សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មនុស្សគ្រប់គ្នានឹងគិតថា វាគឺជារឿងដ៏កម្រក្នុងករណីដែលយន្តហោះត្រូវសម្រេចចិត្តធ្វើការចុះចតជាបន្ទាន់ដោយសារបញ្ហាម៉ាស៊ីន ឬឆេះនៅផ្នែកណាមួយនៃតួយន្តហោះ ប៉ុន្តែតើអ្នកដឹងទេថា ហេតុអ្វីមុនពេលដែលវាចុះចតបន្ទាន់យន្តហោះទាំងនោះនឹងបង្កើតទៅជាផ្សែងខ្លាំងនៅលើអាកាស ?
តាមរយៈអត្ថបទចំណេះដឹងមួយនេះ នឹងរៀបរាប់ខ្លះៗអំពីដំណោះស្រាយសម្រាប់ពីឡុតដែលជាអ្នកបើកបរយន្តហោះក្នុងគ្រាដែលពួកគេជួបប្រទះនឹងបញ្ហាខាងលើនេះ ហើយផ្សែងដែលយើងនឹងឃើញនោះគឺជាការសាំងយន្តហោះដែលពីឡុតបានចុះប៊ូតុងដើម្បីបង្ហូរវាចោលទៅក្នុងអាកាស។
IFPLS ឬ International Flight Planning Solutions ជាក្រុមហ៊ុនផ្តល់សេវាកម្មរៀបចំផែនការហោះហើរដ៏ធំមួយរបស់ពិភពលោកបានធ្វើការពន្យល់ថា តាមពិតទៅ មូលហេតុដែលងាយស្រួលយល់ថាហេតុអ្វីបានជាត្រូវបង្ហូរសាំងចោលពីតួយន្តហោះនោះគឺវានឹងអាចធ្វើឲ្យយន្តហោះមានទំងន់ស្រាលជាងមុន, ងាយស្រួលបញ្ជានៅពេលដែលត្រូវចុះចតជាបន្ទាន់។
ក្នុងករណីដែលទំងន់យន្តហោះធ្ងន់ពេកស្របពេលដែលមានបញ្ហាម៉ាស៊ីនផងនោះ វានឹងអាចធ្វើឲ្យយន្តហោះប្រឈមមុខទៅនឹងការដាច់ប្រព័ន្ធបញ្ជាចុះចតដែលវានឹងបង្កទៅជាគ្រោះថ្នាក់មួយសម្រាប់អាយុជីវិតអ្នកដំណើរ។
ក្នុងករណីមួយផ្សេងទៀត ប្រសិនបើពីឡុតគិតថាសាំងយន្តហោះអាចបង្កគ្រោះថ្នាក់ដល់មនុស្សនៅនឹងដី ឬប៉ះពាល់ដល់មជ្ឈដ្ឋាននោះ ពួកគេអាចនឹងសម្រេចចិត្តក្នុងការហោះហើរសំកាំងនៅលើតំបន់ដែលត្រូវចុះចតបន្ទាន់បន្ថែមទៀតដើម្បីឲ្យឆាប់អស់សាំង និងរក្សាទុកយកតែបរិមាណល្មមប៉ុណ្ណោះសម្រាប់ការចុះចត។
IFPLS ក៏បានពន្យល់ផងដែរអំពីផលប៉ះពាល់ដែលបង្កឡើងដោយសារការបង្ហូរសាំងយន្តហោះចោលនៅលើអាកាស។ IFPLS ជឿជាក់ថា ការបង្ហូរសាំងយន្តហោះតែងតែធ្វើឡើងនៅក្នុងកំពស់ខ្ពស់ ដូច្នេះនៅមុនពេលដែលវាបានធ្លាក់ដល់ដី សាំងទាំងនោះគឺបានហួត និងរលាយទៅតាមខ្យល់អស់បាត់ទៅហើយដោយមិនបង្កបញ្ហាគ្រោះថ្នាក់ណាមួយដល់អ្នកនៅពីខាងក្រោមឡើយ។
គួរឲ្យដឹងដែរថា ជាទូទៅសាំងយន្តហោះនឹងត្រូវបង្ហូរចេញពីស្លាបរបស់យន្តហោះទាំងពីរ ពីព្រោះថាស៊ីទែនសាំងរបស់យន្តហោះត្រូវបានស្តុកទុកនៅត្រង់ចំណុចនេះនៅស្ទើរគ្រប់ប្រភេទយន្តហោះទាំងអស់៕
Account
Security
Favourite Content