សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី CNN បានរាយការណ៍ថា ភាគហ៊ុនរបស់ក្រុមហ៊ុនអចលនទ្រព្យធំទីពីររបស់ចិន Evergrande ធ្លាក់ចុះជាង ៨០ ភាគរយហើយនាពេលថ្មីៗនេះ។
កាលពីថ្ងៃអាទិត្យកន្លងទៅនេះ ក្រុមហ៊ុនបានបង្ហើបពីការខាតបង់ចំនួន ៣៣ ពាន់លានយ័ន ឬ ប្រមាណ ៤,៥ ពាន់លានដុល្លារ សម្រាប់រយៈពេល ៦ ខែដំបូងនៃឆ្នាំនេះ ខណៈដែល Country Garden ដែលជាក្រុមហ៊ុនអភិវឌ្ឍន៍អចលនទ្រព្យដ៏ធំបំផុតទីមួយរបស់ចិនបានខាតបង់រហូតដល់ទៅ ៧,៦ ពាន់លានដុល្លារអាមេរិក។ មិនត្រឹមតែប៉ុណ្ណោះ នៅឆ្នាំ២០២១ ក្រុមហ៊ុន Evergrande បានខាតបង់ ៤៧៦ ពាន់លានយ័ន (៦៦,៣៦ ពាន់លានដុល្លារ) និងឆ្នាំ២០២២ ខ្លួនបានខាតបង់ចំនួន ១០៥,៩ ពាន់លានយ័ន (១៤,៧៦ ពាន់លានដុល្លារ) ។
លើសពីនេះ Evergrande បានលើកឡើងថា ក្រុមប្រឹក្សាភិបាលរបស់ក្រុមហ៊ុនកំពុងចាត់វិធានការជាច្រើន ដើម្បីពង្រឹងស្ថានភាពហិរញ្ញវត្ថុ។ Evergrande បានបន្ថែមថា ប្រាក់ចំណូលរបស់ខ្លួនសម្រាប់រយៈពេល ៦ ខែដំបូងនៃឆ្នាំនេះបានកើនឡើង ៤៤ ភាគរយ ឬ ១២៨,២ ពាន់លានយ័ន (១៧,៥ ពាន់លានដុល្លារ) បើធៀបនឹងឆ្នាំមុន។ ទោះជាយ៉ាងណាក្តី ស្តុកសាច់ប្រាក់របស់ក្រុមហ៊ុននេះធ្លាក់ចុះ ៦,៣ ភាគរយ ខណៈដែលភាគហ៊ុន Evergrande ត្រូវបានផ្អាកពីទីផ្សារជួញដូរភាគហ៊ុនតាំងពីខែមីនាឆ្នាំមុននោះម្ល៉េះ។
គួរឲ្យបញ្ជាក់ផងដែរថា ក្រុមហ៊ុនអចលនទ្រព្យ Evergrande ដែលធ្លាប់ជាក្រុមហ៊ុនអភិវឌ្ឍន៍លក់ដាច់បំផុតទីពីររបស់ចិន បានជំពាក់បំណុលច្រើនជាង ៣០០ ពាន់លានដុល្លារ ខណៈដែលក្រុមហ៊ុននេះខំប្រឹងពង្រីកខ្លួនយ៉ាងខ្លាំងក្លាដើម្បីក្លាយជាក្រុមហ៊ុនដ៏ធំបំផុតរបស់ប្រទេស។ កាលពីឆ្នាំ២០២១ ក្រុមហ៊ុនបានខកខានក្នុងការបង់ការប្រាក់លើប្រាក់កម្ចីអន្តរជាតិប្រហែល ១,២ ពាន់លានដុល្លារ។ ឥឡូវនេះ Evergrande កំពុងក្លាយជាចំណុចកណ្តាលនៃវិបត្តិទីផ្សារអចលនទ្រព្យ ដែលគំរាមកំហែងដល់សេដ្ឋកិច្ចប្រទេសធំទីពីររបស់ពិភពលោក។
កាលពីដើមខែកន្លងទៅនេះ ក្រុមហ៊ុន Evergrande Group បានដាក់ឯកសារសុំកិច្ចការពារការក្ស័យធននៅក្រោមជំពូកទី១៥ នៅតុលាការទីក្រុងញូវយ៉ក ដើម្បីការពារទ្រព្យសម្បត្តិរបស់ខ្លួននៅអាមេរិក រួមជាមួយក្រុមហ៊ុនបរទេសដែលជាដៃគូរ ខណៈដែលក្រុមហ៊ុននេះធ្វើកិច្ចព្រមព្រៀងតម្លៃរាប់ពាន់លានដុល្លារជាមួយម្ចាស់បំណុល បន្ទាប់ពីខកខានក្នុងការសងបំណុល។ ស្របពេលនេះដែរ បញ្ហាហិរញ្ញវត្ថុរបស់ Evergrande កំពុងរង្គោះរង្គើរក្នុងឧស្សាហកម្មអចលនទ្រព្យចិន ដោយមានអ្នកអភិវឌ្ឍន៍ជាបន្តបន្ទាប់ទៀតកំពុងជំពាក់បំណុលបរទេសដូចគ្នា និងបានចាកចេញពីគម្រោងសាងសង់មិនទាន់រួចរាល់៕
Account
Security
Favourite Content