សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ នៅថ្ងៃទី១៧ ខែមេសា ឆ្នាំ២០២៥ តបតាមការអញ្ជើញរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ប្រធានាធិបតីចិន ឯកឧត្តម ស៊ី ជីនពីង បានអញ្ជើញមកដល់រាជធានីភ្នំពេញ ដើម្បីចាប់ផ្តើមទស្សនកិច្ចផ្លូវរដ្ឋនៅកម្ពុជា។
ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ស្តេចយាងទទួលស្វាគមន៍ ឯកឧត្តម ស៊ី ជីនពីង (Xi Jinping) ដែលឆ្លុះបញ្ចាំងពីដំណើរទស្សនកិច្ចនេះបានបន្ថែមសន្ទុះថ្មីដល់ការកសាងសហគមន៍ វាសនារួមកម្ពុជា-ចិន គ្រប់រដូវកាល ក្នុងយុគសម័យថ្មី ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់។
ដំណើរទស្សនកិច្ចដ៏មានសារៈសំខាន់នេះ មិនត្រឹមតែបានបញ្ជាក់សាជាថ្មីពីការប្តេជ្ញាចិត្តឥតងាករេចំពោះទំនាក់ទំនងមិត្តភាពដែកថែបរវាងកម្ពុជា និងចិនប៉ុណ្ណោះទេ ប៉ុន្តែថែមទាំងបានពង្រឹង និងធ្វើឱ្យស៊ីជម្រៅថែមទៀតនូវភាពជាដៃគូយុទ្ធសាស្ត្រគ្រប់ជ្រុងជ្រោយ និងកិច្ចសហប្រតិបត្តិការ ឈ្នះ-ឈ្នះ រវាងប្រទេសទាំងពីរ។
សម្តេចព្រះបរមនាថ នរោត្តម សីហមុនី មានព្រះបន្ទូលថា ទំនាក់ទំនងមិត្តភាពរវាងកម្ពុជា និងចិន ត្រូវបានបង្កើតឡើង និងបណ្តុះដោយមេដឹកនាំជំនាន់ចាស់នៃប្រទេសទាំងពីរ ដោយបន្ថែមជាមួយនឹងការខិតខំប្រឹងប្រែងរួមគ្នារបស់ភាគីទាំងពីរទៅលើកិច្ចសហប្រតិបត្តិការលើវិស័យផ្សេងៗកាន់តែជិតស្និទ្ធ ហើយការកសាងសហគមន៍ដែលមានអនាគតរួមគ្នាត្រូវបានពង្រឹងជាបន្តបន្ទាប់។
ព្រះមហាក្សត្រ បានមានបន្ទូលបន្តថា ភាគីកម្ពុជាប្រកាន់ខយ៉ាងខ្ជាប់ខ្ជួននូវគោលការណ៍ចិនតែមួយ វាយតម្លៃខ្ពស់ចំពោះគំនិតផ្តួចផ្តើមជាសាកលធំៗចំនួនបី ដែលស្នើឡើងដោយឯកឧត្តម ស៊ី ជីនពីង និងកោតសរសើរចំពោះកាលានុវត្តភាពអភិវឌ្ឍន៍ដ៏ធំ ដែលបាននាំមកកម្ពុជាតាមរយៈកិច្ចសហប្រតិបត្តិការខ្សែក្រវាត់ និងផ្លូវ។
ព្រះមហាក្សត្រកម្ពុជា ក៏បានសាទរចំពោះដំណើរទស្សនកិច្ចរបស់ឯកឧត្តម ស៊ី ជីនពីង ជាប្រវត្តិសាស្រ្ត ដែលនឹងធ្វើឱ្យកាន់តែស៊ីជម្រៅនូវចំណងមិត្តភាពរវាងប្រទេសទាំងពីរ ពង្រឹងក្របខ័ណ្ឌកិច្ចសហប្រតិបត្តិការនៃ “Diamond Hexagon” និងធ្វើឱ្យទំនាក់ទំនងទ្វេភាគីឡើងដល់កម្រិតថ្មីមួយ។
សម្តេចព្រះបរមនាថ នរោត្តម សីហមុនី បានមានព្រះរាជបន្ទូលទៀតថា ឯកឧត្តម ស៊ី ជីនពីង មានអារម្មណ៍ជាមិត្តពិសេសចំពោះប្រទេសកម្ពុជា ហើយបានចូលរួមចំណែកយ៉ាងខ្លាំងក្នុងការលើកកម្ពស់ការអភិវឌ្ឍទំនាក់ទំនងកម្ពុជា-ចិន ហើយឯកឧត្តម Xi ជាមិត្តដ៏ល្អរបស់កម្ពុជា។ ក្រោមការដឹកនាំរបស់ប្រធានាធិបតី ស៊ី ជីនពីង ប្រទេសចិននឹងសម្រេចបាននូវសមិទ្ធផលនៃការអភិវឌ្ឍន៍កាន់តែច្រើន និងដើរតួនាទីសំខាន់ជាងគេនៅក្នុងកិច្ចការអន្តរជាតិ និងតំបន់។
ក្នុងឱកាសដឹកនាំគណៈប្រតិភូជាន់ខ្ពស់ចិនចូលក្រាបបង្គំគាល់ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុតឯកឧត្តម ប្រធានាធិបតីចិន ស៊ី ជីនពីង មានប្រសាសន៍ថា ប្រទេសចិន និងកម្ពុជាបានធ្វើជាគំរូសម្រាប់សមភាព ការជឿទុកចិត្តគ្នាទៅវិញទៅមក កិច្ចសហប្រតិបត្តិការឈ្នះ-ឈ្នះ រវាងប្រទេសដែលមានទំហំខុសៗគ្នា។
ឯកឧត្តម ស៊ី ជីនពីង បានថ្លែងទៀតថា ចិន និងកម្ពុជាបាននាំមុខគេក្នុងការកសាងសហគមន៍មួយដែលមានអនាគតរួមនៅកម្រិតទ្វេភាគី និងក្នុងការអភិវឌ្ឍសហប្រតិបត្តិការខ្សែក្រវាត់ និងផ្លូវ។ ប្រទេសទាំងពីរបានគាំទ្រគ្នាទៅវិញទៅមកក្នុងការរក្សាស្ថិរភាពជាតិ លើកកម្ពស់ការអភិវឌ្ឍន៍ និងវិបុលភាព ហើយបានសហការជាមួយគ្នា ដើម្បីការពារយុត្តិធម៌នៅលើឆាកអន្តរជាតិ។
ឯកឧត្តម ប្រធានាធិបតីចិន បានមានប្រសាសន៍ទៀតថា ការកសាងប្រទេសជាតិរបស់កម្ពុជាមានភាពរីកចម្រើន ហើយ ឯកឧត្តម ស៊ី ជីនពីង មានជំនឿយ៉ាងមុតមាំថា ក្រោមព្រះពររបស់ព្រះមហាក្សត្រ សីហមុនី ប្រជាជនកម្ពុជាដែលឧស្សាហ៍ព្យាយាម និងឆ្លាតវៃ នឹងប្រាកដជាកសាងប្រទេសជាតិកាន់តែរីកចម្រើន និងរឹងមាំថែមទៀត។
Account
Security
Favourite Content