សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានបង្ហើបពីទីតាំង និងក្បួនក្នុងការទិញដីដើម្បីបានចំណេញនៅពេលអនាគត ស្របនឹងមានមនុស្សជាច្រើនកំពុងពិបាកក្នុងការលក់បញ្ចេញដីដែលបានទិញកាលពីពេលកន្លងទៅ។
លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ថា មុននឹងទិញដីធ្លី ត្រូវដឹងពីគោលបំណងជាមុនសិន តើទិញដើម្បីសង់លំនៅឋានខ្លួនឯង ចង់ទិញដើម្បីសង់ឃ្លាំង ឬទិញដើម្បីវិនិយោគអ្វីមួយ ។ បន្ទាប់ពីដឹងពីបំណងនៃការទីដីនេះហើយ ត្រូវជ្រើសរើសរកមើលទីតាំងដែលត្រូវនឹងគោលបំណង ដូចជាទីតាំងនៅជិតសាលារៀន ជាទីតាំងដែលស្ថិតក្នុងតំបន់មានសុវត្ថិភាព ឬទីតាំងក្បែរតំបន់ឧស្សាហកម្មជាដើម ដូច្នេះនៅពេលទិញរួចហើយ និងចង់លក់វិញគឺអាចនឹងមានអ្នកទិញច្រើន ។
លោកបន្តថា ៖
«ការជ្រើសរើសទីតាំងនេះដែរ បើសិនជាដឹងពីទិសដៅនៃការអភិវឌ្ឍរបស់រាជរដ្ឋាភិបាលគឺរឹតតែល្អប្រសើរទៅទៀត ពីព្រោះទីណាដែលជាទិសដៅនៃការអភិវឌ្ឍរបស់រាជរដ្ឋាភិបាល ទីនោះនឹងមានការអភិវឌ្ឍទៅលើហេដ្ឋារចនាសម្ព័ន្ធ អភិវឌ្ឍលើគម្រោងផ្សេងៗ ហើយនៅពេលមានការអភិវឌ្ឍ ទីផ្សារដីធ្លីនៅតំបន់នោះនឹងមានការកើនឡើង ដូច្នេះហើយនៅពេលណាយើងចង់លក់ដូរគឺមានភាពងាយស្រួល និងទទួលបានប្រាក់ចំណេញខ្ពស់ផងដែរ »។
លោកបានបន្ថែមថា ៖
«អ្វីដែលយើងត្រូវដឹងបន្ថែម មុននឹងសម្រេចចិត្តទិញដីពីបុគ្គលណាម្នាក់ គឺភាពស្របច្បាប់នៃអចលនទ្រព្យនោះ ដូចជាត្រូវផ្ទៀងផ្ទាត់លើអ្នកលក់ និងឯកសារម្ចាស់ទ្រព្យ ត្រូវពិនិត្យមើលទៀតថា តើដី ឬទ្រព្យដែលយើងទិញនោះមានជាប់បណ្ដឹងនៅតុលាការឬអត់ ហើយបើសិនជាដីនោះកំពុងមានបណ្ដឹងនៅតុលាការគួរកុំទិញឱ្យសោះប្រយ័ត្នខាតបង់លុយ ។ ដីមួយប្រភេទដែលមិនគួរទិញនោះគឺដីកំពុងជាប់បន្ទុក ពោលគឺដីដែលគេយកប្លង់រឹងទៅដាក់បញ្ចាំនៅធនាគារ ។ ដីប្រភេទនេះ គេនៅតែអាចធ្វើលិខិតទិញលក់បានជាធម្មតា ប៉ុន្តែបានតែលិខិតទិញលក់ និងប្លង់ទន់ប៉ុណ្ណោះ ចំពោះប្លង់រឹងគឺនៅជាប់ធនាគារ ហើយបើសិនជាយើងចង់ធ្វើប្លង់រឹង ឬត្រូវការប្លង់រឹង គឺគេត្រូវការបង់ពន្ធដែលត្រូវចំណាយច្រើនទើបអាចធ្វើបាន »។
ជាមួយគ្នានេះ លោក សន សៀប ក៏បានបញ្ជាក់ដែរថា ចំពោះអចលនទ្រព្យ ឬដីនៅទីតាំងខ្លះ ចុះតម្លៃ៥០ភាគរយហើយក៏អត់មានអ្នកទិញដែរ ពីព្រោះអ្នកទិញគេមិនដឹងនោះទេថា ទិញដីនៅតំបន់នោះដើម្បីធ្វើអី បើទិញហើយត្រូវកប់លុយ ហើយមិនអាចរកលុយពីដីធី្ល ឬអចលនទ្រព្យនោះបានវិញទេ ។
គួរបញ្ជាក់ថា ចាប់តាំងពីពាក់កណ្ដាលឆ្នាំ២០២០មក សកម្មភាពនៃការទិញលក់ដីធ្លីនៅក្នុងប្រទេសកម្ពុជាចាប់ផ្ដើមថមថយបន្តិចម្ដងៗ ជាមួយនឹងតម្លៃនៅតាមតំបន់ខ្លះក៏ឃើញថាថយចុះគួរឱ្យកត់សម្គាល់ ។ យ៉ាងណាក្ដី លោក សន សៀប បានដាក់ការរំពឹងថាក្នុងឆ្នាំ២០២៤នេះ វិស័យដីធ្លីនៅក្នុងប្រទេសកម្ពុជានឹងមានសន្ទុះឡើងវិញបន្តិច និងអាចល្អជាងឆ្នាំ២០២៣ កន្លងទៅ៕
Account
Security
Favourite Content