សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ធុរកិច្ចបរិយាបន្ន ជាអាជីវកម្មគំរូដែលគិតគូរដល់សង្គមច្រើនជាងអាជីវកម្មសង្គមធម្មតាដោយសង្ឃឹមថា នឹងអាចផ្តល់ការងារជូនពលរដ្ឋក្រីក្រ និងគ្មានលទ្ធភាពទទួលបានការងារដូចគេដូចឯង ដូច្នេះការផ្តល់អជ្ញាបណ្ណ និងការផ្តល់ការទទួលស្គាល់នេះមិនមែនជារឿងងាយស្រួលពេកនោះទេ។
ទោះបីជាយ៉ាងណាក្តី បើយើងក្រឡេកទៅមើលអាជីវកម្មគំរូកន្លងមកទាំងនៅក្នុង និងនៅក្រៅប្រទេសដែលត្រូវបានចេញផ្សាយដោយ AMS Economy យើងអាចមើលឃើញថាជាក់ស្តែងអាជីវកម្មទាំងនោះមិនលំបាកក្នុងការអនុវត្តពេកនោះទេ ពីព្រោះថាម្ចាស់អាជីវកម្មទាំងនេះគឺពិតជាអាចងាយស្រួលក្នុងការស្វែងរកធនធានមនុស្ស ហើយមានឱកាសទទួលបានការគាំទ្រហិរញ្ញវត្ថិពីរដ្ឋាភិបាលទៀតផង។
ជាក់ស្តែងអាជីវកម្មគួរឲ្យចាប់អារម្មណ៍មួយដែលស្ថិតនៅប្រទេសសិង្ហបុរី ក្នុងនាមជាភោជនីយដ្ឋាន Diginity Kitchen ដែលមានបម្រើសេវាកម្មអាហារជាមួយនឹងបុគ្គលិកភាគច្រើនសុទ្ធតែជាពលរដ្ឋខ្វះលទ្ធភាពក្នុងការបំពេញការងារដែលមានទាំងអ្នកពិការភាព និងអសមត្ថភាពរាង្គកាយ។ ភោជនីយដ្ឋាន Diginity Kitchen ត្រូវបង្កើតឡើងតាំងពីឆ្នាំ២០១០មកម្ល៉េះ ហើយកំពុងទទួលបានភាពជោគជ័យយ៉ាងខ្លាំងដោយអាចបំបែកសាខាចំនួន៧កន្លែងរួចមកហើយនៅទូទាំងប្រទេស។
អ្វីដែលយើងអាចងាយស្រួលចំណាំបានចំពោះភោជនីយដ្ឋានគំរូនេះគឺថា ចាប់ពីអ្នកបម្រើដែលអង្គុយលើកៅអីជនពិការ , អ្នកគិតលុយដែលមានបញ្ហាត្រចៀក ព្រមទាំងចុងភៅមិនមានកាយសម្បទាគ្រប់គ្រាន់ ហើយច្បាស់ណាស់អតិថិជន១០០ភាគរយគឺបានដឹងរួចជាស្រេចទៅហើយនៅពេលដែលមកទទួលយកសេវាកម្មនៅទីនេះ។
ការហ្វឹកហាត់គឺជារឿងចាំបាច់សម្រាប់អាជីវកម្មរបស់ Dignity Kitchen ដែលមានទាំងការរៀបចំម្ហូបអាហារទៅដល់ការចំអិន ដូច្នេះភោជនីយដ្ឋាននេះគឺអាចធានាបានថា ស្តង់ដាម្ហូបអាហារគឺពិតជាគ្រប់គ្រាន់សម្រាប់អតិថិជនគ្រប់គ្នា ខណៈដែលផលចំណេញគឺបានត្រឡប់មកបុគ្គលិកទីទ័លទាំងនោះ។
គួរឲ្យដឹងដែរថា ទោះបីជាបច្ចុប្បន្ន ជនពិការភាពតែងតែត្រូវបានគេលើកឡើងថា នឹងអាចទទួលបានលទ្ធភាពក្នុងការបម្រើការងារដូចទៅនឹងបុគ្គលិកធម្មតាដែរ ប៉ុន្តែជាក់ស្តែង នៅសិង្ហបុរីនៅមិនទាន់អាចអនុវត្តបានទាំងស្រុងនៅឡើយ ជាក់ស្ដែង សម្រាប់ Dignity Kitchen គឺស្ថាបនិកម្នាក់ក្នុងចំណោម២នាក់គឺជាជនពិការដែលមិនអាចស្វែងរកការងារបានធ្វើបាននោះឡើយ ហើយក៏ជាមូលហេតុសំខាន់នៃគំនិតបង្កើតអាជីវកម្មមួយនេះឡើង៕
Account
Security
Favourite Content