សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រៅពីបញ្ហាសង្គ្រាមឈ្លានពានទឹកដី សង្គមបច្ចុប្បន្នកំពុងទទួលរងការគំរាមកំហែងពីសង្គ្រាមឌីជីថល គឺបញ្ញាសិប្បនិម្មិត ឬ Artificial Intelligent ។ ការចូលមកដល់នៃ AI នេះបានធ្វើឱ្យមនុស្សជាច្រើនមានការខ្លាចរអាចំពោះភាពកាន់តែប្រកួតប្រជែងនៃទីផ្សារការងារ។
AI នេះអាចធ្វើការងារជំនួសមនុស្សបាន និងលឿនជាងមុនទៀតផង ជាក់ស្ដែងការងារ Graphic Design ដែលមនុស្សចំណាយពេលធ្វើជាច្រើនម៉ោង ត្រូវបាន AI ធ្វើត្រឹមតែក្នុងរយៈពេលមិនដល់ ១០នាទីផង។
រូបភាពដែលស្ទើតែមិនអាចទៅរួច ក៏ AI អាចធ្វើបាន ដូច្នេះហើយដើម្បីអាចឈរជើងនៅលើទី ផ្សារការងារបាន មនុស្សត្រូវតែខិតខំពង្រឹងសមត្ថភាពខ្លួនឱ្យកាន់តែខ្លាំងថែមទៀត ជាពិសេស ធ្វើអ្វីដែល AI មិនអាចធ្វើបាន។
សម្រាប់អាជីវកម្មវិញ ក៏មានការព្រួយបារម្ភផងដែរ ដោយការលេចឡើងគ្រប់ទម្រង់នៃបច្ចេកវិទ្យា ថ្មីនេះ អាចនឹងក្លាយជាដៃគូប្រកួតប្រជែងដ៏សំខាន់សម្រាប់ពួកគេ។
យ៉ាងណាមិញ អ្នកជំនាញមិនបានយល់ឃើញថាមនុស្សគួរតែខ្លាច AI នោះទេ ផ្ទុយទៅវិញមនុស្សគួរ រៀនសម្របខ្លួន និងចាប់យក AI ដោយកែប្រែវាឱ្យទៅជាឱកាសវិញ។ ការអះអាងបែបនេះរបស់អ្នកជំនាញធ្វើឡើងនាសិក្ខាសាលាស្ដីពី គន្លិះក្លាយជាម្ចាស់អាជីវកម្មដែលមានប្រសិទ្ធភាពកាលពីថ្ងៃទី ៩ ខែសីហាកន្លងទៅថ្មីៗនេះ។
លោក ជា កុកម៉េង ស្ថាបនិកក្រុមហ៊ុន DURUN TIRE Cambodia មានប្រសាសន៍នៅក្នុងសិក្ខាសាលា ខាងលើថា៖
“សម្រាប់ខ្ញុំគឺត្រូវដើរតាមទំនោរសង្គម ហើយត្រូវជាមនុស្សម្នាក់ដែលផ្លាស់ប្ដូរការលក់ត្រូវប្រើប្រាស់ការទំនាក់ទំនង អារម្មណ៍ ហើយបច្ចេកវិទ្យាមិនមានចំណុចនេះទេ ដូច្នេះម្ចាស់អាជីវកម្មគួរយកបច្ចេកវិទ្យាមកប្រើប្រាស់ក្នុងការជួយអាជីវកម្មយើងវិញ”
ក្នុងឱកាសដដែលនេះ លោកស្រី យូ បូរី ដែលជាស្ថាបនិកក្រុមហ៊ុន TEDP ចូលរួមចែករំលែកការយល់ ឃើញដែរថា៖
“ខ្ញុំគិតថាបច្ចេកវិទ្យាថ្មីនេះនឹងមានផលចំណេញច្រើន ជាពិសេសសម្រាប់ម្ចាស់អាជីវកម្មតែម្ដង ពីមុនមកយើងធ្លាប់ប្រើបុគ្គលិកច្រើន តែយើងអាចកាត់បន្ថយបុគ្គលិកដោយប្រើប្រាស់AI ម្លោះហើយមិនមានរឿងអ្វីត្រូខ្លាចនោះទេ”
សម្រាប់លោក សោម សម្បត្តិ អគ្គនាយកក្រុមហ៊ុនថ្នាំពណ៍ជាតិខាំផេន ដែលជាអ្នកមានបទពិសោធន៍លើវិស័យជំនួញក្នុងស្រុកជាច្រើនឆ្នាំបានលើកឡើងថា ៖
“ប្រាជ្ញាសិប្បនិម្មិតមិនអាចជំនួសយើងបានទេ បើវាឈ្នះវាបង្កើតយើងហើយ មិនមែនយើងបង្កើតវាទេ ហើយថ្ងៃមុខគេអាចនឹងបង្កើតអ្វីផ្សេងទៀតផង ដូច្នេះអ្វីដែលសំខាន់នាពេលនេះគឺពង្រឹងសមត្ថិភាពខ្លួនឯងឱ្យល្អ ហើយយើងមិនអាចប្រកួតប្រជែងលើសង្គមទាំងមូលទេ ដូច្នេះផ្ដោតលើតែខ្លួនឯងទៅបានហើយ”។
ជារួម អ្នកជំនាញបានលើកទឹកចិត្តដល់សាធារណៈជនទូទៅ ក៏ដូចជាម្ចាស់អាជីវកម្មក្នុងការពង្រឹង សមត្ថភាពរបស់ខ្លួនជាប្រចាំ និងដើរឱ្យតាន់ស្ថានការណ៍សង្គម ដែលនិយាយជារួមគឺត្រូវចេះនូវអ្វីដែលសង្គមកំពុងពេញនិយម៕
Account
Security
Favourite Content