សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បានចេញសេចក្ដីប្រកាសព័ត៌មានឆ្លើយតបនឹងលិខិតស្នើសុំដោះស្រាយ និងកាត់ឆ្កៀលដី ៦ ០១០ ៨០០ម៉ែត្រការ៉េ ដើម្បីធ្វើវិញ្ញាបនបត្រសម្គាល់ម្ចាស់អចលនវត្ថុ ស្ថិតនៅភូមិភ្ញីមាស ឃុំភ្ញីមាស ស្រុកគិរីសាគរ ខេត្តកោះកុង។
យោងតាមសេចក្ដីប្រកាសព័ត៌មានរបស់ក្រសួងរៀបចំដែនដី នគរូបនីយកម្ម និងសំណង់ ចុះថ្ងៃទី២៦ ខែសីហា ឆ្នាំ២០២៤ បានលើកឡើងថា ក្រសួងរៀបចំដែនដី នគរូបនីយកម្ម និងសំណង់ បានទទួលសំណើតាមរយៈលិខិតស្នើសុំអន្តរាគមន៍ ចុះថ្ងៃទី១៩ ខែមករា ឆ្នាំ២០២៤ របស់ឈ្មោះ អែម សុភ័ណ្ឌ ឈ្មោះ វ៉ែន ហួត និងឈ្មោះ ឈឿ ឆា ស្នើសុំជួយ ដោះស្រាយនិងកាត់ឆ្កៀលដី ដើម្បីធ្វើវិញ្ញាបនបត្រសម្គាល់ម្ចាស់អចលនវត្ថុលើផ្ទៃដីទំហំ ៦ ០១០ ៨០០ម៉ែត្រការ៉េ មានទីតាំងស្ថិតនៅភូមិភូមាស ឃុំភូមាស ស្រុកគិរីសាគរ ខេត្តកោះកុង។
ក្រសួងរៀបចំដែនដី នគរូបនីយកម្ម និងសំណង់ គណៈកម្មការសុរិយោដីថ្នាក់ជាតិ និងអាជ្ញាធរជាតិ ដោះស្រាយទំនាស់ដីធ្លី សូមជម្រាបជូនថា តាមការពិនិត្យករណីសំណើខាងលើ ក្រុមការងាររកឃើញថា៖
១. ទីតាំងដីស្នើសុំ ជាដីរដ្ឋ ស្ថិតនៅក្នុងគម្រោងវិនិយោគរបស់ក្រុមហ៊ុន Union Development និងបានចុះបញ្ជីជូនក្រសួងបរិស្ថានរួចរាល់ ហើយរាជរដ្ឋាភិបាលបានសម្រេចដោះស្រាយគោលនយោបាយជូនប្រជាពលរដ្ឋដែលរងផលប៉ះពាល់ពីគម្រោងវិនិយោគនេះរួចរាល់ហើយតាមរយៈលិខិតលេខ ២៣២ សជណ ចុះថ្ងៃទី៣១ ខែមីនា ឆ្នាំ២០២២ របស់ទីស្តីការគណៈរដ្ឋមន្ត្រី។
២. ចំពោះបញ្ជីឈ្មោះភ្ជាប់មកជាមួយលិខិតស្នើសុំដែលបានអះអាងថាជាស្នាមមេដៃរបស់ប្រជាពលរដ្ឋចំនួន ១១៧គ្រួសារ (មានបញ្ជាក់ពីមេភូមិកៀនក្រឡាញ់ ឈ្មោះ ញ៉ក់ រ៉េត, មេភូមិតានី ឈ្មោះ ទ្រី ភួន និងមេភូមិភូមាស ឈ្មោះ ជា ម៉ុន នៅថ្ងៃទី១៩ ខែមករា ឆ្នាំ២០២៤) មានតែឈ្មោះ វ៉ែន ហួត និងឈ្មោះ សម អ៊ុច ដែលត្រូវទទួលការដោះស្រាយគោលនយោបាយ។
៣. ក្រសួងរៀបចំដែនដី នគរូបនីយកម្ម និងសំណង់ បានចេញលិខិតលេខ៣១២៦ ដនស/អ.ជ.ដ ចុះថ្ងៃទី១៧ ខែតុលា ឆ្នាំ២០២៣ ជូនរដ្ឋបាលខេត្តកោះកុងដើម្បីជម្រាបជូនប្រជាពលរដ្ឋដែលពុំទាន់ទទួលបានការដោះស្រាយគោលនយោបាយឱ្យមកទទួលយកគោលនយោបាយជាមួយក្រុមការងារអគ្គលេខាធិការដ្ឋានអាជ្ញាធរជាតិដោះស្រាយទំនាស់ដីធ្លី ឬនៅការិយាល័យរៀបចំដែនដី នគរូបនីយកម្ម សំណង់ និងភូមិបាលស្រុកគិរីសាគរ។
៤. លោក ឡូញ សុផល ជាមេឃុំភូមាស បានបញ្ជាក់ថា ឈ្មោះ ជា ម៉ុន, ឈ្មោះ ញ៉ក់ រ៉េត និងឈ្មោះ ទ្រី កូន ដែលបានបញ្ជាក់លើឯកសារភ្ជាប់នៃសំណើសុំ បានបញ្ចប់តួនាទីជាមេភូមិកៀនក្រឡាញ់ មេភូមិតានី និងមេភូមិភ្ញីមាស តាំងពីឆ្នាំ២០១០ និងឆ្នាំ២០១២ មកម៉្លេះ ហើយពួកគាត់ក៏បានបដិសេធពុំបានចុះហត្ថលេខាលើឯកសារភ្ជាប់ឡើយ។
អាស្រ័យដូចបានជម្រាបជូនខាងលើ សូមសាធារណជនមេត្តាជ្រាបជាព័ត៌មាន៕
Account
Security
Favourite Content