សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការចូលរួមរបស់សហគ្រិនស្ត្រីនៅក្នុងសេដ្ឋកិច្ចឌីជីថលគឺមានសារៈសំខាន់ណាស់ ពីព្រោះការរកប្រាក់ចំណូលត្រូវបានទទួលនូវការគោរព ហើយលុយគឺជាអំណាចសម្រាប់ស្ត្រី។ នេះជាការលើកឡើងរបស់ស្ត្រីម្នាក់ដែលជាអ្នកជំនាញអាជីវកម្ម និងជាស្ថាបនិកក្រុមហ៊ុន Khmum eshop ។
ជាមួយនឹងមហិច្ឆតាក្នុងការលើកកម្ពស់សហគ្រិនស្ត្រី និងបង្កើនឱកាសនាំយកផលិផលក្នុងស្រុកទៅបង្ហាញខ្លួននៅលើទីផ្សារអន្តរជាតិ ក៏ដូចជាក្នុងតំបន់ផងនោះ លោកជំទាវ ជា រដ្ឋា ដែលជាស្ថាបនិកក្រុមហ៊ុន Khmum eshop និងជាសមាជិកសភាពាណិជ្ជកម្មកម្ពុជាផងដែរនោះ បានផ្តួចផ្តើមនូវគំនិតបង្កើតវគ្គបណ្ដុះបណ្ដាលដែលផ្ដោតសំខាន់ទៅលើការផ្ដល់ឱកាសទៅឲ្យស្ត្រីបានយល់ពីការរកប្រាក់ចំណូលដោយខ្លួនឯង។
លោកជំទាវ ជា រដ្ឋា បានមានប្រសាសន៍ថា ៖
«ការចូលរួមរបស់សហគ្រិនស្ត្រីនៅក្នុងសេដ្ឋកិច្ចឌីជីថល គឺមានសារៈសំខាន់ណាស់ ពីព្រោះការរកប្រាក់ចំណូលត្រូវបានទទួលនូវការគោរព ហើយលុយគឺជាអំណាចសម្រាប់ស្ត្រី»
ក្នុងន័យនេះ លោកជំទាវចង់ឲ្យស្ត្រីមានសមភាពយេនឌឺស្មើទៅនឹងបុរស ហើយចង់ឲ្យស្ត្រីស្ថិតនៅក្នុងចំណោមការងារដែលមនុស្សភាគច្រើនគិតថាមានតែបុរសទើបធ្វើបាន។
លោកជំទាវបានបន្ថែមទៀតថា ស្ត្រីបើកអាជីវកម្មប្រមាណ ៦៥% នៅកម្ពុជា ហើយក្នុងចំណោមអាជីវកម្មទាំងនោះ មានប្រមាណ ៩៦% ជាអាជីវកម្មទំហំតូច ហើយចូលរួមក្នុងសេដ្ឋកិច្ចក្រៅប្រព័ន្ធ។ មិនត្រឹមតែប៉ុណ្ណោះ ស្ត្រីទាំងនោះប្រឈមទៅនឹងឧបសគ្គជាច្រើន ដូចជា កង្វះការអប់រំ អក្ខរកម្មឌីជីថល បច្ចេកវិទ្យា លទ្ធភាពទទួលបានហិរញ្ញវត្ថុ បញ្ហាប្រឈមផ្នែកច្បាប់ និងបទប្បញ្ញត្តិជាដើម។
ឆ្លើយតបនឹងបញ្ហានេះ តាមរយៈ Khmum eshop ក៏កំពុងបង្កើតកម្មវិធីពាណិជ្ជកម្មតាមប្រព័ន្ធអេឡិចត្រូនិកដែលមានអ្នកលក់ជាច្រើន សម្រាប់ផ្តល់លទ្ធភាពឱ្យក្រុមហ៊ុន MSMEs នៅកម្ពុជាអាចលក់ទំនិញក្នុងស្រុក និងធ្វើដោយដៃតាមអ៊ីនធឺណេត ជាមួយនឹងបណ្តាញផ្គត់ផ្គង់ និងសេវាកម្មចែកចាយ។ កម្មវិធីនេះអនុញ្ញាតឱ្យក្រុមហ៊ុនប្រភេទ MSMEs បង្កើតប្រវត្តិរបាយការណ៍ហិរញ្ញវត្ថុរបស់ពួកគេដែលអាចត្រូវបានប្រើជាវត្ថុបញ្ចាំ ដើម្បីខ្ចីប្រាក់តាមរយៈផ្ទាំងព័ត៌មានធនាគាររបស់ Khmum ។
ជាមួយគ្នានេះផងដែរ នៅពេលឆាប់ៗខាងមុខនេះ Khmum eshop នឹងរៀបចំសិក្ខាសាលាបណ្តុះបណ្តាលមួយ ដែលមានការគាំទ្រពីអង្គការ UNCDF ក្រោមគម្រោង WERF នឹងផ្តល់ជូននូវទិដ្ឋភាពទូទៅនៃតម្រូវការចាំបាច់ដើម្បីចាប់ផ្តើម ឬផ្លាស់ប្តូរសមត្ថភាពរបស់ហាងបានតាមអ៊ីនធឺរណែត និងដើម្បីកសាងប្រវត្តិហិរញ្ញវត្ថុសម្រាប់ការទទួលបានហិរញ្ញវត្ថុដោយគ្មានវត្ថុបញ្ចាំ។
នៅក្នុងវគ្គបណ្តុះបណ្តាលនឹងផ្ដោយសំខាន់លើទីផ្សារឌីជីថល ការដំណើរការនៅលើអ៊ីនធឺណេត និងរីកចម្រើនជាមួយវេទិកាពាណិជ្ជកម្មអេឡិចត្រូនិច។ នៅក្នុងវគ្គបន្ទាប់ នឹងបង្ហាញពីវិធីរៀបចំរបាយការណ៍ហិរញ្ញវត្ថុជាមួយវេទិកាពាណិជ្ជកម្មតាមប្រព័ន្ធអេឡិចត្រូនិច ដើម្បីអាចទទួលបានហិរញ្ញវត្ថុផងដែរ។ សម្រាប់អ្នកដែលចង់ចូលរួមសិក្ខាសាលា អាចទាក់ទាងបានតាមរយៈគណនីផ្លូវការរបស់ Khmum eshop បាន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន Samsung Electronics យកឈ្នះ Micron Technology ជាលើកដំបូងក្នុងការផ្គត់ផ្គង់ឈីបរថយន្តលំដាប់ទី១ របស់ពិភពលោក
ព្រឹត្តិការណ៍, អាជីវកម្មថ្មី និងនវានុវត្ត
• 01/06/2026
Samsung Electronics មានចំណែក ៤០ ភាគរយនៃទីផ្សារឈីបរថយន្តសរុបរបស់ពិភពលោកកាលពី២០២៥ ដែលកើនឡើងពី ៣៥ ភាគរយនៅក្នុងឆ្នាំ ២០២៤រ ចំណែកទីផ្សាររបស់ក្រុមហ៊ុនអាម៉េរិក Micron ធ្លាក់ចុះពី ៤០ ភាគរយទៅ ៣៥ ភាគរយដែលធ្លាក់មកនៅចំណាត់ថ្នាក់ទីពីរ។
វិបត្តិភូមិសាស្ត្រនយោបាយ រុញច្រានការនាំចេញរថយន្តចិនយ៉ាងគំហុកទៅកាន់នូវែលសេឡង់
ព្រឹត្តិការណ៍, អាជីវកម្មថ្មី និងនវានុវត្ត
• 01/06/2026
ការកើនឡើងយ៉ាងគំហុកដល់ទៅ ៥០ ភាគរយនៃតម្លៃប្រេងសកល ដោយសារជម្លោះដ៏តានតឹងនៅមជ្ឈិមបូព៌ា បានជម្រុញឱ្យមានរលកនៃការនាំចេញរថយន្តពីប្រទេសចិនមកកាន់ប្រទេសនូវែលសេឡង់យ៉ាងច្រើនសន្ធឹកសន្ធាប់ដែលមិនធ្លាប់មានពីមុនមក
សហគ្រិនខ្មែរ និងផ្សារអុីអន បញ្ចប់ពិព័រណ៍ផលិតផលក្នុងស្រុកលើកទី១១
ព្រឹត្តិការណ៍, អត្ថបទពាណិជ្ជកម្ម
• 01/06/2026
សហគ្រិនខ្មែរ ក្នុងកិច្ចសហការជាមួយផ្សារអុីអន (ខេមបូឌា) បានប្រកាសបិទបញ្ចប់ជុំទី១ នៃពិព័រណ៍ផលិតផលក្នុងស្រុកឆ្នាំ២០២៦ បន្ទាប់ពីបានដំណើរការអស់រយៈពេលពីរសប្តាហ៍ ចាប់ពីថ្ងៃទី១៨ ដល់ថ្ងៃទី៣១ ខែឧសភា នៅគ្រប់សាខាទាំងបីនៃផ្សារអុីអន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ADB ប្រកាសទឹកប្រាក់ ៧០ ពាន់លានដុល្លារ ដើម្បីគាំទ្រការតភ្ជាប់បណ្តាញអគ្គិសនី និងឌីជីថលនៅអាស៊ី-ប៉ាស៊ីហ្វិក
កម្ពុជាដាក់ដំណើរការកម្មវិធីថ្មីមួយ ដើម្បីជួយសហគ្រិនខ្មែរឱ្យមានភាពប្រកួតប្រជែងទាំងក្នុងស្រុកនិងអន្តរជាតិ
Account
Security
Favourite Content