុងការអភិវឌ្ឍទឹកដីកំណើនរបស់គេវិញ។
លោកបន្ថែមថា ៖
“បេសកកម្មរបស់ក្រុមហ៊ុនយើង បាន និងកំពុងស្វែងរកភ្នាក់ងាររាប់ពាន់នាក់ ដើម្បីបណ្ដុះបណ្ដាលពីជំនាញដីធ្លី និងការប្រមូលព័ត៌មានអចលនទ្រព្យ ហើយក៏ប្រកាសស្វែងរកប្រធានសាខាសម្រាប់ឃុំសង្កាត់ទាំងជាង ១ ៦០០ឃុំ-សង្កាត់នៅទូទាំងប្រទេស ដើម្បីឱ្យពួកយើងអាចក្ដោបព័ត៌មានបានគ្រប់គ្រាន់ ហើយផ្ដល់ព័ត៌មានដីធ្លី និងអចលនទ្រព្យបន្តទៅកាន់វិនិយោគិនទាំងជាតិនិងអន្តរជាតិ សម្រាប់ឱ្យពួកគេសម្រេចចិត្តថានឹងវិនិយោគនៅតំបន់ណាមួយត្រូវនឹងអ្វីដែលជាជំនាញរបស់ពួកគេ”
លោកបញ្ជាក់ថា អ្នកវិនិយោគដែលកំពុងអភិវឌ្ឍន៍នៅក្នុងប្រទេសកម្ពុជាមានជម្រើសច្រើនក្នុងការវិនិយោគ ដោយសារតែកម្ពុជាមានសក្ដានុពលច្រើនសម្រាប់ឱ្យពួកគេក្នុងការបណ្ដាក់ទុនវិនិយោគ ទាំងកសិកម្ម កសិ-ឧស្សាហកម្ម ឧស្សាហកម្ម ពាណិជ្ជកម្ម ហិរញ្ញវត្ថុ ជាដើម ហើយបើនិយាយពីដីធ្លីនៅក្នុងប្រទេសកម្ពុជាវិញក៏ឃើញមាននៅទំនេរ និងទូលាយច្រើនដែលសុទ្ធតែជាជម្រើស និងឱកាសសម្រាប់ អ្នកអភិវឌ្ឍន៍ ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានលើកឡើងផងដែរថា បណ្ដាខេត្តមួយចំនួននៅកម្ពុជា បាន និងកំពុងហុចផលតាមរយៈសក្ដានុពលតំបន់ជាបន្តបន្ទាប់ឈានដល់ការអភិវឌ្ឍក្នុងវិស័យអចលនទ្រព្យ ក៏ដូចជាផ្តល់ផលចំណេញដល់អ្នកវិនិយោគផងដែរ ក្នុងនោះគេឃើញថាខេត្តមួយចំនួនដែលនៅឆ្ងាយពីរាជធានីភ្នំពេញ កំពុងទទួលបានការចាប់អារម្មណ៍ពីអ្នកវិនិយោគក្នុងស្រុក និងបរទេស ។ លោកបន្តថា នៅពេលចប់វិបត្តិកូវីដ១៩ លក្ខខណ្ឌសកលលោកត្រូវបានរំពឹងថា វិនិយោគិនបរទេសជាច្រើនទៀតនឹងចូលមកកម្ពុជាដើម្បីស្វែងរកការវិនិយោគ ហើយអ្នកវិនិយោគក្នុងស្រុកក៏គួរត្រៀមខ្លួនឱ្យរួចជាស្រេចដើម្បីស្វាគមន៍អ្នកវិនិយោគថ្មីៗបន្តបន្ទាប់ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកជំនួញធំៗនៅកម្ពុជា រួមគ្នាអភិវឌ្ឍវិស័យកសិកម្ម ជំរុញការកែច្នៃ និងផលិតក្នុងស្រុកឱ្យបានកាន់តែច្រើន
កម្មវិធីថ្នាក់ជាតិ ស្ដីពី«ប័ណ្ណជំនាញសម្រាប់សេដ្ឋកិច្ចក្រៅប្រព័ន្ធ» ត្រូវបានដាក់ឱ្យអនុវត្តជាផ្លូវការ
Account
Security
Favourite Content