សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងវេទិកាធុរកិច្ចបារាំង-កម្ពុជា នាដើមសប្តាហ៍នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងឱ្យដឹងថា ទំហំពាណិជ្ជកម្មទ្វេភាគីរវាងកម្ពុជា និងបារាំង បានឈានដល់ ៥១៥,២១ លានដុល្លារកាលពីឆ្នាំ២០២៣ ខណៈដែលបារាំងនៅតែជាដៃគូវិនិយោគ និងពាណិជ្ជកម្មដ៏ធំបំផុតរបស់អឺរ៉ុបមួយនៅកម្ពុជាដោយមានទំហំសរុប ៤,៦ ពាន់លានដុល្លារកាលពីឆ្នាំកន្លងទៅ។
សម្តេចធិបតី ហ៊ុន ម៉ាណែត បានលើកឡើងថា ៖
«ប្រទេសបារាំង គឺជាដៃគូអភិវឌ្ឍន៍ដ៏សំខាន់ដែលបាន និងកំពុងរួមចំណែកយ៉ាងសំខាន់ដល់ភាពជោគជ័យនៃសេដ្ឋកិច្ចរបស់ប្រទេសជាតិ»។
សម្តេចធិបតីនាយករដ្ឋមន្ត្រី បានឱ្យដឹងទៀតថា ៖ អាជីវកម្មបារាំងមានសក្តានុពលខ្ពស់ក្នុងការចាប់ផ្តើម និងពង្រីកប្រតិបត្តិការក្នុងវិស័យដែលមានស្រាប់ និងទាក់ទាញ ដូចជា កសិកម្ម, រោងចក្រកែច្នៃ, ថាមពលកកើតឡើងវិញ ការថែទាំសុខភាព ការអប់រំ និងបច្ចេកវិទ្យាព័ត៌មាន ព្រមទាំងវិស័យត្រួសត្រាយដែលអាចផ្តល់នូវផលចំណេញដំបូង រួមទាំងរថយន្ត និងការច្នៃប្រតិដ្ឋ។
សម្តេចធិបតីបានគូសបញ្ជាក់ទៀតថា ៖ កម្ពុជាបានផ្តល់អត្ថប្រយោជន៍ជាច្រើនដល់វិនិយោគិន ជាមួយនឹងគុណសម្បត្តិប្រកួតប្រជែង រួមជាមួយនឹងឱកាសវិនិយោគ រហូតធ្វើឱ្យកម្ពុជាក្លាយជាគោលដៅទាក់ទាញសម្រាប់អ្នកវិនិយោគអន្តរជាតិ ខណៈដែលរាជរដ្ឋាភិបាលបានការពារយ៉ាងម៉ឺងម៉ាត់នូវសន្តិភាព និងស្ថិរភាពដែលជាគោលការណ៍ស្នូលដើម្បីបង្កើតបរិយាកាសសុវត្ថិភាពយូរអង្វែងសម្រាប់ប្រតិបត្តិការអាជីវកម្ម។
គួរបញ្ជាក់ថា បារាំង គឺជាដៃគូពាណិជ្ជកម្មដ៏សំខាន់មួយរបស់កម្ពុជានៅក្នុងតំបន់អឺរ៉ុប ដែលទំនិញនាំចេញសក្តានុពលពីកម្ពុជាទៅបារាំង រួមមាន អង្ករ ផលិតផលកសិកម្ម សម្លៀកបំពាក់ និងស្បែកជើង ជាដើម។ រីឯ ទំនិញនាំចូលសក្តានុពលពីបារាំងមកកម្ពុជាវិញ រួមមាន ឱសថ បន្ទះក្តារ និងភេសជ្ជៈ ដោយនៅក្នុងមួយឆ្នាំៗ ទំហំពាណិជ្ជកម្មរវាងកម្ពុជា និងបារាំង មានទឹកប្រាក់ជាង ១ពាន់លានអឺរូ ខណៈដែលទៅថ្ងៃអនាគត បារាំងបានប្តេជ្ញាបង្កើនទំហំទឹកប្រាក់ឱ្យកើនជាងនេះបន្ថែមទៀត។ ជាក់ស្ដែងនៅឆ្នាំ២០២២ ភាគីទាំងពីរសម្រេចបានទំហំពាណិជ្ជកម្មប្រមាណជាង ៥០០លានដុល្លារអាមេរិក ជាមួយនឹងកំណើនប្រមាណ ១៦.៣១ភាគរយ បើប្រៀបធៀបនឹងឆ្នាំ២០២១៕
Account
Security
Favourite Content