សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ លំហអាកាសដ៏ធំល្វឹងល្វើយតែមិនអាចឲ្យមនុស្សរស់នៅបាន ឬសូម្បីតែខ្យល់អុកស៊ីសែនសម្រាប់ដកដង្ហើមក៏គ្មាន។ ប៉ុន្តែចាប់តាំងតែពីពេលដែលភពផែនដីបានចាប់ផ្តើមសិក្សា និងស្គាល់អំពីទីលំហអាកាសហើយនោះ មកដល់ពេលបច្ចុប្បន្ននេះវាបានក្លាយទៅជាទីតាំងដ៏ចំាំបាច់សម្រាប់ពិភពលោកក្នុងការអភិវឌ្ឍខ្លួនទៅមុខ ក៏ដូចជាអត្ថប្រយោជន៍ជាច្រើនស្ទើររាប់មិនអស់។
គិតត្រឹមតែ Space Economy ប៉ុណ្ណោះ កាលពីឆ្នាំ២០២៣ វាមានទំហំនៃតម្លៃដល់ ៦៣០ពាន់លានដុល្លារ ហើយព្យាករណ៍ថានឹងកើនឡើងដល់ ១,៨ទ្រីលានដុល្លារនៅឆ្នាំ២០៣៥ ឬស្ថិតនៅក្នុងអត្រាកើនឡើងប្រចាំឆ្នាំប្រមាណទៅដល់៩ភាគរយ ខណៈដែលសេដ្ឋកិច្ចពិភពលោកមានទំហំប្រហែលជាង ៨៨ទ្រីលានដុល្លារកាលពីឆ្នាំ២០២០។
យោងតាមការលើកឡើងរបស់អ្នកជំនាញមួយរូប និងជាតារាវិទូដ៏ល្បីគឺលោកស្រី Simonetta Di Pippo បានពន្យល់ថា ដំណើរឈានទៅមុខនៃការស្រាវជ្រាវលំហទីអវកាសត្រូវបានបែងចែកទៅជា៣ដំណាក់កាល ដោយក្នុងនោះដំណាក់កាលដំបូងនៅពេលដែលការប្រកួតប្រជែងនៅទីអវកាសដោយមហាអំណាចអាមេរិក និងសហភាពសូវៀត និងដំណាក់កាលទី២ គឺជាពេលវេលាដែលភពផែនដីបានចាប់ផ្តើមពង្រីកវិស័យទំនាក់ទំនងទៅកាន់តំបន់ទាំងអស់នៅជុំវិញពិភពលោកតាមរយៈធម្មជាតិនៃទីលំហអាកាស។ ពេលវេលានោះហើយសេដ្ឋកិច្ចនៃទីអវកាស ឬ Space Economy ចាប់ផ្តើមពង្រីកខ្លួនកាន់តែធំឡើង។
ចុងក្រោយ គឺដំណាក់កាលទី៣ ដែលយើងកំពុងរស់នៅគឺជាពេលវេលាដែលការពង្រីកវិសាលភាពនៃការធ្វើដំណើររបស់មនុស្សលោក ដោយឆាប់ៗនេះយើងនឹងអាចមើលឃើញនូវសកម្មភាពនៃការធ្វើដំណើរកាន់តែញឹកញាប់ឡើងរវាងតំបន់ និងតំបន់នៅលើភពផែន ក៏ដូចជាការធ្វើដំណើរពីភពផែនដីទៅកាន់លំហអាកាស ឬពីភពផែនដីទៅភពផ្សេងជាដើម។
លោកស្រីបានបញ្ជាក់ និងពន្យល់ថា ក្រៅតែពីបានផ្តល់សេដ្ឋកិច្ដធំសម្បើមសម្រាប់មនុស្ស ជាពិសេសវិស័យធ្វើដំណើរ និងបច្ចេកវិទ្យាទំនាក់ទំនងនោះ ទីលំហអាកាសនេះក៏បានផ្តល់នូវការជួយសង្គ្រោះដល់មនុស្សរាប់សិបលាននាក់ផងដែរអំពីបញ្ហាគ្រោះធម្មជាតិ។
តាមរយៈបច្ចេកវិទ្យាឃ្លាំមើលពីទីលំហអាកាសដោយបច្ចេកវិទ្យាផ្កាយរណបគេអាចមើលឃើញជាមុនអំពីគ្រោះធម្មជាតិ ដូចជា ទឹកជំនន់ ខ្យល់ព្យុះ ជាដើម ដើម្បីសម្រេចចិត្តផ្លាស់ប្តូរទីលំនៅរបស់មនុស្សពីតំបន់មួយទៅតំបន់ផ្សេង។ លំហអាកាសមិនត្រឹមតែប៉ុណ្ណោះក៏នឹងអាចជួយឲ្យវិស័យនៃការធ្វើកសិកម្មកាន់តែមានភាពរីកចម្រើនផ្តល់ការសិក្សាផ្នែកវិទ្យាសាស្ត្រដូចជា STEM ជាដើមកាន់តែមានភាពទូលំទូលាយ។ ដូច្នេះ អ្វីដែលអ្នកអាចស្រម៉ៃឃើញអំពីដំណោះស្រាយនានាសម្រាប់មនុស្សជាតិនោះ គឺគេមិនអាចរំលងបានទេនូវការផ្សារភ្ជាប់វាជាមួយនឹងការប្រើប្រាស់ទីលំហអាកាស។
Space ឬទីលំហអាកាស គឺជាអំណោយដែលមិនអាចកាត់ថ្លៃបានពីធម្មជាតិដែលស្ថិតនៅក្រៅភពផែនដី ពីព្រោះថាបណ្តាមេដឹកនាំប្រទេសទាំងឡាយអាចធ្វើការផ្សេងពីគ្នានៅលើភពផែនដីទៅតាមជំនឿ នយោបាយ និងការគិតផ្សេងគ្នា ប៉ុន្តែនៅទីលំហអាកាសវិញ នៅពេលបច្ចុប្បន្ននេះ មហាអំណាចទាំងអស់ដែលអាចធ្វើដំណើរទៅដល់ទីអវកាសគឺកំពុងបន្តធ្វើការរួមគ្នាយ៉ាងជិតស្និទ្ធបំផុតដើម្បីទាញយកប្រយោជន៍ដ៏ធំធេងនេះពីទីអវកាសមកឲ្យពិភពលោកនៅលើភពផែនដីយើងវិញ៕
Account
Security
Favourite Content