សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យន្តហោះដឹកអ្នកដំណើរខ្នាតធំ C929 របស់ក្រុមហ៊ុនចិន COMAC គឺជាគូប្រជែងថ្មីមួយទៀតនៃយន្តហោះដឹកអ្នកដំណើររបស់ក្រុមហ៊ុនអ្នកផលិតលំដាប់ពិភពលោក និងប្រឡូកក្នុងវិស័យអាកាសចរជាច្រើនទសវត្សរ៍មកហើយនោះដូចជា Airbus និង Boeing។
នៅក្នុងសប្តាហ៍នេះ C929 ត្រូវបានបញ្ជាទិញជាលើកដំបូងពីសំណាក់ក្រុមហ៊ុនអាកាសចរចិន Air China ប៉ុន្តែទោះជាយ៉ាងណាក្តីគឺពុំបានបញ្ជាក់អំពីតួលេខ និងតម្លៃនៅក្នុងកុងត្រានៅឡើយទេ ខណៈដែលម៉ូដេលខ្នាតមធ្យម C919 ចំនួន៦០គ្រឿង និងយន្តហោះសម្រាប់ការធ្វើដំណើរក្នុងស្រុកប្រភេទ C909 ចំនួន៤០គ្រឿងត្រូវបានបញ្ជាទិញដោយក្រុមហ៊ុន Hainan Airlines រួចទៅហើយដែរ។
ការប្រកាសនេះត្រូវបានធ្វើឡើងដោយអនុប្រធានផ្នែកទីផ្សារនៃក្រុមហ៊ុនអ្នកផលិត COMAC លោក Liu Yan នៅឯព្រឹត្តិការណ៍តាំងពិពណ៍វិស័យអាកាសចរធំបំផុតរបស់ចិននៅក្នុងទីក្រុង Zhuhai។ COMAC ធ្លាប់បានបញ្ជាក់ហើយថា យន្តហោះខ្នាតធំ C929 នេះនឹងអាចផ្ទុកអ្នកធ្វើដំណើរបានសរុបពី ២៨០ ទៅ ៤០០នាក់ និងអាចហោះហើរមួយលើកបានទៅដល់ ១២ ០០០ម៉ាល ដែលប្រហាក់ប្រហែលទៅនឹងសមត្ថភាពរបស់យន្តហោះ 787 Dreamliner របស់ក្រុមហ៊ុន Boeing ដែរ។
គួររំលឹកដែរថា យន្តហោះខ្នាតធំ C929 ធ្លាប់ត្រូវបានប្តូរឈ្មោះចេញពី CR929 កាលពីឆ្នាំ២០២៣ ពោល គឺនៅក្រោយពេលប្រទេសរុស្ស៊ីបានសម្រេចដកខ្លួនចេញពីក្រុមហ៊ុនបុត្រសម្ព័ន្ធរួមគ្នាដែលបង្កើតឡើងនិងអភិវឌ្ឍកម្មវិធីយន្តហោះប្រភេទនេះ។
កម្មវិធីអភិវឌ្ឍយន្តហោះ C929 របស់ក្រុមហ៊ុន COMAC ចាប់ផ្តើមសិក្សាដំបូងតាំងតែពីឆ្នាំ២០១១មកម្ល៉េះ ហើយមកទល់បច្ចុប្បន្ន ទំហំនៃការចំណាយមានប្រមាណជា ៧ ទៅ ១២ពាន់លានដុល្លារ ហើយតាមផែនការរបស់ក្រុមហ៊ុនយន្តហោះនេះនឹងធ្វើការហោះហើរនៅឆ្នាំ២០២៥៕
Account
Security
Favourite Content