សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យន្តហោះគ្រឿងទី១របស់ Air Asia Cambodia ដែលបានរចនារូបប្រាសាទអង្គរវត្ត និងអក្សរ Cambodia យ៉ាងស្រស់ស្អាត បានមកដល់អាកាសយានដ្ឋានអន្តរជាតិភ្នំពេញហើយកាលពីថ្ងៃទី២០ ខែមេសា ឆ្នាំ២០២៤ និងត្រៀមហោះហើរសាកល្បង នៅថ្ងៃទី៣០ ខែមេសា ដើម្បីទទួលបានវិញ្ញាបនបត្រ ប្រតិបត្ដិករហោះហើរជាផ្លូវការ ។ ចំណែកឯ ការហោះហើរក្នុងស្រុកជាផ្លូវការ នឹងរៀបចំដំណើរការនៅថ្ងៃទី០២ ខែឧសភា ឆ្នាំ២០២៤ នាដើមខែក្រោយ។ នេះបើតាមការផ្សព្វផ្សាយរបស់ក្រសួងទេសចរណ៍។
សូមបញ្ជាក់ថា កាលវិភាគរបស់ក្រុមហ៊ុនអាកាសចរណ៍ អ៊ែរ អេស៊ា កម្ពុជា នឹងធ្វើការហោះហើរទៅ-មករវាងភ្នំពេញ-សៀមរាប ចំនួន ៤ជើង ក្នុងមួយថ្ងៃ និងទិសដៅទៅ-មករវាងខេត្តព្រះសីហនុ-សៀមរាប ចំនួន ៤ជើងក្នុងមួយថ្ងៃផងដែរ ចំណែកឯការហោះហើរក្រៅប្រទេសនឹងចាប់ផ្តើមនាពេលខាងមុខ។
បើយោងតាមប្រភពអាកាសយានដ្ឋានអន្តរជាតិភ្នំពេញបានឱ្យដឹងថា៖ យន្តហោះថ្មីនេះបានត្រូវប្រសិទ្ធិនាមថា «នាគក្រហម មកពី AirAsia Cambodia »។ យន្តហោះនេះជាសមាជិកថ្មីនៃគ្រួសារ Air Asia Aviation Group ។ ឈ្មោះ និងរូបរាងដ៏ស្រស់ស្អាត និងភាពទាក់ទាញរបស់វា ត្រូវបានដកស្រង់គំនិត និងអត្ថន័យពីស្ដេចនាគដ៏ស័ក្ដិសិទ្ធ ដែលតំណាងឱ្យអំណាច ការការពារ និងភាពសម្បូររុងរឿង ។ រីឯពណ៌ដ៏ស្រស់ឆើតឆាយ ក្រហម ខៀវ និង ស ដែលតែងលំអលើយន្តហោះ បានធ្វើឱ្យរូបប្រាសាទអង្គរវត្តដ៏អស្ចារ្យ លេចធ្លោឡើងយ៉ាងស្រស់ស្អាត ដោយរូបទាំងនេះត្រូវបានដកស្រង់គំនិត និងអត្ថន័យពីទង់ជាតិនៃព្រះរាជាណាចក្រកម្ពុជា។
លោក ស៊ិន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋានអាកាសចរស៊ីវិល បានឱ្យដឹងថា ៖គិតពីចុងខែតុលាឆ្នាំ២០២៣ ដល់ខែមីនាឆ្នាំ២០២៤ ចំនួនជើងហើរហោះនៅកម្ពុជានឹងកើនឡើងដល់ ៤០ជើងក្នុងមួយថ្ងៃ ខណៈក្រុមហ៊ុនអាកាសចរណ៍នឹងកើនឡើងជាង១០ក្រុមហ៊ុន។
ដោយឡែក នៅអាកាសយានដ្ឋានអន្តរជាតិសៀមរាប-អង្គរ ក្នុងត្រីមាសទី១ ដើមឆ្នាំ២០២៤កន្លងទៅនេះ កំណើននៃជើងហោះហើរ មានការកើនឡើងគួរឱ្យកត់សម្គាល់ដោយក្នុងនោះទទួលបានជើងហោះហើរត្រង់មកពី៨ប្រទេស ដែលជំរុញឱ្យកំណើននៃជើងហោះហើរទាំងទៅ ទាំងមក ជាមធ្យម មានចំនួន ៥០ជើង ស្មើនឹងប្រមាណ ៥០០០នាក់ក្នុងមួយថ្ងៃ កើនឡើងប្រមាណ៥ភាគរយធៀបទៅនឹងរយៈពេលដូចគ្នាកាលពីឆ្នាំ២០២៣។ នេះបើតាមលោក ពេជ្រ សុប៉ុនតារា អ្នកទទួលបន្ទុកអភិវឌ្ឍន៍ការហោះហើរនៃអាកាសយានដ្ឋានអន្តរជាតិសៀមរាប-អង្គរ៕
Account
Security
Favourite Content