សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ Burevestnik គឺជាមីស៊ីលរបស់រុស្ស៊ី ដែលអាចហោះហើរបាននៅក្នុងរយៈកំពស់ទាបក៏ពិតមែន ប៉ុន្តែក្រោយពេលធ្វើការអភិវឌ្ឍ និងសាកល្បងនាពេលចុងក្រោយនេះ វាមិនត្រឹមតែអាចបំពាក់ក្បាលគ្រាប់នុយក្លេអ៊ែរបាននោះទេ វាថែមទាំងអាចធ្វើការវាយប្រហារគោលដៅក្នុងរយៈចំងាយដល់ទៅជាង១៤០០០គីឡូម៉ែត្រទៀតផង។
នៅក្នុងរបាយការណ៍មួយដែលចេញផ្សាយដោយទូរទស្សន៍ BBC បានឲ្យដឹងថា ប្រទេសរុស្ស៊ី កាលពីពេលថ្មីៗនេះបានសាកល្បងដោយជោគជ័យនូវការបាញ់មីស៊ីលរបស់ខ្លួន ដើរដោយថាមពលនុយក្លេអ៊ែរ និងមានឈ្មោះថា Burevestnik ។
មេបញ្ជាការកំពូលរបស់ប្រទេសរុស្ស៊ីបានរាយការណ៍ជូនលោកប្រធានាធីបតី Vladimir Putin ថា ៖ កងកម្លាំងរុស្ស៊ីបានបាញ់សាកល្បងមីស៊ីលថ្មីនេះក្នុងរយៈចំងាយប្រមាណជា១៤០០០គីឡូម៉ែត្រដោយប្រើប្រាស់ពេលវេលាត្រឹមតែប៉ុន្មានម៉ោងប៉ុណ្ណោះ។ បន្ថែមពីនេះ Burevestnik គឺអាចមានសមត្ថភាពវាយប្រហារបានចំងាយឆ្ងាយជាងនេះទៅទៀតជាមួយនឹងប្រសិទ្ធភាពខ្ពស់បំផុត។
របាយការណ៍ដដែលបានសរសេរទៀតថា មិនត្រឹមតែអាចវាយប្រហារបានឆ្ងាយនោះទេ Burevestnik ថែមទាំងមានសមត្ថភាពបំផ្លាញប្រព័ន្ធរ៉ាដាការពាររបស់សត្រូវពីចំងាយបានផងដែរ។ យ៉ាងណាក្តីកន្លងមកក្រុមអ្នកជំនាញរបស់លោកខាងលិចមិនសូវយកចិត្តទុកដាក់ ឬជឿជាក់ទៅលើសមត្ថភាពរបស់ Burevestnik នោះឡើយបើទោះជារុស្ស៊ីបានបង្ហាញពីតឹកតាងខាងលើនេះក៏ដោយ។
គួររំលឹកដែរថា កាលពីពេលកន្លងទៅនេះ រុស្ស៊ី បានព្យាយាមសាកល្បងនូវបច្ចេកវិទ្យានៃសព្វាវុធដ៏ទំនើបរបស់ខ្លួនជាច្រើនរួចមកហើយដែលមិនតិចជាង១៣លើកនោះទេ ប៉ុន្តែជាលទ្ធផលគឺទទួលបានភាពវិជ្ជមានត្រឹមតែ២ដងប៉ុណ្ណោះ ពោលគឺតាំងតែពីអំឡុងឆ្នាំ២០១៦មកម្ល៉េះ ហើយទើបតែកាលពីថ្ងៃទី២១ ខែតុលា ឆ្នាំ២០២៥ ថ្មីៗនេះ ជាការកត់សម្គាល់ រុស្ស៊ី បានទទួលផ្លែផ្លាជាថ្មីម្ដងទៀតជាមួយការបាញ់សាកល្បងមីស៊ី Burevestnik ដើរដោយថាមពលនុយក្លេអ៊ែរ ក្នុងរយៈចំងាយឆ្ងាយជាង១៤០០គីឡូម៉ែត្រ ខណៈដែលថ្នាក់ដឹកនាំយោធាកំពូលរុស្ស៊ីម្នាក់បានបង្ហើបថា សមត្ថភាពរបស់ Burevestnik មិនមែនត្រឹមតែ ១៤០០គីឡូម៉ែត្រនោះ ពោលគឺអាចឈានដល់ចំងាយជាង ១០០០០គីឡូម៉ែត្រឯណោះ មានន័យថា អាចបាញ់ទៅដល់ស្ទើរគ្រប់កន្លែងនៃទឹកដីសហរដ្ឋអាម៉េរិក៕
Account
Security
Favourite Content