សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ធនាគារអភិវឌ្ឍន៍អាស៊ី (ADB) កាលពីពេលកន្លងទៅបានព្យាករណ៍ពីកំណើនសេដ្ឋកិច្ចកម្ពុជាសម្រាប់ឆ្នាំ២០២២ថា នឹងមានកំណើនក្នុងកម្រិត ៥.៣% និងកើនឡើង ៦.៥% សម្រាប់ឆ្នាំ២០២៣ ដោយផ្អែកលើហេតុផលសំខាន់ៗនៅក្នុងវិស័យមួយចំនួនដែលជាកម្លាំងជំរុញ និងគាំទ្រ។
ផ្អែកតាមទិន្នន័យដែលចេញផ្សាយដោយធនាគារអភិវឌ្ឍន៍អាស៊ី (ADB) បានឲ្យដឹងថា ហេតុផលដែលជួយឲ្យសេដ្ឋកិច្ចកម្ពុជាងើបឡើងវិញក្នុងឆ្នាំ២០២២-២០២៣ រួមមានដូចជា ៖
• កំណើនសេដ្ឋកិច្ចរបស់ប្រទេសដៃគូពាណិជ្ជកម្មធំៗនឹងបន្តគាំទ្រដល់សន្ទុះដ៏ខ្លាំងក្លានៃការនាំចេញទំនិញរបស់កម្ពុជា និងការហូរចូលនៃការវិនិយោគដោយផ្ទាល់ពីបរទេស។
• ផលិតកម្មឧស្សាហកម្ម ត្រូវបានរំពឹងទុកថា នឹងកើនឡើង ៨,១% ក្នុងឆ្នាំ២០២២ និង ៩,១% ក្នុងឆ្នាំ២០២៣។
• វិស័យកាត់ដេរសម្លៀកបំពាក់ ទំនិញសម្រាប់ការធ្វើដំណើរ និងស្បែកជើងនឹងកើតចេញពីតម្រូវការដ៏ខ្លាំងក្លាពីក្រៅស្រុកដែលត្រូវបានគាំទ្រដោយការបង្វែរការបញ្ហាទិញនានាពីប្រទេសចិន និងប្រទេសជិតខាង។ កំណើននេះក៏នឹងត្រូវបានជំរុញតាមរយៈការអនុវត្តយុទ្ធសាស្ត្រអភិវឌ្ឍន៍វិស័យកាត់ដេរ សម្លៀកបំពាក់ ស្បែកជើង និងទំនិញសម្រាប់ការធ្វើដំណើរ ដើម្បីបង្កើនភាពប្រកួតប្រជែងនៅក្នុងវិស័យនេះ។
• កំណើននៃវិស័យកម្មន្តសាលផ្សេងទៀតនឹងឆ្លុះបញ្ចាំងអំពីតម្រូវយ៉ាងខ្លាំងក្លាពីក្រៅស្រុកដែលត្រូវបានរំពឹងទុក និងត្រូវបានគាំទ្រដោយកិច្ចព្រមព្រៀងពាណិជ្ជកម្មសេរីជាមួយសាធារណរដ្ឋប្រជាមានិតចិន និងសាធារណរដ្ឋកូរ៉េ នាពេលថ្មីៗនេះ ព្រមទាំងច្បាប់វិនិយោគថ្មីមួយផង។
ផលិតកម្មនៃវិស័យកសិកម្មត្រូវបានរំពឹងទុកថា នឹងកើនឡើង ១,២%
• វិស័យសេវាកម្មត្រូវបានគេប្រមើលមើលថានឹងងើបឡើងវិញ ៤,៨% នៅឆ្នាំ២០២២នេះ ហើយនឹងកើនឡើងដល់ ៦,៨% នៅឆ្នាំ២០២៣។ ប៉ុន្តែការព្យាករណ៍នេះ សន្មត់ថានឹងទទួលរងផលប៉ះពាល់កម្រិតស្រាល ដោយសារការបន្តឆ្លងមេរោគកូវីដ១៩ថ្មី។ ការងើបឡើងវិញនៃវិស័យសេវាកម្មនៅឆ្នាំ២០២២ នឹងឆ្លុះបញ្ចាំងអំពីការងើបឡើងវិញនៃវិស័យសណ្ឋាគារ ភោជនីយដ្ឋាន ការធ្វើជំនួញ លក់ដុំ លក់រាយ ការដឹកជញ្ជូន ការប្រាស្រ័យទាក់ទង អចលនទ្រព្យ និងការបើកសេដ្ឋកិច្ចឡើងវិញ។
ការគ្របដណ្តប់ការចាក់ថ្នាំបង្ការដែលមានកម្រិតខ្ពស់គួរឲ្យកត់សម្គាល់រួចទៅហើយ នឹងអនុញ្ញាតឲ្យមានការងើបឡើងវិញជាសន្សឹមៗនៅក្នុងវិស័យទេសចរណ៍ ដែលជាលទ្ធផលនឹងគាំទ្រដល់តម្រូវការកន្លែងស្នាក់នៅ ស្បៀងអាហារ ការដឹកជញ្ជូន និងសេវាដទៃទៀតដែលផ្ដល់ដោយបុគ្គលដោយផ្ទាល់។ បន្ថែមពីនេះ កំណើននៅក្នុងវិស័យសេវាកម្មនៅឆ្នាំក្រោយនឹងបន្តបង្កើនសន្ទុះដែលសម្រេចបានក្នុងឆ្នាំ២០២២ ជាពិសេសនៅក្នុងវិស័យបដិសណ្ឋារកិច្ច ហើយទំនងជានឹងត្រូវបានគាំទ្រដោយការធ្វើជាម្ចាស់ផ្ទះការប្រកួតកីឡាស៊ីហ្គេម ឆ្នាំ២០២៣ របស់ប្រទេសកម្ពុជាផង។
• កម្មវិធីរៀបចំឥណទានឡើងវិញ ត្រូវបានពន្យារពេលរហូតដល់ចុងខែ មិថុនា និងវិធានការបន្ធូរបន្ថយច្បាប់បញ្ញត្តិដទៃទៀត ដើម្បីធ្វើឲ្យធនាគារ និងគ្រឹះស្ថានមីក្រូហិរញ្ញវត្ថុអាចបន្តផ្តល់កម្ចី ដែលកំពុងតែដំណើរការ។ • វិស័យហិរញ្ញវត្ថុនៅតែមានស្ថេរភាព និង មានទុនគ្រប់គ្រាន់ ប៉ុន្តែកំណើនជាសក្តានុពលឥណទានមិនដំណើរការ ចំណែកឯឥណទានដែលមានគុណភាពទាបអាចដាក់សម្ពាធលើធនាគារ និងគ្រឹះស្ថានមីក្រូហិរញ្ញវត្ថុមួយចំនួន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រាជធានីភ្នំពេញ កំពុងបោះជំហានថ្មី ឆ្ពោះទៅជាគោលដៅទេសចរណ៍ទីក្រុងលំដាប់អន្តរជាតិ!
Top News, ព្រឹត្តិការណ៍, សេដ្ឋកិច្ច
• 17/08/2026
រដ្ឋមន្ត្រីក្រសួងទេសចរណ៍បានអះអាងថា រាជធានីភ្នំពេញ មិនត្រឹមតែជាមជ្ឈមណ្ឌល នយោបាយ រដ្ឋបាល សេដ្ឋកិច្ច ពាណិជ្ជកម្ម និងវប្បធម៌របស់ព្រះរាជាណាចក្រកម្ពុជាប៉ុណ្ណោះទេ ប៉ុន្តែក៏ជាច្រកទ្វារទេសចរណ៍អន្តរជាតិដ៏សំខាន់
អាម៉េរិក ពិចារណាប្រើបច្ចេកវិទ្យាតាមគំរូរុស្ស៊ី ក្រោយបាត់បង់ប្រព័ន្ធការពារអាកាសតម្លៃរាប់ពាន់លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 17/08/2026
យោធាសហរដ្ឋអាម៉េរិកកំពុងពិចារណាអភិវឌ្ឍរ៉ាដាការពារអាកាសចល័តជំនាន់ថ្មី ដែលអាចតភ្ជាប់ជាបណ្តាញតាមគំរូប្រព័ន្ធ S-300 និង S-400 របស់រុស្ស៊ី បន្ទាប់ពីប្រព័ន្ធរ៉ាដាការពារអាកាសអាម៉េរិកមួយចំនួនត្រូវបានបំផ្លាញក្នុងសង្គ្រាមជាមួយអ៊ីរ៉ង់
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content