សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាត់ដំបង ៖ គ្រឿងសមុទ្រ ជាប្រភេទអាហារដែលមនុស្សទូទៅចូលចិត្តទទួលទាន និងមានតម្លៃថ្លៃជាងផលនេសាទទឹកសាប ដែលគេអាចច្នៃជាមុខម្ហូបអាហារបានច្រើនប្រភេទ ទាំងប្រភេទចម្អិន និងឆៅ ពោរពេញទៅដោយរសជាតិឆ្ងាញ់។
កញ្ញា យ៉ាទី ជាម្ចាស់ហាង យ៉ាទីលក់គ្រឿងសមុទ្រក្រឡុក មានទីតាំងនៅស្រុកសំពៅលូន ខេត្តបាត់ដំបង កំពុងមានភាពមមាញឹកជាមួយនឹងអាជីវកម្មរបស់ខ្លួនជារៀងរាល់ថ្ងៃ ដោយការបើកលក់គ្រឿងសមុទ្រក្រឡុក ក្រោមការគាំទ្រយ៉ាងច្រើនពីសំណាក់អតិថិជនទូទៅនៅក្នុងតំបន់ ជាពិសេសយុវវ័យ។
ម្ចាស់អាជីវកម្មវ័យក្មេងរូបនេះបានបញ្ជាក់ថា ៖
“ហាងរបស់យើងខ្ញុំចាប់បើកលក់តាំងពីម៉ោង ១រសៀលដល់ម៉ោង ៩យប់ ហើយគ្រឿងសមុទ្ររបស់យើងបងប្អូនគាំទ្រច្រើន ដោយសារទឹកគ្រឿងដែលយើងលាយមិនប្រើប្រេងដែលធ្វើឱ្យទ្រលាន់នោះទេ ជាពិសេសតម្លៃរបស់យើងមានតាមឈុតតូច និងឈុតធំ ចាប់ពី ៥-៣០ដុល្លារ ដែលឈុត៥ដុល្លារអាចហូបបាន២នាក់ ហើយឈុតធំអាចទទួលទានជុំគ្នាជាលក្ខណៈគ្រួសារបានផងដែរ”
កញ្ញាបានបន្តថា ៖
“ចំពោះអតិថិជនវិញ ភាគច្រើនជាអ្នករស់នៅក្នុងតំបន់ មានទាំងយុវវ័យ និងវ័យចំណាស់ ដែលជាធម្មតាអាចលក់គ្រឿងសមុទ្រអស់ប្រមាណ ១០គីឡូក្រាម ឬអាចច្រើនជាងនេះនៅថ្ងៃចុងសប្ដាហ៍ ឬថ្ងៃបុណ្យទាន។ ក្រៅពីនេះ ក៏មានអ្នកស្គាល់ ក៏ដូចជាកម្ម៉ង់ទិញតាមបណ្ដាញសង្គមក្រោយធ្វើការផុសលក់ថែមទៀតផង។ ទាក់ទងទៅនឹងការផលិត យើងធ្វើទឹកគ្រឿងសម្រាប់លាយទុកជាមុនសិន ដោយឡែកគ្រឿងសមុទ្រយើងស្រុះភ្លាមៗពេលភ្ញៀវកម្ម៉ង់ ទើបយកទៅឆាជាមួយទឹកគ្រឿង និងបន្ថែមទឹកដោះគោឆៅជាការស្រេច។ ដោយឡែក គ្រឿងផ្សំសំខាន់ៗ មានដូចជាគ្រឿងសមុទ្រដែលយើងអាចដាក់បានច្រើនមុខដូចជា បង្គា មឹក ក្ដាម ងាវ ជាដើម ក្រៅពីនេះយើងមានបន្ថែមដូចជា មី ឬស្ប៉ាកាទី(spaghetti) ប្រហិត និងពោត ទៅតាមចំណង់ចំណូលចិត្តអតិថិជន”
នេះជាអ្វីដែលម្ចាស់ហាងខាងលើបានលើកឡើង។
គួរបញ្ជាក់ដែរថា កញ្ញា យ៉ាទី បានចាប់ផ្ដើមលក់គ្រឿងសមុទ្រក្រឡុកនៅឆ្នាំ២០២០ ដោយសារតែមានអតិថិជនគាំទ្រច្រើន ហើយកញ្ញាក៏ជាអ្នកចូលចិត្តលក់អ្វីដែលថ្មីប្លែកគេ។ កាលពីដំបូងឡើយ កញ្ញាបើកលក់ម្ជូរ ហើយក៏ពង្រីក និងបើកអាជីវកម្មថ្មីបន្ថែមដោយការលក់គ្រឿងសមុទ្រក្រឡុង និងបុកល្ហុងបន្ថែមទៀត ដែលប្រើប្រាស់ដើមទុនដំបូងប្រមាណ ៤ពាន់ដុល្លារក្នុងការរៀបចំតុបតែងហាង និងទិញសម្ភារចាំបាច់ ដូចជា ចាន ឆ្នាំង ស្លាបព្រា កែវ និងសម្ភារៈមួយចំនួនទៀតសម្រាប់ប្រើប្រាស់ផងដែរ។
ចំពោះកត្តាប្រឈមវិញ ត្រូវបានកញ្ញា យ៉ាទី លើកឡើងថា អ្វីដែលពិបាកគឺការកម្ម៉ង់ទិញ ស្ប៉ាកាទីពីទីរួមខេត្ត ហើយក្រៅពីនេះពុំមានចោទជាបញ្ហាអ្វីនោះឡើយដោយសារហាងរបស់កញ្ញាមានគេស្គាល់ច្រើន ហើយការលក់ក៏មមាញឹក លក់ដាច់អស់ៗ ផ្ទាល់តែម្ដង។
ចុងក្រៅយ កញ្ញា យ៉ាទី សូមអរគុណដល់អតិថិជនដែលតែងតាំគាំទ្រហាងរបស់កញ្ញា ក៏ដូចជាគ្រឿងសមុទ្រក្រឡុកនេះ ហើយអនាគតទៅ កញ្ញាក៏ចង់ពង្រីកអាជីវកម្មនេះឱ្យកាន់តែធំ និងមានអតិថិជនគាំទ្រកាន់តែច្រើននៅក្នុងតំបន់ផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រុស្ស៊ី ព្រមានជាថ្មីដល់ជនបរទេស និងអ្នកការទូត ឲ្យឆាប់ចាកចេញពីទីក្រុងគៀវ
ព្រឹត្តិការណ៍, អាជីវកម្មថ្មី និងនវានុវត្ត
• 06/10/2026
បរទេស ៖ ក្រុងមូស្គូស នៅប្តាហ៍នេះបានថ្លែងថា កងកម្លាំងប្រដាប់អាវុធរុស្ស៊ីនឹងបន្តបើកការវាយប្រហារសងសឹកខ្លាំងក្លាបន្ថែមទៀតទៅលើគោលដៅយោធានានានៅក្នុងប្រទេសអ៊ុយក្រែន។ នៅក្នុងអត្ថបទដែលត្រូវបានចេញផ្សាយដោយ Novinata បានឱ្យដឹងថា ក្រសួងការបរទេសរុស្ស៊ីបានចេញសេចក្តីព្រមានសាជាថ្មីដល់បណ្តាជនបរទេស និងបុគ្គលិកនៃបេសកកម្មការទូតនានា ដាច់ខាតកុំឱ្យស្នាក់នៅ ឬធ្វើដំណើរទៅកាន់ប្រទេសអ៊ុយក្រែន ក៏ដូចជាកុំឱ្យបន្តស្នាក់នៅជិតទីតាំងយោធាក្នុងតំបន់គោលដៅ។ នៅក្នុងសេចក្តីថ្លែងការណ៍របស់ក្រសួងការបរទេសរុស្ស៊ីបានចង្អុលបង្ហាញថា ដើម្បីឆ្លើយតបទៅនឹងអ្វីដែលក្រុងមូស្គូបានកំណត់ថាជាសកម្មភាពភេរវកម្មដោយកងកម្លាំងប្រដាប់អាវុធអ៊ុយក្រែន ប្រឆាំងប្រជាជនស៊ីវិល និងហេដ្ឋារចនាសម្ព័ន្ធស៊ីវិលរុស្ស៊ីនាពេលកន្លងមក កងកម្លាំងប្រដាប់អាវុធរុស្ស៊ីនឹងនៅតែបន្តវាយប្រហារលើគោលដៅយោធាក្នុងក្រុងគៀវ និងទីក្រុងផ្សេងទៀតរបស់អ៊ុយក្រែន។ ក្រសួងការបរទេសរុស្ស៊ីបានបញ្ជាក់ទៀតថា
ក្រុមការងារគម្រោង ICCAP ប្រជុំបើកដំណើរការគម្រោងជំនួយបច្ចេកទេសសម្រាប់គ្រឹះស្ថាន ខេមា
ព្រឹត្តិការណ៍, អត្ថបទពាណិជ្ជកម្ម
• 06/10/2026
ក្រុមការងារក្នុងគម្រោងបរិយាបន្នហិរញ្ញប្បទានអាកាសធាតុសម្រាប់សហគមន៍ងាយរងគ្រោះនៅតំបន់អាស៊ីប៉ាស៊ីហ្វិក (ICCAP) ជួបប្រជុំបើកដំណើរការគម្រោងជំនួយបច្ចេកទេសសម្រាប់គ្រឹះស្ថាន ខេមា មីក្រូហិរញ្ញវត្ថុ លីមីតធីត នៅថ្ងៃទី២២ ខែកញ្ញា ឆ្នាំ២០២៦ នៅការិយាល័យកណ្ដាលរបស់ គ្រឹះស្ថាន ខេមា
ឥណ្ឌាបារម្ភ ពាណិជ្ជកម្មអាម៉េរិក-ចិនធូរស្រាល អាចធ្វើឱ្យខ្លួនខាតឱកាសសេដ្ឋកិច្ច និងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 05/10/2026
ឥណ្ឌាកំពុងបារម្ភថា ការធូរស្រាលនៃភាពតានតឹងពាណិជ្ជកម្មរវាងអាម៉េរិក និងចិន អាចធ្វើឱ្យខ្លួនខាតបង់ផលប្រយោជន៍សេដ្ឋកិច្ច និងខកខានឱកាសវិនិយោគសំខាន់ៗ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content