សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អស់រយៈពេល៤៦ឆ្នាំមកហើយ ពោលគឺតាំងតែពីឆ្នាំ១៩៧៨ ទីបំផុតប្រទេសចិនបានឈានទៅដល់ការសម្រេចបាននូវភាពជោគជ័យក្នុងការកសាងនូវខ្សែក្រវ៉ាត់បៃតង (Green Belt) មួយដែលព័ទ្ធជុំវិញវាលខ្សាច់ដ៏ធំបំផុតនៅក្នុងប្រទេសជាមួយនឹងដើមឈើច្រើនប្រភេទយ៉ាងខៀវស្រងាត់ឡើងមកវិញ។
ផែនការនេះជាផ្នែកមួយនៃកិច្ចខិតខំរបស់រដ្ឋាភិបាលចិនក្នុងការកាត់បន្ថយការរីករាលដាលនៃតំបន់ទីរហោស្ថានដោយវាលខ្សាច់ និងធ្វើយ៉ាងណាគ្រប់គ្រងឲ្យបាននូវព្យុះខ្សាច់ដែលតែងតែកើតឡើងជារឿយៗ និងបានវាយប្រហារទៅលើតំបន់ជាច្រើនរបស់ចិនជារៀងរាល់ឆ្នាំ។
ខ្សែក្រវ៉ាត់បៃតងដែលមានប្រវែងប្រមាណ៣០០០គីឡូម៉ែត្រនេះមានទីតាំងព័ទ្ធជុំវិញវាលខ្សាច់ Taklamakanនៅខេត្ត Xinjiang ដែលជាវាលខ្សាច់ធំជាងគេបំផុតរបស់ប្រទេសចិន។ គម្រោងរៀបចំខ្សែក្រវ៉ាត់បៃតងនេះត្រូវបានប្រកាសបញ្ចប់ជាផ្លូវការកាលពីព្រហស្បតិ៍សប្តាហ៍មុនក្រោយពេលដែលក្រុមការងារបានធ្វើការដាំដុះដើមឈើក្នុងចំងាយ១០០ម៉ែត្រចុងក្រោយនៃគម្រោងទាំងមូលរួចរាល់។
គួររំលឹកដែរថា ផែនការរៀបចំដាំដើមឈើឡើងវិញដើម្បីព័ទ្ធជុំវិញវាលខ្សាច់ដ៏ធំនេះបានចាប់ផ្តើមឡើងតាំងតែពីឆ្នាំ១៩៧៨ ដែលគ្រានោះត្រូវបានគេដាក់ឈ្មោះថាជាគម្រោង Three-North Shelterbelt ឬហៅមួយទៀតថា Great Green Wall ដោយរដ្ឋបានកំណត់ថានឹងត្រូវដាំដុះដើមឈើឡើងវិញឲ្យបានរហូតទៅដល់៣០លានហិកតានៅក្នុងទីតាំងគម្រោង។
ផែនការនេះបានជួយឲ្យប្រទេសចិនសម្រេចបានតំបន់គ្របដណ្តប់ដោយព្រៃឈើឡើងមកវិញសរុប២៥ភាគរយនៅទូទាំងប្រទេស ខណៈដែលកាលពីឆ្នាំ១៩៤៩ ចិនមានព្រៃឈើគ្របដណ្តប់ផ្ទៃដីទូទាំងប្រទេសត្រឹមតែ១០ភាគរយប៉ុណ្ណោះ។ យ៉ាងណាក៏ដោយ ទោះបីជាបានទទួលរងនូវការរិះគន់ជាច្រើនកន្លងមកថាដើមឈើ និងពូជដំណាំដែលដាំដុះទាំងនោះមានអត្រារស់នៅមិនបានយូរ និងមិនមានប្រសិទ្ធភាពក្នុងការពារប្រទេសចិនចេញពីព្យុះខ្សាច់ក្តី ប៉ុន្តែអ្នកជំនាញនៅក្នុងគម្រោងនេះបានលើកឡើងថា ជំហ៊ានបន្ទាប់របស់ចិនគឺការដាំបន្លែ និងផ្លែឈើបន្ថែមនៅតាមគែមនៃក្រវ៉ាត់បៃតងដែលវានឹងអាចធានាបានដល់វត្តជីវិតរបស់ដំណាំ និងដើមឈើនានានៅក្នុងតំបន់កាន់តែយូរអង្វែង។
យោងតាមការតួលេខដែលត្រូវបានបញ្ចេញដោយការិយាល័យកិច្ចការងារព្រៃឈើរបស់ប្រទេសចិនបានបង្ហាញថា តួលេខនៃផ្ទៃដីដែលគ្របដណ្តប់ដោយវាលខ្សាច់នៅតែមានទំហំធំនៅឡើយ ពោលគឺប្រមាណជា ២៦,៨ភាគរយនៃផ្ទៃដីសរុបដោយបានថយចុះបន្តិចប៉ុណ្ណោះ៕
Account
Security
Favourite Content