សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ដូចការគ្រោងទុក ប្រតិភូធុរកិច្ចកាណាដាធំបំផុតមិនធ្លាប់មានបានមកបំពេញបេសកកម្មធុរកិច្ចនៅកម្ពុជា ដែលមានការចូលរួមដោយតំណាងចំនួន៩០ នាក់ មកពីស្ថាប័នធុរកិច្ចកាណាដាប្រមាណជាង ៨០ស្ថាប័ន ដើម្បីស្វែងរកឱកាសធ្វើពាណិជ្ជកម្ម និងវិនិយោគនៅកម្ពុជា។
ក្នុងដំណើរទស្សនកិច្ចដ៏កម្រនៅរសៀលថ្ងៃទី២៨ ខែឧសភា ឆ្នាំ២០២៥នេះ ក្រុមអ្នកវិនិយោគកាណាដា ដឹកនាំដោយលោកស្រី Sara Wilshaw ឧបការីជាន់ខ្ពស់អនុរដ្ឋមន្ត្រីក្រសួងពាណិជ្ជកម្មអន្តរជាតិ និងជាស្នងការពាណិជ្ជកម្មនៃប្រទេសកាណាដា បានជួបពិភាក្សារការងារជាមួយលោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម រួចនឹងបន្តជួបពិភាក្សាការងារជាមួយឯកឧត្តម ស៊ុន ចាន់ថុល ឧបនាយករដ្ឋមន្ត្រីនិងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា(CDC), ឯកឧត្តម សុក ស៊ីផាន់ណា ទេសរដ្ឋមន្ត្រី, ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងក៏មានជំនួបផ្គូរផ្គងផ្នែកឯកជន B2B រវាងអ្នកវិនិយោគនៃប្រទេសទាំង២ ជាបន្តបន្ទាប់។
ក្នុងជំនួបថ្ងៃដំបូងជាមួយលោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម នៅរសៀលថ្ងៃទី២៨ ខែឧសភានេះ លោកស្រី Sara Wilshaw មានប្រសាសន៍ថា ទស្សនកិច្ចដ៏កម្រនេះ ក្រុមធុរជនជនជាតិកាណាដា មានគោលបំណងស្វែងយល់ឱ្យបានច្បាស់ និងស៊ីជម្រៅអំពីសក្តានុពលប្រទេសកម្ពុជា ដើម្បីស្វែងរកឱកាសធ្វើពាណិជ្ជកម្ម និងការវិនិយោគ ។
ក្នុងឱកាសនោះដែរ លោជំទាវរដ្ឋមន្រ្តី ចម និម្មល បានមានប្រសាសន៍ជម្រាបជូនក្រុមធុរកិច្ចជនជតិកាណាដាទាំង៩០នាក់នោះ ដោយបានលើកពីសក្តានុពលពាណិជ្ជកម្ម និងវិនិយោគកម្ពុជា ដល់គណៈប្រតិភូធុរកិច្ចកាណាដា ដោយរំលេចឡើងនូវបរិយាកាសវិនិយោគអំណោយផល និងទីផ្សារទូលំទូលាយតាមរយៈកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគីដែលកម្ពុជាជាសមាជិក។
ភាគីទាំងពីរបានពិភាក្សា និងផ្លាស់ប្តូរយោបល់លើការពង្រឹងកិច្ចសហប្រតិបត្តិការពាណិជ្ជកម្មទ្វេភាគី កម្ពុជា-កាណាដា តាមរយៈការផ្លាស់ប្តូរបេសកកម្មធុរកិច្ច ជំរុញការចរចាកិច្ចព្រមព្រៀងពាណិជ្ជកម្មសេរី អាស៊ាន-កាណាដា ដោយឈរលើគោលការណ៍ប្រព័ន្ធពាណិជ្ជកម្មពហុភាគីផ្អែកលើច្បាប់។
គួរបញ្ជាក់ថា មុខទំនិញសំខាន់ៗរបស់កម្ពុជាដែលនាំចេញទៅកាន់ទីផ្សារអន្តរជាតិរួមមាន៖ ផលិតផលវាយនភណ្ឌកាត់ដេរ សម្លៀកបំពាក់ ស្បែកជើង និងទំនិញធ្វើដំណើរ, ផលិតផលកសិកម្ម ដែលមានដូចជា ស្រូវ អង្ករ គ្រាប់ស្វាយចន្ទី ដំឡូងមី និងកៅស៊ូ, គ្រឿងសង្ហារឹម, សំបកកង់រថយន្ត, បន្ទះសូឡា, កង់, សម្ភារៈអគ្គិសនី, គ្រឿងបង្គុំអេឡិចត្រូនិក និងគ្រឿងបង្គុំយានយន្ត ជាដើម។
កាណាដាជាប្រទេសឈរនៅលំដាប់ទី៤ នៃទីផ្សារនាំចេញសម្លៀកបំពាក់ និងផលិតផលវាយនភណ្ឌរបស់កម្ពុជា។ របាយករណ៍ស្ថិតិអាជ្ញាធរប្រទេសកាណាដា បានបង្ហាញថា ការធ្វើពាណិជ្ជកម្មទំនិញទ្វេភាគី រវាងកាណាដា និងកម្ពុជា ក្នុងឆ្នាំ២០២៤ បានកើនដល់ ២,៤ពាន់លានដុល្លារ ចំណែកកាណាដានាំទំនិញមកកម្ពុជាមានតម្លៃសរុប ៣៣,៥លានដុល្លារ៕ វិន ឈុនហ៊ាត
Account
Security
Favourite Content