សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ស្រដៀងគ្នាទៅនឹងអត្ថបទមុនៗដែលបានផ្សព្វផ្សាយជាបន្តបន្ទាប់ស្ដីអំពីការប្រែក្លាយពីអាជីវកម្មផ្នែកឯកជនដែលស្វែងរកប្រាក់ចំណេញបែបធម្មតាៗ ទៅជាអាជីវកម្ម ឬធុរកិច្ចបរិយាបន្ន ដែលក្រៅពីជាអង្គភាពស្វែកប្រាក់ចំណូល ប្រាក់ចំណេញតែមួយមុខនោះ ថែមទាំងបានចូលរួមយ៉ាងសកម្មក្នុងការជួយដល់ប្រជាជនក្រីក្រដែលមានចំណូលទាបឱ្យទទួលបានចំណូលមធ្យម ផ្តល់នូវដំណោះស្រាយជាលក្ខណៈប្រព័ន្ធសម្រាប់ការជួយបង្កើនប្រាក់ចំណូលដល់ជនងាយរងហានិភ័យ ថែមទាំងអាចជួយដល់បរិស្ថាន និងសង្គមទូទៅឱ្យមានភាពល្អប្រសើរប្រកបដោយចិរភាពផងដែរ។
បន្ថែមពីលើនេះ អ្វីដែលជាលក្ខណៈសម្បត្តិដ៏ល្អប្រសើរ និងគុណតម្លៃរបស់បណ្តាអាជីវកម្មបរិយាបន្ននោះ គឺគោលដៅចម្បងៗដែលត្រូវបានបង្ហាញជូនដោយសង្ខេបដូចខាងក្រោមនេះ ៖
ក្រុមហ៊ុនអាជីវកម្មបរិយាប័ន្នផ្លាស់ប្តូរសេដ្ឋកិច្ច – ដោយសារក្រុមហ៊ុន ឬអាជីវកម្មបែបបរិយាប័ន្នចូលរួមដល់ការផ្តល់ផលវិជ្ជមានដល់សង្គមក្នុងវិសាលភាពធំធេង ការច្នៃប្រឌិត ភាពជោគជ័យនៃអាជីវកម្មផ្ទាល់ រួមចំណែកដល់ការជំរុញកំណើនសេដ្ឋកិច្ច និងសម្របខ្លួនដោយជោគជ័យទៅនឹងការផ្លាស់ប្តូរក្នុងរបត់ទីផ្សាររយៈពេលវែង (ចីរភាព និងភាពធន់) ក្រុមហ៊ុនទាំងនេះបានរួមចំណែកយ៉ាងសំខាន់ក្នុងដំណើរការនៃការផ្លាស់ប្តូរ និងទ្រទ្រង់ដល់សេដ្ឋកិច្ច។ ហេតុដូចនេះ បានជាបណ្តាអាជីវកម្ម រដ្ឋាភិបាល និងប្រជាជនទូទៅ មានចំណាប់អារម្មណ៍ជាខ្លាំងក្នុងការចូលរួមជំរុញ ប្រែក្លាយអាជីវកម្មគោលទូទៅ ព្រមទាំងសហគ្រាស សង្គមបែបប្រពៃណី ឱ្យផ្លាស់ប្តូររូបរាងទៅជាការប្រកបអាជីវកម្មបែបបរិយាប័ន្ន។ ការផ្លាស់ប្តូរត្រូវបានជំរុញដោយគោលនយោបាយអាជីវកម្មបរិយាប័ន្ន។
អាជីវកម្មបរិយាប័ន្នបង្កើតស្ថានភាព “ឈ្នះ ឈ្នះ ឈ្នះ” ចំពោះគ្រប់ភាគី – អាជីវកម្មបរិយាប័ន្ន ពិតជាបានជួយដោះស្រាយនូវបញ្ហាសង្គម និងការរកប្រាក់ចំណូលបន្ថែម ក៏ដូចជាការជួយដល់ជីវភាពរស់នៅរបស់ប្រជាជនក្រីក្រ និងប្រជាជនមានចំណូលទាប។ អាជីវកម្មទាំងនោះជាយុទ្ធសាស្ត្រឈ្នះៗសម្រាប់គ្រប់ភាគី រួមមាន
-សម្រាប់រាជរដ្ឋាភិបាល៖ ការជំរុញ និងលើកកម្ពស់បរិយាប័ន្នសង្គម តាមរយៈការចូលរួមរបស់វិស័យឯកជន
-សម្រាប់ប្រជាជនក្រីក្រ៖ ក្នុងការទទួលបាននូវការជួយគាំទ្រដែលមានលក្ខណៈជាប្រព័ន្ធ និងមាននិរន្តរភាព និងករណី អាជីវកម្ម
-សម្រាប់ក្រុមហ៊ុនអាជីវកម្មបរិយាប័ន្នផ្ទាល់៖ ការសម្រេចបាននូវប្រាក់ចំណូលអាជីវកម្មខ្ពស់ជាងមុន បង្កើនឱកាសទីផ្សារថ្មីៗ និងខ្សែច្រវាក់ផ្គត់ផ្គង់ល្អជាងមុន។
អាជីវកម្មបរិយាប័ន្នមានភាពពាក់ព័ន្ធលក្ខណៈអន្តរជាតិ – អាជីវកម្មបរិយាប័ន្នត្រូវបានសង្កេតឃើញថាជាការចូលរួមចំណែកដ៏សំខាន់ពីវិស័យឯកជន ដើម្បីរួមគ្នាសម្រេចបាននូវគោលដៅអភិវឌ្ឍន៍ប្រកបដោយចីរភាព (SDGs) ផ្តោតលើការយកចិត្តទុកដាក់ដល់ក្រុមមនុស្សនៅបាតពីរ៉ាមីត ៤០% និងការផ្លាស់ប្តូរមានលក្ខណៈជាប្រព័ន្ធប្រកបដោយវិសាលភាពធំធេង។ ហេតុដូចនេះ របៀបវារៈនៃអាជីវកម្មបរិយាប័ន្ន ត្រូវបានសង្កត់ធ្ងន់ជាបន្តបន្ទាប់នៅលើឆាកអន្តរជាតិក្នុងស្ថាប័នបណ្តាប្រទេសអភិវឌ្ឍ ដូចជា ក្រុមប្រទេស G20 និងសមាគមប្រជាជាតិអាស៊ីអាគ្នេយ៍ (អាស៊ាន)៕
Account
Security
Favourite Content