សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានលើកឡើងថា វត្តមានអគារខ្ពស់ៗ ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ កាន់តែច្រើនបានឆ្លុះបញ្ចាំងពីសមិទ្ធផលធំៗរបស់កម្ពុជាដែលសម្រេចបាន និងកាន់តែមានច្រើនជាងនេះទៅទៀតដោយជ្រកក្រោមម្លប់នៃសន្តិភាព។
តាមរយៈបណ្តាញទំនាក់ទំនងអេឡិចត្រូនិកផ្លូវការរបស់សម្ដេចតេជោ ហ៊ុន សែន នៅរសៀលថ្ងៃទី២៧ ខែមករា ឆ្នាំ២០២២ បានបង្ហាញនូវរូបភាពសំណង់អគារខ្ពស់ៗ បណ្តាញហេដ្ឋារចនាសម្ព័ន្ធ រួមមានស្ពាន ស្ពានអាកាស ផ្លូវថ្នល់ខ្វាត់ខ្វែង ដែលជាសោភ័ណភាពនៃរាជធានីភ្នំពេញគឺជាទីទាក់ទាញ និងមោទនភាពបំផុត។
តាមរយៈបណ្តាញទំនាក់ទំនង់អេឡិចត្រូនិករបស់សម្ដេចបានបញ្ជាក់ថា ៖
“នេះគឺទិដ្ឋភាពមួយចំនួននៃរាជធានីភ្នំពេញ ដែលជាបេះដូងរបស់កម្ពុជាយើង ថតពីលើអាកាស នៅក្នុងខែមករា ឆ្នាំ២០២២នេះ ។ បច្ចុប្បន្ននេះ វាពិតជាខុសគ្នាដាច់ស្រឡះពីអតីតកាល ហើយទៅអនាគត ក៏នឹងកាន់តែរីកដុះដាលច្រើន និងល្អៗជាងនេះថែមទៀត”
តាមរយៈទិដ្ឋភាពនេះ បានបង្ហាញឲ្យឃើញថា ប៉ុន្មានឆ្នាំចុងក្រោយនេះទីក្រុងភ្នំពេញបាន និងកំពុងផ្លាស់ប្តូរមុខមាត់យ៉ាងលឿនតាមរយៈវត្តមានអគារខ្ពស់ៗកប់ពពក ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ កាន់តែច្រើននៅក្នុងទីក្រុងនៃប្រទេសកំពុងមានការអភិវឌ្ឍមួយនេះ។
សម្ដេចតេជោ ហ៊ុន សែន បានបន្តថា ៖
“ការបង្ហាញវត្តមានអគារខ្ពស់ៗ ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ បានកើតឡើងជាបន្តបន្ទាប់ កាន់តែច្រើនទាំងអស់នេះ គឺបានឆ្លុះបញ្ចាំងពីសមិទ្ធផលធំៗរបស់កម្ពុជាដែលសម្រេចបាន និងមិនធ្លាប់មានពីមុនមក ក្នុងខណៈពេលដែលកម្ពុជាកំពុងទទួលបានសុខសន្តិភាពពេញលេញទូទាំងប្រទេស។ ការរីកចម្រើនទាំងអស់នេះ មិនអាចកើតឡើងបានឡើយ បើប្រទេសយើងមិនមានសន្តិភាព។ ដូច្នេះ សន្តិភាព គឺជាតម្លៃដែលមិនអាចកាត់ថ្លៃបានឡើយ ហើយប្រជាពលរដ្ឋគ្រប់រូបត្រូវតែរួមគ្នាថែរក្សាការពារសន្តិភាព ដើម្បីទទួលបានការអភិវឌ្ឍប្រទេសជាតិរបស់យើងអោយកាន់តែរីកចម្រើនខ្លាំងថែមទៀត”
លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group បានមានប្រសាសន៍ថា ភាពរីកចម្រើន និងគ្រប់រូបភាពនៃការអភិវឌ្ឍទាំងអស់សុទ្ធតែកើតចេញពីសុខសន្តិភាពក្រោមការដឹកនាំប្រកបដោយបញ្ញាញាណរបស់សម្តេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា។
លោកឧកញ៉ាបានបន្តថា ៖
“ការអភិវឌ្ឍលេចចេញជារូបភាពនៃសំណង់អគារខ្ពស់ៗ ក៏ដូចជាហេដ្ឋារចនាសម្ព័ន្ធនានា រួមមានស្ពាន ស្ពានអាកាស និងផ្លូវថ្នល់ខ្វាត់ខ្វែងដូចដែលបានឃើញនេះគឺជាការអនុវត្តដែលកើតចេញពីយុទ្ធសាស្ត្រចតុកោណរបស់រាជរដ្ឋាភិបាលកម្ពុជា។ កម្ពុជាមានសន្តិភាព មានច្បាប់ទម្លាប់ល្អត្រឹមត្រូវដែលអាចការពារសុវត្តិភាពបណ្តាអ្នកវិនិយោគជាតិ-អន្តរជាតិ ដែលសុទ្ធតែជាកត្តាសំខាន់ក្នុងការផ្តល់នូវទំនុកចិត្ត និងភាពទាក់ទាញ”
លោកឧកញ៉ាបានសង្កត់ធ្ងន់ថា ក្រៅពីកត្តាសុខសន្តិភាព សុវត្ថិភាព កម្ពុជា ជាប្រទេសមួយដែលសម្បូរធនធានដែលអាចផ្តល់នូវផលប្រយោជន៍ដលបណ្តាធុរកិច្ច ជាពិសេស កម្ពុជាមានភូមិសាស្ត្រនយោបាយល្អ ជាស្ពានតភ្ជាប់រវាងបណ្តាប្រទេសនានាក្នុងតំបន់អាស៊ានដែលកាន់តែផ្តល់ភាពងាយស្រួល និងផលប្រយោជន៍ដល់អ្នកវិនិយោគទាំងអស់។ ជាមួយគ្នានេះ ក្នុងនាមជាពលរដ្ឋកម្ពុជា ក៏ដូចជាអ្នកវិនិយោគមួយរូបនៅក្នុងប្រទេសដែលកំពុងមានការអភិវឌ្ឍដ៏រលូនមួយនេះ លោកឧកញ៉ា នួន រិទ្ធី បានប្ដេជ្ញាក្នុងការចូលរួមជាមួយរាជរដ្ឋាភិបាលកម្ពុជា ប្រឹងប្រែងបន្តការអភិវឌ្ឍយ៉ាងសកម្មទៅថ្ងៃអនាគត ដែលវាជាកាលានុវត្តភាពពិតៗ និងជាការអភិវឌ្ឍចំគោលដៅ ដើម្បីជាសម្បត្តិជាតិកម្ពុជាផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content