សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Aviation A2Z បានរាយការណ៍ថា យន្តហោះល្បឿនលឿនជាងសម្លេងដ៏ល្បីឈ្មោះ Concorde នឹងវិលត្រឡប់មកហោះហើរវិញសារជាថ្មីនៅឆ្នាំ២០២៦ បន្ទាប់ពីហោះហើរជាលើកដំបូងកាលពី ៥០ឆ្នាំមុន។
ក្រោមការផ្លាស់ប្តូរគោលនយោបាយអាកាសចរណ៍ ក្រុមហ៊ុន Fly-Concorde Limited មានគោលបំណងដឹកអ្នកដំណើរពីសហរដ្ឋអាម៉េរិកឲ្យបានលឿនជាងមុន ខណៈដែលកាលពីថ្ងៃទី ៦ ខែមិថុនា កន្លងទៅនេះ នៅឯអាកាសយានដ្ឋានអន្តរជាតិ Washington Dulles (IAD) ប្រធានាធិបតីអាម៉េរិក Donald Trump បានចុះហត្ថលេខាលើច្បាប់ “Concorde Bill” ដើម្បីលុបចោលការហាមឃាត់ការហោះហើរល្បឿនលឿនជាងសម្លេង ក្នុងគោលបំណងជំរុញឱ្យមានការច្នៃប្រឌិតនៃការធ្វើដំណើរតាមផ្លូវអាកាសក្នុងល្បឿនលឿននាយុគសម័យថ្មី និងប្រកបដោយនិរន្តរភាព។
សូមបញ្ជាក់ថា បន្ទាប់ពីស្ងប់ស្ងាត់អស់ជាច្រើនទសវត្សរ៍ Concorde នឹងក្លាយជាយន្តហោះដឹកអ្នកដំណើរលឿនជាងសម្លេងឈានមុខគេរបស់ពិភពលោកម្តងទៀត។ Concorde នៅតែមានលក្ខណៈ និងរូបរាងដូចមុនដដែល ប៉ុន្តែអាចមានសម្លេងស្ងាត់ជាងមុន និងស្រាលជាងមុន ៥០% ជាមួយនឹងការបន្ថែមសម្ភារៈទំនើបៗ ប្រើប្រេងឥន្ធនៈអាកាសចរណ៍និរន្តរភាព (SAF) ដែលកាត់បន្ថយការបំភាយឧស្ម័នបាន ៨០%។ លើសពីនេះ Concorde អាចហោះហើរបានខ្ពស់ក្នុងរយៈកម្ពស់ ៦ ម៉ឺនហ្វីត (១៨,២៣ គីឡូម៉ែត្រ)ពីដី ដែលខ្ពស់ជាងយន្តហោះធម្មតា។ មិនត្រឹមតែប៉ុណ្ណោះ ការរចនានៅខាងក្នុងនៃយន្តហោះនេះមានស្តាយបែបជប៉ុន ខណៈដែលលក្ខណៈទាំងអស់ចាប់តាំងពីការរចនាកាប៊ីន ដល់ម៉ាស៊ីនធំ នឹងរួមបញ្ចូលនូវបច្ចេកវិទ្យាអវកាសទំនើបៗ ដែលបានស្រាវជ្រាវ និងអភិវឌ្ឍន៍អស់ជាច្រើនទសវត្សរ៍៕
Account
Security
Favourite Content